AtuartigukKalaallit Nunaanni umiatsiaaqqanik nalunaarsuineq
Angallatinik 6 meteri ataallugu takissusilinnik angallatinik nalunaarsuiffimmut (Angallatinik allattuiffimmut) nalunaaruteqarneq
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Peter Borg, Aalisarnermut, Piniarnermut, Nunalerinermut Imminullu Pilersornermut Naalakkersuisoq, umiatsiaararsorlutik aalisartut umiatsiaaqqaminnik nalunaarsuinerminnut atatillugu arlalinnik unammillernartoqarnera pissutigalugu Erhvervsminister-imut Morten Bødskov-imut ilisimatitsivoq. Sinaakkutit ersarissarniarlugit suliniutit pitsaasut arlallit sukkasuumik aallartinneqareerput, aalisartut pisariaqartitaat pingaarutillit isumaginiarlugit.
Ministerit qanimut suleqatigiinneq ingerlaannassasoq naalagaaffeqatigiiffillu akimorlugu suleqatigiinnerup pitsaasumik ingerlaannarnissaa isumaqatigiissutigaat.
Tusagassiuutinut nalunaarummi uani suliniutit oqartussat akornanni isumaqatigiissutigineqartut nassuiarneqarput.
31. december 2025 sioqqullugu
Aalisarnermut, Piniarnermut, Nunalerinermut Imminullu Pilersornermut Naalakkersuisoqarfiup erseqqissassavaa, Søfartsstyrelse-mut nalunaaruteqarneq pillugu uppernarsaat ilanngunnagu aalisarsinnaanermut akuersissummik qinnuteqaat 31. december 2025-ip tungaanut nassiunneqarsinnaasoq. Qinnuteqaat 31. december 2025 sioqqullugu tiguneqarpat angallat nalunaarsorneqarsimatinnagu aalisarsinnaanermut akuersissummik taamaasilluni pissarsisoqarsinnaavoq.
1. januar 2026-p kingorna
Aalisarsinnaanermut akuersissummik qinnuteqaat 1. januar 2026-ip kingorna tiguneqarpat, siusinnerusumi nalunaarutigineqartutuut aalisarsinnaanermut akuersissummik pissarsiniaraanni angallat Søfartsstyrelse-mut nalunaarutigineqarsimassaaq nalunaarsorneqarsimassalluniluunniit.
Søfartsstyrelse-p nalunaarutigisinnaavaa angallammik piginittut Angallatinik nalunaarsuiffimmut nalunaaruteqarnermut atatillugu angallat pillugu paasissutissat pissarsiarineqarsinnaasut ilanngussinnaagaat. Angallatip angissusianik uppernarsaat, siusinnerusukkut piginnittuunikut pillugit paasissutissat uppernarsaatillu allat kingusinnerusukkut nassiunneqarsinnaassapput.
Søfartsstyrelsen-ip angallat nalunaaruteqarnermi ilisarnaammik normulersinnaavaa (GR normu) – aamma angallatip angissusianik uppernarsaateqanngikkaluartoq, taannalu Aalisarnermut, Piniarnermut, Nunalerinermut Imminullu Pilersornermut Naalakkersuisoqarfiup aalisarsinnaanermut akuersissummik tunniussinissaanut uppernarsaatitut naammassaaq.
Angallatip angissusianik uppernarsaat, siusinnerusukkut piginnittut pillugit paasissutissat uppernarsaatillu allat nassiussinermi ilanngunnikuunngisatit Søfartsstyrelse-mit tiguneqarpata Angallatinik nalunaarsuiffimmi inaarutaasumik nalunaarsuisoqassaaq. Angallammik piginnittunut Søfartsstyrelse nalunaarsortitsinissamik ikiuisinnaavoq.
2027-mut aalisarsinnaanermut akuersissummik qinnuteqannginnermi angallammik inaarutaasumik nalunaarsuisoqarsimassaaq.
Søfartsstyrelse-p kaammattuutigivaa, angallammik inuussutissarsiornermi atuisut angallatitik piaartumik Angallatinut nalunaarsuiffimmut nalunaarutigeqqullugit, nalunaarsuineq aallartinneqarniassammat.
Nalunaarsuineq pillugu ilitsersuut
Søfartsstyrelse-p MitID atorlugu atornagulu nalunaarsuinermut ilitsersuut, tassungalu ilanngullugu immersuinermut tulleriiaarilluni ilitsersuut, suliaralugulu nutsernikuuaa, taannalu kommuneni inuussutissarsiornermut siunnersortinut aalisartullu kattuffiinut nassiussuunneqarnikuuvoq. Uani aamma pissarsiarisinnaavat.
Nalunaarsuinermut immersugassat kalaallisut aamma nutserneqarnikuupput. Uani pissarsiarisinnaavatit: Iserit
Søfartsstyrelse tamassuma saniatigut paasititsiniaalluni Kalaallit Nunaanni qaammammi uani angalassaaq, tassani aalisartunut kalaallisut
pitsaanerpaamik ilitsersuinissaq qulakkeerniarlugu inuussutissarsiornermut siunnersortit ataatsimeeqatigisassavaat. Tassani suliamik ingerlatsisarneq pillugu apeqqutit akineqarsinnaapput, Søfartsstyrelse-lu nalunaarsuinerni ikiuussinnaavoq. Taamatut suliniuteqarniarneq naalakkersuisoqarfik peqatigalugu ingerlanneqarpoq, naalakkersuisoqarfimmillu aamma angalanermi peqataasoqassaaq, taakkulu peqataasut aamma aalisarsinnaanermut akuersissummik qinnuteqarnissamut ilitsersuisinnaassapput
Søfartsstyrelse Naalakkersuisoqarfillu aalisarsinnaanermut akuersissummik qinnuteqarnermut atatillugu aalisartut qanoq pitsaanerpaamik ikiorneqarsinnaanersut aammalu angallatit Angallatinik nalunaarsuiffimmi eqqortumik nalunaarsorneqarnissaat qanoq qulakkeerneqarsinnaanersoq pillugit ingerlaavartumik attaveqaqatigiittarput. Tamanna ullumikkut malittarisassat atuuttunut siunissamilu aalisarnermi malittarisassanut atuutilersussanut tunngavoq.
Aalisarsinnaanermut akuersissutinik tunniussisarneq pillugu sukumiinerusumik paasisaqarumalluni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik ugguuna aalisa@nanoq.gl attavigineqarsinnaavoq.
Angallatit pillugu Angallatinik nalunaarsuiffimmut nalunaaruteqartarneq nalunaarsuisarnerlu pillugit sukumiinerusunik paasisaqarumalluni Angallatinik nalunaarsuiffik ugguuna srg@dma.dk attavigineqarsinnaavoq.
Ministerit qanimut suleqatigiinneq ingerlaannassasoq naalagaaffeqatigiiffillu akimorlugu suleqatigiinnerup pitsaasumik ingerlaannarnissaa isumaqatigiissutigaat.
Tusagassiuutinut nalunaarummi uani suliniutit oqartussat akornanni isumaqatigiissutigineqartut nassuiarneqarput.
31. december 2025 sioqqullugu
Aalisarnermut, Piniarnermut, Nunalerinermut Imminullu Pilersornermut Naalakkersuisoqarfiup erseqqissassavaa, Søfartsstyrelse-mut nalunaaruteqarneq pillugu uppernarsaat ilanngunnagu aalisarsinnaanermut akuersissummik qinnuteqaat 31. december 2025-ip tungaanut nassiunneqarsinnaasoq. Qinnuteqaat 31. december 2025 sioqqullugu tiguneqarpat angallat nalunaarsorneqarsimatinnagu aalisarsinnaanermut akuersissummik taamaasilluni pissarsisoqarsinnaavoq.
1. januar 2026-p kingorna
Aalisarsinnaanermut akuersissummik qinnuteqaat 1. januar 2026-ip kingorna tiguneqarpat, siusinnerusumi nalunaarutigineqartutuut aalisarsinnaanermut akuersissummik pissarsiniaraanni angallat Søfartsstyrelse-mut nalunaarutigineqarsimassaaq nalunaarsorneqarsimassalluniluunniit.
Søfartsstyrelse-p nalunaarutigisinnaavaa angallammik piginittut Angallatinik nalunaarsuiffimmut nalunaaruteqarnermut atatillugu angallat pillugu paasissutissat pissarsiarineqarsinnaasut ilanngussinnaagaat. Angallatip angissusianik uppernarsaat, siusinnerusukkut piginnittuunikut pillugit paasissutissat uppernarsaatillu allat kingusinnerusukkut nassiunneqarsinnaassapput.
Søfartsstyrelsen-ip angallat nalunaaruteqarnermi ilisarnaammik normulersinnaavaa (GR normu) – aamma angallatip angissusianik uppernarsaateqanngikkaluartoq, taannalu Aalisarnermut, Piniarnermut, Nunalerinermut Imminullu Pilersornermut Naalakkersuisoqarfiup aalisarsinnaanermut akuersissummik tunniussinissaanut uppernarsaatitut naammassaaq.
Angallatip angissusianik uppernarsaat, siusinnerusukkut piginnittut pillugit paasissutissat uppernarsaatillu allat nassiussinermi ilanngunnikuunngisatit Søfartsstyrelse-mit tiguneqarpata Angallatinik nalunaarsuiffimmi inaarutaasumik nalunaarsuisoqassaaq. Angallammik piginnittunut Søfartsstyrelse nalunaarsortitsinissamik ikiuisinnaavoq.
2027-mut aalisarsinnaanermut akuersissummik qinnuteqannginnermi angallammik inaarutaasumik nalunaarsuisoqarsimassaaq.
Søfartsstyrelse-p kaammattuutigivaa, angallammik inuussutissarsiornermi atuisut angallatitik piaartumik Angallatinut nalunaarsuiffimmut nalunaarutigeqqullugit, nalunaarsuineq aallartinneqarniassammat.
Nalunaarsuineq pillugu ilitsersuut
Søfartsstyrelse-p MitID atorlugu atornagulu nalunaarsuinermut ilitsersuut, tassungalu ilanngullugu immersuinermut tulleriiaarilluni ilitsersuut, suliaralugulu nutsernikuuaa, taannalu kommuneni inuussutissarsiornermut siunnersortinut aalisartullu kattuffiinut nassiussuunneqarnikuuvoq. Uani aamma pissarsiarisinnaavat.
Nalunaarsuinermut immersugassat kalaallisut aamma nutserneqarnikuupput. Uani pissarsiarisinnaavatit: Iserit
Søfartsstyrelse tamassuma saniatigut paasititsiniaalluni Kalaallit Nunaanni qaammammi uani angalassaaq, tassani aalisartunut kalaallisut
pitsaanerpaamik ilitsersuinissaq qulakkeerniarlugu inuussutissarsiornermut siunnersortit ataatsimeeqatigisassavaat. Tassani suliamik ingerlatsisarneq pillugu apeqqutit akineqarsinnaapput, Søfartsstyrelse-lu nalunaarsuinerni ikiuussinnaavoq. Taamatut suliniuteqarniarneq naalakkersuisoqarfik peqatigalugu ingerlanneqarpoq, naalakkersuisoqarfimmillu aamma angalanermi peqataasoqassaaq, taakkulu peqataasut aamma aalisarsinnaanermut akuersissummik qinnuteqarnissamut ilitsersuisinnaassapput
Søfartsstyrelse Naalakkersuisoqarfillu aalisarsinnaanermut akuersissummik qinnuteqarnermut atatillugu aalisartut qanoq pitsaanerpaamik ikiorneqarsinnaanersut aammalu angallatit Angallatinik nalunaarsuiffimmi eqqortumik nalunaarsorneqarnissaat qanoq qulakkeerneqarsinnaanersoq pillugit ingerlaavartumik attaveqaqatigiittarput. Tamanna ullumikkut malittarisassat atuuttunut siunissamilu aalisarnermi malittarisassanut atuutilersussanut tunngavoq.
Aalisarsinnaanermut akuersissutinik tunniussisarneq pillugu sukumiinerusumik paasisaqarumalluni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik ugguuna aalisa@nanoq.gl attavigineqarsinnaavoq.
Angallatit pillugu Angallatinik nalunaarsuiffimmut nalunaaruteqartarneq nalunaarsuisarnerlu pillugit sukumiinerusunik paasisaqarumalluni Angallatinik nalunaarsuiffik ugguuna srg@dma.dk attavigineqarsinnaavoq.