AtuartigukEU- p immikkoortunut tapiissutigisartagai aalisarnerup ukiuni 2025-2030 ineriartortinnissaannut atorneqaqqissapput
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
EU-mik ukiuni 2025-2030 aalisarneq pillugu tapiliussatut isumaqatigiissut aqqutigalugu Kalaallit Nunaanni immikkoortunut EU ukiumut 23.9 mio. kr.-inik aningaasaliisoqartarpoq. Kalaallit Nunaata nammineq pingaartitani aallaavigalugit aalisarnermi immikkoortunut politikkia ikorfartorsinnaajumallugu immikkoortunut tapiissuteqartoqartarpoq. Aalisarneq pillugu tapiliussatut massakkut isumaqatigiissutaasoq 2025-p aallartinnerani atuutsilerpoq. Tapiliussatut isumaqatigiissutigineqartup nutaap atuuffissaa aallaavigalugu ukiuni 2025-2030 atuuttussamik immikkoortunut tapiissuteqartarnissamut pilersaarusiortoqarsimavoq. Immikkoortunut tapiissutissatut pilersaarummi EU-p aningaasaliissutaasa sunut qanorlu atorneqartarnissaat allaaserineqarsimavoq, aningaasanillu atorneqarsimasunik naatsorsueriaasissaq EU-mullu nalunaarusioriaasissaq allaaserineqarsimallunittaaq.
Immikkoortunut tapiissutit Pinngortitaleriffimmit, Kaalaallit Nunaanni Aalisarnermut Piniarnermullu Nakkutilliisoqarfimmit kiisalu Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmit atugassanngorlugit agguaanneqartarput. Aningaasat ilisimatuussutsikkut misissuinernut aalisarnerillu nakkutigineqartarnerisa pitsanngorsaaffigineqarnissaanut ilaatigut aalisarnermik nakkutilliisarnerni suliniutissanut atorneqartarput.
Naalakkersuisoqarfimmut atugassanngortinneqarsimasunit 7 mio. kr. missaaniittunit 4,9 mio.kr.-it missaat sinerissap qanittuani aalisarnerup ukiuni 2025-2030 ineriartortinneqarnissaanut atorneqassapput. Aningaasat ilaatigut aalisarnermut aningaasaliissutinut immikkoortitanut inuussutissarsiutinillu ineriartortitsinissamut atorneqassapput ilaatigut sinerissap qanittuani angallatinik umiatsiaaqqanillu pisinermi tapiissutaasartunut kiisalu sakkunik annaasaqarsimanerup motooriiarsimanerulluunniit kingunerisaanik aallartisaqqinnermi tapiissutaasartunut atugassatut. Tassa imaappoq Naalakkersuisoqarfimmut aningaasat tunniunneqartartut 70%-ii sinerissap qanittuani aalisarnerup ineriartortinneqarneranut atorneqartarput. Siunissami EU-p aningaasaliiffigisaanik Naalakkersuisoqarfimmit tapiissutisisoqartillugu, tamakku tapiiffigineqarnissamik neriorsuutigineqartuni allassimasalissapput.
Immikkoortunut 2025-2030 tapiissuteqartarnissanut pilersaarut kiisalu 2025-imi suliniutinut pilersaarut Ataatsimut Komitép Bruxelles-imi ulluni 19.-20. november 2025 ataatsimiinnerani akuerineqarput. 2025-imi EU-mit tapiissutissat taamaasillutik ukioq naatinnagu EU-mit tunniunneqartussanngorput. 2025-mut aningaasaliissutit atorneqarsimaneri pillugit Kalaallit Nunaat taamaasillunilu 2026-imi upernaap ingerlanerani nalunaarusiortussanngorpoq.
Immikkoortunut tapiissuteqartarnissamut pilersaarut Naalaakkersuisoqarfiup nittartagaatigut kalaallisut tuluttullu saqqummersinneqarnikuuvoq. Paasissutissat saqqummersitat ataani atuarneqarsinnaapput uani.
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl
Immikkoortunut tapiissutit Pinngortitaleriffimmit, Kaalaallit Nunaanni Aalisarnermut Piniarnermullu Nakkutilliisoqarfimmit kiisalu Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmit atugassanngorlugit agguaanneqartarput. Aningaasat ilisimatuussutsikkut misissuinernut aalisarnerillu nakkutigineqartarnerisa pitsanngorsaaffigineqarnissaanut ilaatigut aalisarnermik nakkutilliisarnerni suliniutissanut atorneqartarput.
Naalakkersuisoqarfimmut atugassanngortinneqarsimasunit 7 mio. kr. missaaniittunit 4,9 mio.kr.-it missaat sinerissap qanittuani aalisarnerup ukiuni 2025-2030 ineriartortinneqarnissaanut atorneqassapput. Aningaasat ilaatigut aalisarnermut aningaasaliissutinut immikkoortitanut inuussutissarsiutinillu ineriartortitsinissamut atorneqassapput ilaatigut sinerissap qanittuani angallatinik umiatsiaaqqanillu pisinermi tapiissutaasartunut kiisalu sakkunik annaasaqarsimanerup motooriiarsimanerulluunniit kingunerisaanik aallartisaqqinnermi tapiissutaasartunut atugassatut. Tassa imaappoq Naalakkersuisoqarfimmut aningaasat tunniunneqartartut 70%-ii sinerissap qanittuani aalisarnerup ineriartortinneqarneranut atorneqartarput. Siunissami EU-p aningaasaliiffigisaanik Naalakkersuisoqarfimmit tapiissutisisoqartillugu, tamakku tapiiffigineqarnissamik neriorsuutigineqartuni allassimasalissapput.
Immikkoortunut 2025-2030 tapiissuteqartarnissanut pilersaarut kiisalu 2025-imi suliniutinut pilersaarut Ataatsimut Komitép Bruxelles-imi ulluni 19.-20. november 2025 ataatsimiinnerani akuerineqarput. 2025-imi EU-mit tapiissutissat taamaasillutik ukioq naatinnagu EU-mit tunniunneqartussanngorput. 2025-mut aningaasaliissutit atorneqarsimaneri pillugit Kalaallit Nunaat taamaasillunilu 2026-imi upernaap ingerlanerani nalunaarusiortussanngorpoq.
Immikkoortunut tapiissuteqartarnissamut pilersaarut Naalaakkersuisoqarfiup nittartagaatigut kalaallisut tuluttullu saqqummersinneqarnikuuvoq. Paasissutissat saqqummersitat ataani atuarneqarsinnaapput uani.
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl