AtuartigukArnanut niviarsiaqqanullu nakuusertarneq Naalakkersuisut akuerisinnaanngilaat aamma kinguaassiuutitigut atornerlunneqartarneq akiorniarlugu suliniutit patajaallisarniarpaat
Nassiussisuuvoq: Inuutissarsiornermut, Nukissiutinut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Nakuusernerit, inuiaqatigiinnitsinni arnarpassuit aamma arnat inuusuttut suli misigisartagaat, erseqqissumik akerleralugit aamma nakuusertarnernik tapersersunngilluinnarnertik, Naalakkersuisut arnanut nakuusertarneq atorunnaarsinniarlugu Naalagaaffiit Peqatigiit nunat tamat akornanni ullorititaat malunnartippaat.
Nakuuserneq qanorluunniit ilusilik akuerineqarsinnaanngilaq – timikkut, tarnikkut imaluunniit digitaliusumik tamanna pigaluarpat apeqqutaanngilaq. Taamaammat ukiuni kingullerni inatsisiliorneq Naalakkersuisut sukannernerulersissimavaat, taamaalilluni digitaliusumik isumapiloqarneq tunngavigalugu tatiginnilersitsiniaaneq, grooming, malersuineq aamma tarnikkut nakuuserneq massakkut pinerluutinngortinneqarsimapput.
Meeqqat inuusuttullu innarlerneqarnissamut illersorneqarnissaannut nunatsinni inatsisiliorneq naammattumik sakkortussuseqarnersoq pillugu, Naalakkersuisut nalilersuinermik suliaqarnertik ingerlateqqippat. Taamaammat inuusuttut kinguaassiuutitigut atornerlunneqarnissaannut illersorniarlugit, kinguaassiuutitigut ukiutigut akuerisap ammut killingat pillugu aalajangersakkat naammannersut nalilersuiffigineqarnissaat, Naalakkersuisut aallartissimavaat.
Inuup 22-nik ukiullip imaluunniit utoqqaanerusup, inuk 15-it inorlugit ukiulik atoqatigippagu – aamma akuersissuteqartoqaraluartoq, tamanna pinngitsaaliinerusoq ullumikkut inatsit oqarpoq. Kisianni inuup kinguaassiuutitigut ukiutigut akuerisap ammut killinga qaangersimappagu, akuersissuteqartoqarsimappat sunaluunniit akuerisaavoq. Aamma inuusuttoq taamaallaat 15-inik ukioqaraluarpat aamma aappaasoq 30-inik ukioqarpat imaluunniit 50-inik ukioqarpat.
Ukiuni kingullerni utoqqaanerusut inuusuttuaqqanik inunnik 15-it sinnerlugit ukiulinnik – aamma taamaammat kinguaassiuutitigut ukiutigut akuerisap ammut killinga qaangerlugu ukiullit, kisianni suli meeqqat atuarfianni atuartut, aamma inersimasutut piginnaatitaanngitsut, aappaqartarnerat pillugit suliat arlaqarsimapput.
Naalakkersuisoq Naaja H. Nathanielsen ima oqaaseqarpoq:
”Inuusuttut suli meeqqat atuarfianni atuartut pineqartillugit, ukiunik 5-nik ukioqatigiinngissuseq angivallaartoq amerlasuut isumaqartut, isumaqarpunga. Niviarsiaqqap 16-inik ukiullip aamma angutip 21-inik ukiullip imaluunniit 30-inik ukiullip akornanni, – niviarsiaqqap inerisimassusaa imaluunniit angutip inerisimanngissusaa apeqqutaatinnagu, kinguaassiuutitigut ataqatigiinneq tassa naligiiffiusinnaanngitsoq isumaqarpunga. Inuk inersimasoq 9. klassimi atuartumik aappaqartariaqanngilaq. Inuussuttortatta ukioqatitik aamma naligisatik peqatigalugit atoqateqartarnertik ineriartortissavaat. Assersuutigalugu inuusuttup 17-iliinissaa tikillugu, akuusut akornanni ukioqatigiinngissutsip qanoq annertunerutiginissaa pillugu killiliinertut ittumik, immikkut ittumik illersuinissaq piffissanngortoq isumaqarpunga. Inuusuttut atoqateqartarnermik misissuisarnerisa killilerneqarnissaat anguniarneqanngilaq, kisianni inuusuttut mianerisariallit, inersimasunit silappaarinnerusumik iliuuseqartussaagaluanit atornerlunneqannginnissaasa qulakkeerneqarnissaat anguniarneqarpoq. Uanga isumaga isumaqatigineqarnersoq apeqqutaatinnagu, sammisaq oqallisigineqarumaartoq neriuppunga, tassami taassuma ilarujussua akisussaaffimmik misigisimanermik, ileqqorissaarnermik aamma isumassuinermik – aamma inatsisiliornerinnaanngitsumik, imaqarpoq”.
Paasisaqarnerorusukkuit naalakkersuisup allattaa Jeanette L. Petersen, jalp@nanoq.gl-ikkut, oqarasuaatikkullu: 34 52 06-ikkut attavigiuk.
Nakuuserneq qanorluunniit ilusilik akuerineqarsinnaanngilaq – timikkut, tarnikkut imaluunniit digitaliusumik tamanna pigaluarpat apeqqutaanngilaq. Taamaammat ukiuni kingullerni inatsisiliorneq Naalakkersuisut sukannernerulersissimavaat, taamaalilluni digitaliusumik isumapiloqarneq tunngavigalugu tatiginnilersitsiniaaneq, grooming, malersuineq aamma tarnikkut nakuuserneq massakkut pinerluutinngortinneqarsimapput.
Meeqqat inuusuttullu innarlerneqarnissamut illersorneqarnissaannut nunatsinni inatsisiliorneq naammattumik sakkortussuseqarnersoq pillugu, Naalakkersuisut nalilersuinermik suliaqarnertik ingerlateqqippat. Taamaammat inuusuttut kinguaassiuutitigut atornerlunneqarnissaannut illersorniarlugit, kinguaassiuutitigut ukiutigut akuerisap ammut killingat pillugu aalajangersakkat naammannersut nalilersuiffigineqarnissaat, Naalakkersuisut aallartissimavaat.
Inuup 22-nik ukiullip imaluunniit utoqqaanerusup, inuk 15-it inorlugit ukiulik atoqatigippagu – aamma akuersissuteqartoqaraluartoq, tamanna pinngitsaaliinerusoq ullumikkut inatsit oqarpoq. Kisianni inuup kinguaassiuutitigut ukiutigut akuerisap ammut killinga qaangersimappagu, akuersissuteqartoqarsimappat sunaluunniit akuerisaavoq. Aamma inuusuttoq taamaallaat 15-inik ukioqaraluarpat aamma aappaasoq 30-inik ukioqarpat imaluunniit 50-inik ukioqarpat.
Ukiuni kingullerni utoqqaanerusut inuusuttuaqqanik inunnik 15-it sinnerlugit ukiulinnik – aamma taamaammat kinguaassiuutitigut ukiutigut akuerisap ammut killinga qaangerlugu ukiullit, kisianni suli meeqqat atuarfianni atuartut, aamma inersimasutut piginnaatitaanngitsut, aappaqartarnerat pillugit suliat arlaqarsimapput.
Naalakkersuisoq Naaja H. Nathanielsen ima oqaaseqarpoq:
”Inuusuttut suli meeqqat atuarfianni atuartut pineqartillugit, ukiunik 5-nik ukioqatigiinngissuseq angivallaartoq amerlasuut isumaqartut, isumaqarpunga. Niviarsiaqqap 16-inik ukiullip aamma angutip 21-inik ukiullip imaluunniit 30-inik ukiullip akornanni, – niviarsiaqqap inerisimassusaa imaluunniit angutip inerisimanngissusaa apeqqutaatinnagu, kinguaassiuutitigut ataqatigiinneq tassa naligiiffiusinnaanngitsoq isumaqarpunga. Inuk inersimasoq 9. klassimi atuartumik aappaqartariaqanngilaq. Inuussuttortatta ukioqatitik aamma naligisatik peqatigalugit atoqateqartarnertik ineriartortissavaat. Assersuutigalugu inuusuttup 17-iliinissaa tikillugu, akuusut akornanni ukioqatigiinngissutsip qanoq annertunerutiginissaa pillugu killiliinertut ittumik, immikkut ittumik illersuinissaq piffissanngortoq isumaqarpunga. Inuusuttut atoqateqartarnermik misissuisarnerisa killilerneqarnissaat anguniarneqanngilaq, kisianni inuusuttut mianerisariallit, inersimasunit silappaarinnerusumik iliuuseqartussaagaluanit atornerlunneqannginnissaasa qulakkeerneqarnissaat anguniarneqarpoq. Uanga isumaga isumaqatigineqarnersoq apeqqutaatinnagu, sammisaq oqallisigineqarumaartoq neriuppunga, tassami taassuma ilarujussua akisussaaffimmik misigisimanermik, ileqqorissaarnermik aamma isumassuinermik – aamma inatsisiliornerinnaanngitsumik, imaqarpoq”.
Paasisaqarnerorusukkuit naalakkersuisup allattaa Jeanette L. Petersen, jalp@nanoq.gl-ikkut, oqarasuaatikkullu: 34 52 06-ikkut attavigiuk.