AtuartigukSinerissap qanittuani 2026-mi qaleralittassat saarullittassallu aalajangerneqarput
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Naalakkersuisut decembarip 11-anni 2025-mi sinerissap qanittuani qaleralittassiissutigineqartut saarullittassiissutigineqartullu TAC-at aalajangerpaat.
Sinerissap qanittuani qaleralinniarnermi saarullinniarnermilu TAC-mik aalajangersaaneq nunatta sineriaata qanittuani aqutsiveqarfinnut tamanut atuuppoq.
Takussutissiaq 1: NAFO 1B – 1F-imi aamma Tunumi 2026-mut sinerissap qanittuani qaleralittassiissutit (tons)
Takussutissiaq 2: Qeqertarsuup Tunuanut, Uummannamut Upernavimmullu 2026-mi qaleralittassiissutit (tons)
Malugiuk: PNNP-inik pigisaqaruit aalisarnermut akuersissut qinnutigissanngilat. Pisassat aalajangerneqarpata aalisarnermut akuersissutissat nassiunneqassaaq.
Angallatit sinerissap qanittuani 2025-imi saarullinniarsimasut killeqarfimmiit 3 sømilip avataani aqutsiveqarfik (NAFO 1A-1C) imaluunniit Nuup kujataani (NAFO 1D-1F) 2026-imi saarullinniarnissaminnut qinnuteqarsinnaapput. Pisassiissutit paggatassaapput soorlu sinerissap qanittuani saarullinniarneq taamatut ingerlanneqartartoq.
TAC-it aamma pisassiissutit uani atuarneqarsinnaapput: TAC aamma aalisakkanik pisassiissutit
Sukumiinerusumik paasisaqarusukkaanni Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl