AtuartigukArctic Umiaq Line-mut kiffartuussinissamut isumaqatigiissutip nutaap isumaqatigiissutigineqarnera pillugu tusagassiuutitigut nalunaarut
Nassiussisuuvoq: Ineqarnermut, Attaveqaatersuutinut, Isorliunerusunullu Naalakkersuisoqarfik
2026-mut aamma 2027-mut sinersortaammik Sarfaq Ittuk-mik ilaasunik angallassineq pillugu Arctic Umiaq Line kiffartuussinissamut isumaqatigiissuteqarfigineqartoq, Isumaginninnermut, Suliffeqarnermut, Ineqarnermut, Attaveqaasersuutinut Isorliunerusunullu Naalakkersuisup Aqqaluaq B. Egedep Naalakkersuisut sinnerlugit nalunaarutigisinnaavaa.
Naalakkersuisoq Aqqaluaq B. Egede oqarpoq:
”Arctic Umiaq Line suleqatigalugu Sarfaq Ittuk-mik sinersortaammut ilaasunik angallassinerup 2027 tikillugu naanissaalu ilanngullugu sivitsornissaa iluatsimmat, nuannaarutigaara. Sarfaq Ittuk oqaluttuarisaanermi nunatsinnut pingaaruteqarpoq, aammalu ukiorpassuit ingerlaneranni inuiaqatigiinnut kalaallinut aammalu takornarianut tikeraartorisartakkatsinnut nuannaarutaasumik iluaqutaasumillu ataqatigiissumik akigissaartumillu ilaasunik angallassinissaq qulakkeertarsimallugu.”
2026-mut aamma 2027-mut nutaamik kiffartuussinissamut isumaqatigiissuteqarnermi Sarfaq Ittuup Nuummut, Maniitsumut, Kangaamiunut, Sisimiunut, Aasiannut, Qeqertarsuarmut, Ilulissanut, Qeqertarsuatsiaanut, Paamiunut, Arsummut, Qaqortumut kiisalu Narsamut pisarnermisut sapaatip akkunnikkaartumik angalanissamut pilersaarutini ingerlatiinnassavaa.
Arctic Umiaq Linep pisortaanera, Taitsianguaq Olsen, oqarpoq:
”Arctic Umiaq Line A/S-miit nuannaarutigaarput Namminersorlutik Oqartussanut sullissinissamik isumaqatigiissuterput sinersortaatip ukiunik marlunnik sivitsorneqarmat. Taamaasilluni ilaasartaat ‘Sarfaq Ittuk’ ukiuni 2026-mi 2027-milu ilaasunik assartuinissaa qulakkeerneqarpoq. Atuisutta ujartugaattut Qaqortup Ilulissallu akornanni sapaatip akunnikkaartumik angalasarluni sullissisoqartassaaq.”
Qaqortumi Ilulissanilu mittarfissat nutaat 2026-mi ammarpata nunatsinni angallannerup allanngornissaa naatsorsuutigineqarpoq. Tassani pineqarput timmisartumik, umiarsuarmik sineriallu sinerlugu angalasarnerit. Taamaattumik siunissaq pillugu aalajangiisoqarsinnaalinnginnerani allanngornerit taakkua ilisimanissaat paasinissaallu pisariaqartussaavoq.
Taamaattumik angalanerup ilusai nutaat naammattumik ilisimaneqalerpata, siunissami sinersortaammik ilaasunik angallassineq qanoq aaqqissuunneqassanersoq Naalakkersuisut aalajangiissasut pillugu Naalakkersuisoqarfik aamma Arctic Umiaq Line isumaqatigiissuteqarput. Taamaaliornermi angallannermi attaveqaatit innuttaasut pissusiviusuni pisariaqartitaat sapinngisamik pitsaanerpaamik sillimaffigalugu aaqqiisoqarnissaa qulakkiissavarput.
Annertunerusumik paasisaqarusunnermi Ineqarnermut, Attaveqaasersuutinut Isorliunerusunullu Naalakkersuisoqarfik attaveqarfigineqassaaq, uunga box909@nanoq.gl
Naalakkersuisoq Aqqaluaq B. Egede oqarpoq:
”Arctic Umiaq Line suleqatigalugu Sarfaq Ittuk-mik sinersortaammut ilaasunik angallassinerup 2027 tikillugu naanissaalu ilanngullugu sivitsornissaa iluatsimmat, nuannaarutigaara. Sarfaq Ittuk oqaluttuarisaanermi nunatsinnut pingaaruteqarpoq, aammalu ukiorpassuit ingerlaneranni inuiaqatigiinnut kalaallinut aammalu takornarianut tikeraartorisartakkatsinnut nuannaarutaasumik iluaqutaasumillu ataqatigiissumik akigissaartumillu ilaasunik angallassinissaq qulakkeertarsimallugu.”
2026-mut aamma 2027-mut nutaamik kiffartuussinissamut isumaqatigiissuteqarnermi Sarfaq Ittuup Nuummut, Maniitsumut, Kangaamiunut, Sisimiunut, Aasiannut, Qeqertarsuarmut, Ilulissanut, Qeqertarsuatsiaanut, Paamiunut, Arsummut, Qaqortumut kiisalu Narsamut pisarnermisut sapaatip akkunnikkaartumik angalanissamut pilersaarutini ingerlatiinnassavaa.
Arctic Umiaq Linep pisortaanera, Taitsianguaq Olsen, oqarpoq:
”Arctic Umiaq Line A/S-miit nuannaarutigaarput Namminersorlutik Oqartussanut sullissinissamik isumaqatigiissuterput sinersortaatip ukiunik marlunnik sivitsorneqarmat. Taamaasilluni ilaasartaat ‘Sarfaq Ittuk’ ukiuni 2026-mi 2027-milu ilaasunik assartuinissaa qulakkeerneqarpoq. Atuisutta ujartugaattut Qaqortup Ilulissallu akornanni sapaatip akunnikkaartumik angalasarluni sullissisoqartassaaq.”
Qaqortumi Ilulissanilu mittarfissat nutaat 2026-mi ammarpata nunatsinni angallannerup allanngornissaa naatsorsuutigineqarpoq. Tassani pineqarput timmisartumik, umiarsuarmik sineriallu sinerlugu angalasarnerit. Taamaattumik siunissaq pillugu aalajangiisoqarsinnaalinnginnerani allanngornerit taakkua ilisimanissaat paasinissaallu pisariaqartussaavoq.
Taamaattumik angalanerup ilusai nutaat naammattumik ilisimaneqalerpata, siunissami sinersortaammik ilaasunik angallassineq qanoq aaqqissuunneqassanersoq Naalakkersuisut aalajangiissasut pillugu Naalakkersuisoqarfik aamma Arctic Umiaq Line isumaqatigiissuteqarput. Taamaaliornermi angallannermi attaveqaatit innuttaasut pissusiviusuni pisariaqartitaat sapinngisamik pitsaanerpaamik sillimaffigalugu aaqqiisoqarnissaa qulakkiissavarput.
Annertunerusumik paasisaqarusunnermi Ineqarnermut, Attaveqaasersuutinut Isorliunerusunullu Naalakkersuisoqarfik attaveqarfigineqassaaq, uunga box909@nanoq.gl