AtuartigukIssittup saqitsaaffiunnginnissaa, eqqissisimanissaalu Naalakkersuisut sulissutigaat
Nassiussisuuvoq: Nunanut Allanut Ilisimatusarnermullu Naalakkersuisoqarfik
Nunanut Allanut Ilisimatusarnermullu Naalakkersuisup Vivian Motzfeldt-ip aamma Japan-imi Sasakawa Peace Foundation-imi præsidentip Atsushi Sunami-p 2025-mi novembarip 14-iani, suleqatigiinnissamik siunnerfiliineq Issittumi eqqissinerup ilisimatusarneqarnissaanik pisortatigoortumik aallartitsisussaq atsiorpaat.
Issittumi eqqissineq Kalaallit Nunaata attatiinnarusuppaa. 2024-mit 2033-mut Nunatta Nunanut Allanut, Sillimaniarnermut Illersornissamullu Politikissaanut Periusissiaq (”Nunarput nunarsuarmi – pineqartilluta ilaassaagut”) malillugu, avataanit tapersiissuteqartut peqatigalugit nunarput Eqqissinermut Suliniarfimmik pilersitsiniarnera anguniakkanut ilaavoq. Eqqissineq pillugu ilisimasat, ilisimatusarnerillu Kalaallit Nunaata siuarsarusuppai, suleqatigiinneq Issittumilu eqqissineq pillugit oqaloqatigiinnernut nukittorsaataassalluni.
Vivian Motzfeldt imak oqarpoq:
”Nunarsuarmi pissutsit allangoraqisut inuuffigaavut. Aatsaat taama pingaaruteqartigilerpoq eqqissineq pillugu suliniarnerup nukittorsarneqarnissaannut. Nunarput sorsuffiusimanngisaannarpoq, tamannalu attattuarusupparput. Nuannaarutigingaarparput Nuna ukiorpassuarni eqqissinermut oqaloqatigeeriaatsinillu eqqissinermut tunngaveqartumik ineriartortitsisimasoq suleqatigisussanngoratsigu.
Isumaqarpunga nunarput eqqissineq pillugu ilisimasanik nunarsuarmioqatigiinnut tunniussassaqartoq, katersuuffiusinnaasorlu.”
Eqqissisimanissap ilisimatusarnissaa eqqarsaatigalugu Kalaallit Nunaata Japan isumassarsiorfigaa, tamannalu pillugu siunissami Eqqissinermut Suliniarfissamik pilersitsinissami sinaakkutissat inissikkumallugit Sasakawa Peace Foundation (SPF) oqaloqatigineqarluni. Ilisimatusarnerup, ilinniartitaanerup, oqaloqatigiinnerup, paarlaasseqatigiinnerullu iluani suliniutit atuutsilersinneqarnissaasa suleqatigiissutigineqarnissaat, suleqatigiinnissamik siunnerfiliinermi pingaartinneqarpoq.
The Sasakawa Peace Foundation (SPF), Japan-imi aningaasaateqarfittut namminersortutut 1986-imi pilersinneqarpoq, 2011-mili aningaasaateqarfittut Japan-imi pisortani soqutigisaqaqatigiit kattuffiattut nalunaarsorneqarluni. Japan-ip nunanik allanik suleqateqarnera nukittorsassallugu SPF-ip suliaqarfigaa, SPF-ilu Japan-imi naalagaaffimmit annertuumik tapiiffigineqartarpoq, nunallu assigiinngitsut akornanni annertuumik nersualaarneqarluni.
Akerleriinnerit aamma eqqissinerit ilisimatusarnissaannut, eqqissinissamut ikiuunnissaq, pingaartumillu Issittumi piujuartussamik ineriartortitsinissamut nunanut assigiinngitsunut katersuuttarfiunissaminut Eqqissinermut Suliniarfik piukkunnaateqarpoq.
Annertunerusumik paasisaqarusukkuit attavigiuk: Allaffimmi pisortaq Kunuk Holm, e-mail: khol@nanoq.gl oqarasuaat.: 34 50 00.
Issittumi eqqissineq Kalaallit Nunaata attatiinnarusuppaa. 2024-mit 2033-mut Nunatta Nunanut Allanut, Sillimaniarnermut Illersornissamullu Politikissaanut Periusissiaq (”Nunarput nunarsuarmi – pineqartilluta ilaassaagut”) malillugu, avataanit tapersiissuteqartut peqatigalugit nunarput Eqqissinermut Suliniarfimmik pilersitsiniarnera anguniakkanut ilaavoq. Eqqissineq pillugu ilisimasat, ilisimatusarnerillu Kalaallit Nunaata siuarsarusuppai, suleqatigiinneq Issittumilu eqqissineq pillugit oqaloqatigiinnernut nukittorsaataassalluni.
Vivian Motzfeldt imak oqarpoq:
”Nunarsuarmi pissutsit allangoraqisut inuuffigaavut. Aatsaat taama pingaaruteqartigilerpoq eqqissineq pillugu suliniarnerup nukittorsarneqarnissaannut. Nunarput sorsuffiusimanngisaannarpoq, tamannalu attattuarusupparput. Nuannaarutigingaarparput Nuna ukiorpassuarni eqqissinermut oqaloqatigeeriaatsinillu eqqissinermut tunngaveqartumik ineriartortitsisimasoq suleqatigisussanngoratsigu.
Isumaqarpunga nunarput eqqissineq pillugu ilisimasanik nunarsuarmioqatigiinnut tunniussassaqartoq, katersuuffiusinnaasorlu.”
Eqqissisimanissap ilisimatusarnissaa eqqarsaatigalugu Kalaallit Nunaata Japan isumassarsiorfigaa, tamannalu pillugu siunissami Eqqissinermut Suliniarfissamik pilersitsinissami sinaakkutissat inissikkumallugit Sasakawa Peace Foundation (SPF) oqaloqatigineqarluni. Ilisimatusarnerup, ilinniartitaanerup, oqaloqatigiinnerup, paarlaasseqatigiinnerullu iluani suliniutit atuutsilersinneqarnissaasa suleqatigiissutigineqarnissaat, suleqatigiinnissamik siunnerfiliinermi pingaartinneqarpoq.
The Sasakawa Peace Foundation (SPF), Japan-imi aningaasaateqarfittut namminersortutut 1986-imi pilersinneqarpoq, 2011-mili aningaasaateqarfittut Japan-imi pisortani soqutigisaqaqatigiit kattuffiattut nalunaarsorneqarluni. Japan-ip nunanik allanik suleqateqarnera nukittorsassallugu SPF-ip suliaqarfigaa, SPF-ilu Japan-imi naalagaaffimmit annertuumik tapiiffigineqartarpoq, nunallu assigiinngitsut akornanni annertuumik nersualaarneqarluni.
Akerleriinnerit aamma eqqissinerit ilisimatusarnissaannut, eqqissinissamut ikiuunnissaq, pingaartumillu Issittumi piujuartussamik ineriartortitsinissamut nunanut assigiinngitsunut katersuuttarfiunissaminut Eqqissinermut Suliniarfik piukkunnaateqarpoq.
Annertunerusumik paasisaqarusukkuit attavigiuk: Allaffimmi pisortaq Kunuk Holm, e-mail: khol@nanoq.gl oqarasuaat.: 34 50 00.