AtuartigukIsumaginninnermut Aqutsisoqarfik aamma Meeqqanut, Inuusuttunut Ilaqutariinnullu Naalakkersuisoqarfik immikkoortumut ataatsimut katinneqassapput
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Aaqqissuussaaneq nutaamik katitigaq ataqatigiinnermik pinaveersaartitsinermillu patajaallisitsissaaq isumalluutinillu pitsaanerusumik atorluaanerulersitsissalluni.
Meeqqanut, Inuusuttunut Ilaqutariinnullu Naalakkersuisoqarfik Isumaginninnermullu Aqutsisoqarfik aaqqissuussaanermut ataatsimut katinneqassapput. Tamatumani siunertarineqartut tassaapput suliniutit akornanni ataqatigiinnerulersitsineq taavalu innuttaasut pisariaqartitaannut naapertuuttumik sulinerup inatsisitigut tunngavinnit erseqqinnerusunit ikorfartorneqarnissaata qulakkeerneqarnissaa.
Kattussineq suleriaatsinik tamakkiisumik isiginninnerulernissamut, suliallu assigiinngitsut akornanni pitsaanerusumik kinguneqarluartitsisarnissamut aamma sulisoqarnikkut isumalluutinik atorluaanerunissamut kiisalu isumaginninnermut suliassaqarfiup iluani pisortani immikkoortortat ikinnerulernissaannut periarfissiissaaq.
”Suliniuteqarneq maanna ullut tamaasa ingerlanneqareersoq nangillugu ineriartortissavarput. Immikkoortortallu katitikkap meeqqanut inuusuttunullu atugassarititanik toqqissisimanartunik pitsaasunillu pilersitsinissatsinnut suli pitsaanerusumik periarfississavaatigut,” taama oqarpoq Meeqqanut, Inuusuttunut Ilaqutariinnullu Naalakkersuisoq, Mads Pedersen.
Kattussineq januaarip aallaqqaataani 2026-mi atuutilissaaq. Piffissami aggersumi aaqqissuussanerup nutaap qanoq isikkoqarnissaa pillugu aalajangersaanissamut siunnerfilimmik suliaqartoqassaaq.
Sukumiisumik paasisaqarusukkuit naalakkersuisup allattaa Eqaluk Høegh e-mailikkut eqho@nanoq.gl imaluunniit oqarasuaatikkut: +299 34 50 00 attavigiuk.
Meeqqanut, Inuusuttunut Ilaqutariinnullu Naalakkersuisoqarfik Isumaginninnermullu Aqutsisoqarfik aaqqissuussaanermut ataatsimut katinneqassapput. Tamatumani siunertarineqartut tassaapput suliniutit akornanni ataqatigiinnerulersitsineq taavalu innuttaasut pisariaqartitaannut naapertuuttumik sulinerup inatsisitigut tunngavinnit erseqqinnerusunit ikorfartorneqarnissaata qulakkeerneqarnissaa.
Kattussineq suleriaatsinik tamakkiisumik isiginninnerulernissamut, suliallu assigiinngitsut akornanni pitsaanerusumik kinguneqarluartitsisarnissamut aamma sulisoqarnikkut isumalluutinik atorluaanerunissamut kiisalu isumaginninnermut suliassaqarfiup iluani pisortani immikkoortortat ikinnerulernissaannut periarfissiissaaq.
”Suliniuteqarneq maanna ullut tamaasa ingerlanneqareersoq nangillugu ineriartortissavarput. Immikkoortortallu katitikkap meeqqanut inuusuttunullu atugassarititanik toqqissisimanartunik pitsaasunillu pilersitsinissatsinnut suli pitsaanerusumik periarfississavaatigut,” taama oqarpoq Meeqqanut, Inuusuttunut Ilaqutariinnullu Naalakkersuisoq, Mads Pedersen.
Kattussineq januaarip aallaqqaataani 2026-mi atuutilissaaq. Piffissami aggersumi aaqqissuussanerup nutaap qanoq isikkoqarnissaa pillugu aalajangersaanissamut siunnerfilimmik suliaqartoqassaaq.
Sukumiisumik paasisaqarusukkuit naalakkersuisup allattaa Eqaluk Høegh e-mailikkut eqho@nanoq.gl imaluunniit oqarasuaatikkut: +299 34 50 00 attavigiuk.