Akileraartarnermut allagartaq soraarnerussutisiaqalernissamut aaqqissuussinermullu peqataasussaatitaaneq

Akileraartarnermut Aqutsisoqarfik ulluni makkunani akileraartarnermut allagartanik tunisinermullu allagartanik ukiumut 2026-mut akileraarutit A-t naatsorsornissaannut atugassanik nassiussuivoq.

Sulisitsisut amerlasuut sulisumik akileraartarnermut allagartaannik qarasaasiakkut siumoortumik aasimavaat. Sulisitsisuppit akileraartarnermut allagartat qarasaasiakkut aasimappagu akileraartarnermut allagartat krydsimik titarneqassaaq. Sulisitsisut aki-leraartarnermut allagartami allaqqasoq eqqortuunersoq misissussavat.
Sulisitsisut akileraartarnermut allagartami allaqqasoq eqqortuunngippat Akileraartar-nermut Aqutsisoqarfik attavigissavat sulisitsisorlu eqqortoq nalunaarutigalugu. Tama-tuma kingorna Akileraartarnermut allagartamik nutaamik nassinneqassaatit.

Nammineq soraarnerussutisiaqalernissannut aaqqissussinermut peqataasus-saatitaanermut ileqqaaqqusaanerit suli atuuppoq kisiannili ileqqaagassatit aki-lersimanngikkukkit akileraartarnermut allagartap procentinik qaffaaviginerati-gut akilersinneqartarunnaarput.

Inatsisartut, aningaasanut inatsimmut ilanngullugu 2026-mut soraarnerussutisiaqa-lernissamut akiliutissat akilersinniarneqartarnerat atorunnaarsippaat. Taamaattumik innuttaasut soraarnerussutisiaqalernissamut aaqqissuussinermut peqataasussaati-taanermut akiliisimanngitsut akileraartarnermut allagartakkut imaluunniit tunisinermut allagartap qaffaaviginerisigut akilersinneqartarunnaarput.

Ukioq kaajallallugu siumoortumik nalunaarsuisinnaanngornikuuvutit.

2026-mi aningaasatigut inissisimanerit allannguuteqassagaluarpat siumoortumik nalunaarsukkatit iluarsiivigisinnaavatit. Siumoortumik nalunaarsukkatit Akileraartar-nermut Aqutsisoqarfiup nittartagaani www.aka.gl -imi ‘Akileraarutikka’ aqqutigalugu imaluunniit Sullissivik.gl -ikkut iluarsisinnaavatit.

Akileraartarnermut Aqutsisoqarfimmi siumoortumik nalunaarsuinitit iluarsisat akuerineqareerpata akileraartarnermut allagartamik nutaamik nassinneqassaatit.

Siumoortumik nalunaarsuineq akileraartarnermullu allagartaq pillugit apeqqutissaqa-ruit Akileraartarnermut Aqutsisoqarfik attavigisinnaavat ugguuna: tax@nanoq.gl ima-luunniit oqarasuaatikkut 346511.

Soraarnerussutisiaqalernissamut aaqqissuussineq pillugu apeqqutissaqaruit akile-raartarnermut Aqutsisoqarfik attavigisinnaavat ugguuna: ligning@nanoq.gl imaluun-niit oqarasuaatikkut 346511.

/Akileraartarnermut Aqutsisoqarfik

Innuttaasut qulaani allassimasut pillugit apeqqutissaqarunik 

Attavissaavoq: Akileraartarnermut Aqutsisoqarfik, Intaleeqqap Aqqutaa 1, Postboks 1605, 3900 Nuuk, tlf. + 299 34 65 00, mail: tax@nanoq.gl

Tusagassiortut qulaani allassimasut pillugit apeqqutissaqarunik

Attavissaavoq Thomas Holm Jensen, Akileraartarnermut Aqutsisoqarfik, mail: thoj@nanoq.gl