Juulimaap juulliaqqami nal. 11.00 qulimiguulimmut ilaalluni takkunnissaa

Meeqqat inersimasullu meeqqatulli qilanaartut, kingumut ukioq manna juulimaap ikiortaasalu, pisarnertik malillugu Dronning Ingridip Napparsimmavissuata silataanut juulliaqami nal. aqqanernut mippata, aalateriffiginissaat qilanaarisinnaanngorpaat.

Tassani juulimaap napparsimmavissuarmut iserluni meeqqanik inersimasunillu uninngasunik juullimi pilluaqqusiartortinnani, meeqqat illoqarfimmeersut ilassissavai.

” Juulimaap qulimiguulimmut aappalaartumut ilaalluni Napparsimmavissuup silataanut minnerani tikilluaqqusinnaanera nuannaarutigaarput,” Peqqinnissaqarfiup pisortaanera Tina Amondsen oqarpoq imalu nangilluni, ”misigisaavoq nuannersoq ukiut tamaasa qilanaarisartagarput amerlaqisunullu isumalerujussuusoq nalunngisarput”

Juulimaap qulimiguulimmik tikiunnerani isumannaallisaanermut atatillugu assersugaq ataqqineqassaaq

Juulimaaq mippat ukiuni siuliinisut pisortat tamanit ataqqeqqusaannik assersuissapput.
- ” Qulimiguullip minnerani isumannaallisaanikkut palleqqusaannginnermut katersuuteqqusaannginnermullu killiliussat eqquutsinneqarnissaannik qulakkeerinissaaq, assersuinermi siunertaavoq, Finn Siegstad Air Greenlandip attartortitsinermut immikkoortortaaneersoq oqarpoq.

Ukioq manna tarnikkut nappaatilinnut immikkoortortassap nutaap sanaartorneqarnera pissutaalluni, qulimiguullip miffissaa, saanap sioraani kangerliumanermut qaninnerulersillugu inissinneqassaaq. Biilinut uniffissat killeqarmata, juulimaamik ilassinnikkusuttut tamarmik periarfissinneqarniassammata, biilernani pisulluni takkuttoqaqqusisoqarpoq.

Sila ajornakussoortitsilissappat, ukioq manna pisarnermissut Nuummi Qatserisartut juulimaap illoqarfimmi meeqqanut isumannaatsumik apuunnissaanut piareersimapput.

Ukioq manna juulimaap minneranut atatillugu mamakujunnik agguaasoqassanngilaq. Tamanna ukiuni siuliini meeqqat tamarmik nuannersumik misigisaqartillugit mamakujunnik agguaaniarnerup ajornakusoorsimaneranik patsiseqarpoq.

Juulimaap angallanneqarneranut akisussaasut – Air Greenland, Kalaallit Nunaanni Politiit, Nuummi Qatserisartut, Kommuneqarfik Sermersooq nunatsinnilu Peqqinnissaqarfik tamanut juullimi pilluaqqusipput.

Nalunaarut pillugu paasissutissat sukumiinerusut ukunani pissarsiarineqarsinnaapput:

Air Greenlandimut: nyhed@airgreenland.gl imal. Kalaallit Nunaanni Peqqinnissaqarfik: sundhedsledelsen@peqqik.gl