AtuartigukManiitsumi Imarpikkoortaatinut talittarfik nutaaq 2026-mi maajimi ammassaaq: Umiarsualivimmi attaveqaasersuutitigut piginnaasaqarnerulerneq, suleqatigiinnerlu nukittooq siunissamut aqqutissiuussipput
Nassiussisuuvoq: Ineqarnermut, Attaveqaatersuutinut, Isorliunerusunullu Naalakkersuisoqarfik
Imarpikkoortaatinut talittarfik tamakkiisumik nutartigaq talittarfimmi nutaaliaasunik atortulik 2025-mi decembarip 15-iani tunniunneqaruni, Maniitsumi umiarsualivimmi attaveqaasersuutitigut ineriartortitsinermi illoqarfik annertuumik alloriassaaq. Taassumap kingorna 2026-p aasalernerata tungaanut inaarsagassat annikitsut inaarsarneqassapput, tassanilu suliniut pisortatigoortumik naammassineqassalluni.
Isumaginninnermut, Suliffeqarnermut, Ineqarnermut, Attaveqaasersuutinut, Isorliunerusunullu Naalakkersuisoq, Aqqaluaq B. Egede imak oqaaseqarpoq:
’’Imarpikkoortaatinut talittarfimmik tamakkiisumik nutarterineq Maniitsumut, nunallu immikkoortortaani imarsiornermi attaveqaasersuutinut pingaarutilimmik kivitsineruvoq. Suliniutip sukkasuumik ingerlanneqarnissaanik, nutarterinermilu pilersuinerup atatiinnarneqarnissaanik qulakkeerisumik peqataasut akornanni nukittuumik suleqatigiinneq naammagisimaartorujussuuara.’’
Ammaqqinnissaa kommunimut, inuussutissarsiutilinnut, imarsiornermilu nunap sinneranut attaveqaatinut pingaarutilimmik killiffimmik malunnartitsissaaq. Attaveqaasersuut nutaaliaasoq nassiussalerinermut, ilaasunillu sullissinermut sinaakkutinik pitsaanerusunik pilersitsissaaq, ineriartortitsinissamut periarfissanut tunngavissiissaaq, qajannaannerusumillu pilersuinissaq qulakkiissallugu.
Imarpikkoortaatinut talittarfimmik tamakkiisumik nutarterineq KJ Constructionip, Royal Arctic Linep, Royal Greenlandip, najukkamilu ingerlatsisut allat akornanni ingerlalluartumik suleqatigiinnikkut ingerlavoq. Maniitsup inissaqarluartumik, atoruminassutsimigut pitsaanerusumik, atugassarititanillu siunissamut qulakkiikkanik nutaaliaasumik talittarfittaarnissaa qulakkeerumallugu, ingerlatsisut tamarmik annertuumik, ataqatigiissakkamillu suliniuteqarput. Nutarterinerup kingunerisaanik killeqaraluartoq, illoqarfimmik pilersuinerup atatiinnarneqarnissaa suleqatigiilluarnerup qulakkeerpaa.
Imarpikkoortaatinut talittarfimmik 2026-mi maajimi ammaaqqinnissaq immikkut nalliuttorsiutissaavoq, tamannalu pillugu Naalakkersuisup peqataanissaminut, talittarfiullu naammassisap pisortatigoortumik atoqqaartinneqarnissaanut qilanaarpoq.
Annertunerusumik paasisaqarusunnermi Ineqarnermut, Attaveqaasersuutinut Isorliunerusunullu Naalakkersuisoqarfik attaveqarfigineqassaaq, uunga box909@nanoq.gl
Isumaginninnermut, Suliffeqarnermut, Ineqarnermut, Attaveqaasersuutinut, Isorliunerusunullu Naalakkersuisoq, Aqqaluaq B. Egede imak oqaaseqarpoq:
’’Imarpikkoortaatinut talittarfimmik tamakkiisumik nutarterineq Maniitsumut, nunallu immikkoortortaani imarsiornermi attaveqaasersuutinut pingaarutilimmik kivitsineruvoq. Suliniutip sukkasuumik ingerlanneqarnissaanik, nutarterinermilu pilersuinerup atatiinnarneqarnissaanik qulakkeerisumik peqataasut akornanni nukittuumik suleqatigiinneq naammagisimaartorujussuuara.’’
Ammaqqinnissaa kommunimut, inuussutissarsiutilinnut, imarsiornermilu nunap sinneranut attaveqaatinut pingaarutilimmik killiffimmik malunnartitsissaaq. Attaveqaasersuut nutaaliaasoq nassiussalerinermut, ilaasunillu sullissinermut sinaakkutinik pitsaanerusunik pilersitsissaaq, ineriartortitsinissamut periarfissanut tunngavissiissaaq, qajannaannerusumillu pilersuinissaq qulakkiissallugu.
Imarpikkoortaatinut talittarfimmik tamakkiisumik nutarterineq KJ Constructionip, Royal Arctic Linep, Royal Greenlandip, najukkamilu ingerlatsisut allat akornanni ingerlalluartumik suleqatigiinnikkut ingerlavoq. Maniitsup inissaqarluartumik, atoruminassutsimigut pitsaanerusumik, atugassarititanillu siunissamut qulakkiikkanik nutaaliaasumik talittarfittaarnissaa qulakkeerumallugu, ingerlatsisut tamarmik annertuumik, ataqatigiissakkamillu suliniuteqarput. Nutarterinerup kingunerisaanik killeqaraluartoq, illoqarfimmik pilersuinerup atatiinnarneqarnissaa suleqatigiilluarnerup qulakkeerpaa.
Imarpikkoortaatinut talittarfimmik 2026-mi maajimi ammaaqqinnissaq immikkut nalliuttorsiutissaavoq, tamannalu pillugu Naalakkersuisup peqataanissaminut, talittarfiullu naammassisap pisortatigoortumik atoqqaartinneqarnissaanut qilanaarpoq.
Annertunerusumik paasisaqarusunnermi Ineqarnermut, Attaveqaasersuutinut Isorliunerusunullu Naalakkersuisoqarfik attaveqarfigineqassaaq, uunga box909@nanoq.gl