Nannuttassiissutit 2026-moortut

Naalakkersuisut nannuttassiissutit 2026-moortut Kitaanut Tunumullu tunngasut akuersissutigaat, tabel 1 takuuk.

Kitaa:
Nannuttassiissutit ilisimatuussutsikkut inassuteqaatit kingullerpaat Kitaanut tunngasut, tusarniaanerit naalakkersuinikkullu aalajangiinerit aallaavigalugit agguaanneqarput.

Kujataa:
Aalajangerneqarportaaq Kujataani pisassiisarneq allanngortissasoq, tassa pisassiissutit Tunumiit avissaartinneqarlutik, Kujataani uumassusilerinermut siunnersuisoqavinnissaata tungaanut.

Tunu:
Pinngortitaleriffik Tunu pillugu nutaamik siunnersuuteqarnikuuvoq. Nannuttassiissutit ilisimatuussutsikkut inassuteqaatit kingullerpaat Tunumut tunngasut, tusarniaanerit naalakkersuinikkullu aalajangiinerit aallaavigalugit agguaanneqarput.

Tamaginnit:
Aammattaaq Naalakkersuisut aalajangerput kulturi tunngavigalugu pisassiissutit “kulturkvote”, kommuunit ileqqutoqqat atorlugit piniartoqarfiusut kajumissaarneqassasut pisassiissutaareersut iluannit tassunga illuartitsissasut, soorlu assersuutigalugu qimussimik nannunniarneq.

Nannuttassiissutit 2026-moortunut siunnersuutit imatut isikkoqarput, Kalaallit Nunaat:

Allatut ajornartumik toqutsinerit illersuisariaqarnerlu:
Naalakkersuisut aamma aalajangerput allatut ajornartumik illersuisariaqalernermik aamma illersuisussaatitaanermik tunngaveqartumik nannut nuna tamakkerlugu pisassiissutiniit 4-t illuartinneqassasut, takuuk nannut pillugit nalunaarummi § 5, imm. 2. Taakku pisanut nalunaarutinut ilanngunneqartassapput taamatut pisoqartillugu.

Pisarinngitsuukkanik nuussineq
Ukiumi qaangiuttumi pisassiissutiniit sippuisimanerit (2025) aqutsiveqarfinni pineqartuni 2026-mut pisassiissutit agguaanneqartinnagit ilanngaatigineqassapput.

2023-mi nannut pillugit nalunaarut naapertorlugu pisassiissutit atorneqarsimanngitsut nuunneqarsinnaapput (periuseq amerliartuutaanngitsoq malinneqassaaq), aammalu sinniilluni pisaasimasut ukiup tulliani ilanngaatigineqarlutik.


Sukumiinerusumik paasisaqarusukkaanni immikkoortortami pisortaq Amalie A. Jessen, Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: amalie@nanoq.gl