Ilinniartitaanermut Naalakkersuisoq pingaarutilimmik atuutsilersitsivoq aammalu inuussutissarsiutigalugu ilinniarfiit inuussutissarsiuteqartullu suleqatigiissinnaanerat pitsanngorsaaffigalugu

Illinniartitaanermut, kultureqarnermut, timersornermut ilageeqqarnermullu Naalakkersuisumut Nivi Olsenimut novemberip qaammataa ulapaarfiusimaqaaq. Taamaalillugu aallartinnerani kalaallit nunaanni qitiusumik iliniarfinni tamani suliffimmut sungiusarnernut ataqatigiissaarisut suliaminnut atasumik ulluni pingasuni Nuummi siullermeertumik isumasioqatigiisinneqarput. Siunertarineqarpoq ilinniarfiit aamma inuussutissarsiortut akornanni suleqatigiinnerup nukittorsarneqarnissaa kiisalu suliffimmik sungiusarnermik ingerlatsinermi pitsaassutsip qulakkeerneqarnissaa. Peqataasut inuussutissarsiutinut ilinniarfinni pingaarutilimmik inissisimanertik pillugu, attaveqaatinik, sakkussanik aamma ilisimasanik nutaanik pissarsiaqarput.

Ulloq 4. – 6. november Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik Naalakkersuissut sinnerlugit nuna tamakkerlugu qitiusumik ilinniarfinni tamani suliffimmi sungiusarnermi ataqatigiissaarisunut nutaanut isumasioqatigiissitsivoq. isumasioqatigiinnermi Nuummi ingerlanneqartumi siunertarineqarpoq, suliffimmut sungiusarnermi aaqqissuussisarnerup nukittorsarneqarnissaa kiisalu inuussutissarsiornermik ilinniarfiit aamma inuussutissarsiortut akornanni suleqatigiinnermi ataatsimut tunngaviliinissaq. Taamaalilluni isumasioqatigiinnermi kalallit nunaanni inuussutissarsiornermik ilinniarfinni ineriartortitsinissamut aamma pitsaassutsimik qulakkeerinninnissamut pingaarutilimmik alloriartoqarneranik malunnartitsillutik

Nuna tamakkerlugu peqataasut 14-nit katersuupput, oqallinnernut arlalinnut, workchopinut ilisimasanillu avitseqatigiinnernut peqataallutik. Pingaartinneqartoq tassaavoq, suliffinni sungiusarnermut ataqatigiissaarisut ilinniarfiit aamma suliffimmi sungiusarfiup akornanni attaveqaatitut sulinerminni nutaanik sakkussaqarnissat, nukittorsarnissaat aamma ornigullutik sulinissaminnut kajumissaarnissaat, kiisalu ilinniartut suliffimmi sungiusarnerminni ataqatigiissumik pitsaasumillu ingerlatsinissaat.

Kalallit nunaanni Ineriartornermut suliniuteqarnermullu pingaaruteqarluinnarpoq, suliffinni sungiusarnermut ataqatigiissaarisut nukittuumik attaveqaateqarnissaat aammalu ataatsimut suliassamut paasisimasaqarnissaat. Isumasioqatigiinnerup peqataasut suliaminnut ilisimasaqalernerulersippaat, aamma suliffeqarfinnik suleqateqarnermi sakkussanik nukittorsaaqataalluni.

Malitseqartitsissutaasumik isumasioqatigiinnissaq, attaveqaqatigiinnermilu ataatsimiittarnissat pilersaarutaalereerput, taakkunani qulakkeerneqassalluni ataqatigiissumik ineriartorneq aamma suliffimmi sungiusarnermi ataqatigiissaarisut akornanni ilisimasanik avitseqateqarsinnaaneq.


Paasisaqarnerorusukkaanni paaniaaffissaq; Helle borg – 345739