AtuartigukUkiumut pisassat pillugit Sermitsiap isummersuutaanut oqaaseqaat
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Aalisarnermut, Piniarnermut, Nunalerinermullu Imminullu Pilersornermut Naalakkersuisoqarfik Sermitsiap 17. november isummersuutaanut matumuuna oqaaseqaateqassaaq: Demokraatit tunngavitsik annaavaat.
7. november 2025 naalakkersuisoqarfiup tusagassiuutitigut nalunaarutaani atuarneqarsinnaasutut: Avataasiorluni qaleralittassat neqeroorutigineqartussanngorlugit pillugit ilisimatitsissut, tassani nassuiarneqarpoq Kalaallit Nunaata Kitaani avataasiorluni 2025-mi qaleralittassat ukiumut pisassatut tunniunneqartut. 2026-mi pisassanik agguaassineq pineqanngilaq. 2026-mi pisassanik Naalakkersuisut suli agguaassinikuunngillat. 2026-mi pisassat Royal Greenland A/S-imut aammalu Qaleralik A/S-imut tunniunneqarsimaneranik aallaaserisaq taamaammat eqqunngilaq.
Kalaallit Nunaata Kitaani avataasiorluni qaleralittassat 1/3-ii neqeroorutigineqartussanngorlugit ingerlatsisunut nutaanut immikkoortinneqarput, kikkullu pisassiissutinik pissarsissaneri Naalakkersuisunit suli isummerfigineqarnikuunani. Tamanna tunngavigalugu ingerlatsisut nutaat 2025-mi pisassanik aalisarsinnaanissaat angumerineqarsinnaanngitsutut nalilerneqarsimavoq.
2025-imi avataasiorluni qaleralittassat tamakkerlugit aalisarneqarnissaat qulakkeerniarlugu pisassat 2025-muinnaq atuuttumik ukiumut pisassatut Royal Greenland A/S -imut Qaleralik A/S-imullu Naalakkersuisunit tunniunneqarsimapput aalisarneq pillugu inatsimmi § 20, imm. 1, nr. 2 naapertorlugu pisassiissutit ilaat agguaanneqarsimanngitsut taamaammallu akuersissummut attuumassuteqanngitsut Naalakkersuisunit ukiumut pisassiissutitut tunniunneqarsinnaammata. Pisassat 2026-mut nuunneqarsinnaanngillat.
§ 32, imm. 5-imi aamma takuneqarsinnaavoq, ukiumut pisassiissutit tamarmiusut aalisartumut pineqartumut pisassiissutit amerlassusaasa killingat qaangissanngikkaat. Tassa aalisartoq ukiumut pisassami amerlassusissaannik pisaqarsimasoq imaluunniit pisassiissutit amerlassusaat sinnerlugit pisaqarsimasoq pisassiissutinik – pisilluni imaluunniit pisassanik - tunineqaqqinneqarsinnaanngilaq.
Avataasiorlutik qaleralinniartunit sisamaasunit marluk pisassaqareersut pisassaminnik sippuereersimapput. Taamaammat inatsimmi § 32, imm. 5 unioqqutissanngikkaanni ukiumut pisassiissutissat ilaqqinneqarsinnaanngillat. Tamatumalu malitsigisaanik ukiumut pisassat Polar Seafood-imut Sigguk-mullu tunniunneqarsinnaasimanngillat.
Neqeroorutigineqartussat 2025 naatinnagu Naalakkersuisunit isummerfigineqarnissaat naatsorsuutigineqarpoq.
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl
7. november 2025 naalakkersuisoqarfiup tusagassiuutitigut nalunaarutaani atuarneqarsinnaasutut: Avataasiorluni qaleralittassat neqeroorutigineqartussanngorlugit pillugit ilisimatitsissut, tassani nassuiarneqarpoq Kalaallit Nunaata Kitaani avataasiorluni 2025-mi qaleralittassat ukiumut pisassatut tunniunneqartut. 2026-mi pisassanik agguaassineq pineqanngilaq. 2026-mi pisassanik Naalakkersuisut suli agguaassinikuunngillat. 2026-mi pisassat Royal Greenland A/S-imut aammalu Qaleralik A/S-imut tunniunneqarsimaneranik aallaaserisaq taamaammat eqqunngilaq.
Kalaallit Nunaata Kitaani avataasiorluni qaleralittassat 1/3-ii neqeroorutigineqartussanngorlugit ingerlatsisunut nutaanut immikkoortinneqarput, kikkullu pisassiissutinik pissarsissaneri Naalakkersuisunit suli isummerfigineqarnikuunani. Tamanna tunngavigalugu ingerlatsisut nutaat 2025-mi pisassanik aalisarsinnaanissaat angumerineqarsinnaanngitsutut nalilerneqarsimavoq.
2025-imi avataasiorluni qaleralittassat tamakkerlugit aalisarneqarnissaat qulakkeerniarlugu pisassat 2025-muinnaq atuuttumik ukiumut pisassatut Royal Greenland A/S -imut Qaleralik A/S-imullu Naalakkersuisunit tunniunneqarsimapput aalisarneq pillugu inatsimmi § 20, imm. 1, nr. 2 naapertorlugu pisassiissutit ilaat agguaanneqarsimanngitsut taamaammallu akuersissummut attuumassuteqanngitsut Naalakkersuisunit ukiumut pisassiissutitut tunniunneqarsinnaammata. Pisassat 2026-mut nuunneqarsinnaanngillat.
§ 32, imm. 5-imi aamma takuneqarsinnaavoq, ukiumut pisassiissutit tamarmiusut aalisartumut pineqartumut pisassiissutit amerlassusaasa killingat qaangissanngikkaat. Tassa aalisartoq ukiumut pisassami amerlassusissaannik pisaqarsimasoq imaluunniit pisassiissutit amerlassusaat sinnerlugit pisaqarsimasoq pisassiissutinik – pisilluni imaluunniit pisassanik - tunineqaqqinneqarsinnaanngilaq.
Avataasiorlutik qaleralinniartunit sisamaasunit marluk pisassaqareersut pisassaminnik sippuereersimapput. Taamaammat inatsimmi § 32, imm. 5 unioqqutissanngikkaanni ukiumut pisassiissutissat ilaqqinneqarsinnaanngillat. Tamatumalu malitsigisaanik ukiumut pisassat Polar Seafood-imut Sigguk-mullu tunniunneqarsinnaasimanngillat.
Neqeroorutigineqartussat 2025 naatinnagu Naalakkersuisunit isummerfigineqarnissaat naatsorsuutigineqarpoq.
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl