AtuartigukTasiilami nioqqutissanik pilersuinerup amigarneranik kiisalu Icelandair-ip Kulusummut timmisartuussisarnerata uninnera pillugit tusagassiuutitigut nalunaarut
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Icelandair-ip ukiuunerani Kulusummut nalinginnaasumik timmisartuussisarnini unitsinniarlugu aalajangersimanera, Ineqarnermut, Attaveqaasersuutinut Isorliunerusunullu Naalakkersuisoqarfiup eqqumaffigaa. Icelandair-ip ukiuunerani timmisartuussineq unitsinniarlugu aalajangernera Naalakkersuisut akuutinnagit aalajangiineruvoq.
Tassunga tunngatillugu Tasiilami innuttaasunut malittaasunik sunniuteqartussaanera, Icelandair-ip timmisartuussisannginnerata kingunerisaanik maannakkut allatigut assartuussinermut attaveqaatinut periarfissaaruttussaanera kiisalu nioqqutissanik nutaanik pilersuinerup amigaataalertussaanera, Naalakkersuisoqarfiup eqqumaffigai.
Naalakkersuisoq Aqqaluaq B. Egede oqarpoq:
”Icelandair-ip Kulusummut timmisartuussisarnini unitsinniarlugit aalajangernera innuttaasut pakatsissutigigaat paasisinnaagakku oqaatigerusuppara. Aalajangiineq taanna aamma uanga pakatsiffigaara, tassami taassuma Tasiilamut eqqaanullu angallassinissamut periarfissat ajornerulersittussaammagit.
Suliami matumani suliaqartuusut attuumassutillit tamaasa oqaloqatigileqqullugit Naalakkersuisoqarfiga piumaffigaara, taamaalilluni sumiiffimmi naammattumik angallassinissaq pilersuinissarlu sapinngisamik sukkanerpaamik qulakkeeqqinneqarsinnaalissalluni.”
Angallavimmi killiffik paasiniaaffigalugu Naalakkersuisoqarfiup maannakkorpiaq Icelandair oqaloqatigaa. Tassunga ilanngullugu anigorniagassat iliuuseqarfiginissaannut periarfissat misissorniarlugit Air Greenland aamma Norlandair kiisalu Royal Arctic Line aammalu DMI-p Sikunut alapernaarsuiffia Naalakkersuisoqarfiup oqaloqatigai. Tamatumunnga nangissutigalugu, assartuussinerup pilersuinermilu periaatsip ataqatigiinnissaat qulakkeerniarlugu, Naalakkersuisoqarfiup aamma Naalakkersuisoqarfik KNI-mut suliassaqarfimmut akisussaasoq aamma suleqatigissavaa.
Annertunerusumik paasisaqarusunnermi Ineqarnermut, Attaveqaasersuutinut Isorliunerusunullu Naalakkersuisoqarfik attaveqarfigineqassaaq, uunga box909@nanoq.gl
Tassunga tunngatillugu Tasiilami innuttaasunut malittaasunik sunniuteqartussaanera, Icelandair-ip timmisartuussisannginnerata kingunerisaanik maannakkut allatigut assartuussinermut attaveqaatinut periarfissaaruttussaanera kiisalu nioqqutissanik nutaanik pilersuinerup amigaataalertussaanera, Naalakkersuisoqarfiup eqqumaffigai.
Naalakkersuisoq Aqqaluaq B. Egede oqarpoq:
”Icelandair-ip Kulusummut timmisartuussisarnini unitsinniarlugit aalajangernera innuttaasut pakatsissutigigaat paasisinnaagakku oqaatigerusuppara. Aalajangiineq taanna aamma uanga pakatsiffigaara, tassami taassuma Tasiilamut eqqaanullu angallassinissamut periarfissat ajornerulersittussaammagit.
Suliami matumani suliaqartuusut attuumassutillit tamaasa oqaloqatigileqqullugit Naalakkersuisoqarfiga piumaffigaara, taamaalilluni sumiiffimmi naammattumik angallassinissaq pilersuinissarlu sapinngisamik sukkanerpaamik qulakkeeqqinneqarsinnaalissalluni.”
Angallavimmi killiffik paasiniaaffigalugu Naalakkersuisoqarfiup maannakkorpiaq Icelandair oqaloqatigaa. Tassunga ilanngullugu anigorniagassat iliuuseqarfiginissaannut periarfissat misissorniarlugit Air Greenland aamma Norlandair kiisalu Royal Arctic Line aammalu DMI-p Sikunut alapernaarsuiffia Naalakkersuisoqarfiup oqaloqatigai. Tamatumunnga nangissutigalugu, assartuussinerup pilersuinermilu periaatsip ataqatigiinnissaat qulakkeerniarlugu, Naalakkersuisoqarfiup aamma Naalakkersuisoqarfik KNI-mut suliassaqarfimmut akisussaasoq aamma suleqatigissavaa.
Annertunerusumik paasisaqarusunnermi Ineqarnermut, Attaveqaasersuutinut Isorliunerusunullu Naalakkersuisoqarfik attaveqarfigineqassaaq, uunga box909@nanoq.gl