Kalaallit-Amerikamiut Ataatsimut Ataatsimiititaliaannit (Joint Committee) ulloq 8. december 2025 ataatsimoorluni oqariartuut

Assit: Emil Stach / Naalakkersuisut

Tulliuttoq USA-mi Kalaallillu Nunaanni naalakkersuisunit Nuummi, Kalaallit Nunaanni ulloq 8. december 2025 ataatsimiinnermut atatillugu ataatsimoorluni oqariartuutaavoq.

Amerikamiut kalaallillu Naalakkersuisui, danskit naalakkersuisuinik peqataatitaqarlutik, Kalaallit Nunaanni Nuummi ulloq 8. december 2025 ukiumoortumik Joint Committeemi ataatsimiinnermi naapipput.

Joint Committee 2024-mi ukiunik 20-nngortorsiornerminik nalliussivoq. Ataatsimiititaliaq Igalikumi isumaqatigiissummi 2004-meersumi pilersinneqarpoq, USA-milu Kalaallillu Nunaanni Naalakkersuisut akornanni ingerlaavartumik oqaloqatigiinnernut ikorfartuisuulluni. Ataatsimiititaliaq peqatigiinnerup nukittorsarnissaanik suleqatigiinnermillu, kingullermik Pituffik pillugu paasinninnitsinnut ikorfartuutitut USA-p Kalaallillu Nunaata akornanni suleqatigiinnermut ataatsimut iliuusissatut pilersaarummi 2020-meersumi atuutilersinneqartup ingerlateqqinnissaanik siunertaqarpoq.

Ukioq manna ataatsimiinnermi ataatsimut soqutigisatsinnik suleqatigiinnitsinnillu aallaaveqartumik illuatungeriilluni ataqqeqatigiinnermik toqqammaveqartumik nukittuumik siunissamullu sammisumik pimoorussinerput uppernarsaqqipparput. Suleqatigiinnerup nangittumik ingerlanneqarnissaani pingaartitat ataatsimut soqutigisavut oqallisigaagut.

USA-p Kalaallillu Nunaata ukiuni aggersuni siuariartornerup tamatuma nangittumik annertusarnissaa, Issittumilu nunarsuup immikkoortuani isumannaatsumik siuariartortumillu attaveqaatit nangittumik nukittorsarnissaat qilanaaraat.

*************************

U.S.-Greenland Joint Committee Statement
December 8, 2025

The text of the following statement was released by the Governments of the United States of America and Greenland on the occasion of the U.S.-Greenland Joint Committee meeting in Nuuk, Greenland, December 8, 2025:

The Governments of the United States and Greenland, with the participation of the Government of Denmark, met in Nuuk, Greenland on December 8, 2025, for the annual meeting of the Joint Committee.

The Joint Committee marked its 20th anniversary in 2024. Established under the Joint Declaration of the 2004 Igaliku Agreement, the committee supports ongoing government-to-government dialogue between the United States and Greenland. Its mission is to strengthen the partnership and advance the cooperation most recently outlined in the 2020 Common Plan for U.S.–Greenland Cooperation in Support of Our Understanding of Pituffik.

At this year’s meeting, we reaffirmed our commitment to a strong and forward-looking relationship based on mutual respect and grounded in shared interests and practical cooperation. We discussed priorities for continued collaboration on areas of mutual interest. The United States and Greenland look forward to building on this momentum in the year ahead and strengthening the ties that support a secure and prosperous Arctic region.