AtuartigukEfterskolit pillugit inatsimmik allannguinerup akuersissutigineqarnerata kingorna inuusuttunut Kalaallit Nunaaniittunut ilinnialernissamut periarfissaqartitsinerulissaaq
Nassiussisuuvoq: Ilinniartitaanermut, Kulturemut, Timersornermut Ilageeqarnermullu Naalakkersuisoqarfik
Efterskolit pillugit aamma paarlaasseqatigiittarnermut tapiissut Inatsisartut inatsisaata allanngortinneqarnera pillugu, ulloq 1. januar 2026-imi atuutilersussaq, inatsisartut akuersissutigaat. Inatsisissap inuusuttunut Savalimmiuni efterskolerusuttunut imaluunniit Danmarkimi fagskolini namminersortuniinnermut aningaasatigut tapiissuteqarnissamut periarfissat annertusarneqarput. Inatsisitigut allannguinermi inuusuttut assassornikkut inuussutissarsiutigalugu ilinniarfinnut, pingaartumik sanaartornermi assassornermilu piginnaanilinnut ilinniarnissamut periarfissaqartitsinerulernissaq siunertaavoq.
Inatsimmik allannguinermi atuutsitsilerneq, Ilinniartitaanermut, Kultureqarnermut, Timersornermut Ilageeqarnermullu Naalakkersuisup naammagisimaarluarpaa inuusuttummi efterskolini fagskolinilu namminersortuni ilinniarnernut inuttut ilikkagaqarniarnermikkullu piginnaasaminnik ineriartortitsinissaminnut periarfissaqarlualissammata:
“Efterskolit fagskolillu namminersortut inuusuttunut ilinniarnikkut inooqataanikkut ilikkagaqarniarnermikkullu piginnaasaminnik toqqissillutik isumassarsiorfiusumilu ineriartornissaminnut periarfissaqartitsilissaaq. Inatsimmik allannguinermi inuusuttut ilinniarfinnut assigiinngitsunut soqutigisartik piginnaasaqarfitsillu malillugu ilinniarsinnaalernissaat - tamanna Kalaallit Nunaata avataani - qulakkeerneqassaaq. Tamanna tamatta siunissatsinnut tunniussineruvoq."
Naalakkersuisuttaaq erseqqissaatigaa efterskolernermi, nunanut allanulluunniit paarlaaqatigiilluni ilinniarnermi aammalu fagskolini namminersortuni ilinniarnermi, inuusuttut kinaassusaannik ilusilersueqataasarneri kulturiminnillu kulturinillu allanik paasinninnerulersarneri, inatsisillu ilinniartitaanerup aaqqissuussaaneranut peqataatitsinerulernissamut eqaatsuunissaanullu alloriarnissamik periarfissiissasoq.
Annertunerusumik paasisaqarusukkuit una attavigiuk: Naalakkersuisup allataa Kresten Lennert, krlt@nanoq.gl
Inatsimmik allannguinermi atuutsitsilerneq, Ilinniartitaanermut, Kultureqarnermut, Timersornermut Ilageeqarnermullu Naalakkersuisup naammagisimaarluarpaa inuusuttummi efterskolini fagskolinilu namminersortuni ilinniarnernut inuttut ilikkagaqarniarnermikkullu piginnaasaminnik ineriartortitsinissaminnut periarfissaqarlualissammata:
“Efterskolit fagskolillu namminersortut inuusuttunut ilinniarnikkut inooqataanikkut ilikkagaqarniarnermikkullu piginnaasaminnik toqqissillutik isumassarsiorfiusumilu ineriartornissaminnut periarfissaqartitsilissaaq. Inatsimmik allannguinermi inuusuttut ilinniarfinnut assigiinngitsunut soqutigisartik piginnaasaqarfitsillu malillugu ilinniarsinnaalernissaat - tamanna Kalaallit Nunaata avataani - qulakkeerneqassaaq. Tamanna tamatta siunissatsinnut tunniussineruvoq."
Naalakkersuisuttaaq erseqqissaatigaa efterskolernermi, nunanut allanulluunniit paarlaaqatigiilluni ilinniarnermi aammalu fagskolini namminersortuni ilinniarnermi, inuusuttut kinaassusaannik ilusilersueqataasarneri kulturiminnillu kulturinillu allanik paasinninnerulersarneri, inatsisillu ilinniartitaanerup aaqqissuussaaneranut peqataatitsinerulernissamut eqaatsuunissaanullu alloriarnissamik periarfissiissasoq.
Annertunerusumik paasisaqarusukkuit una attavigiuk: Naalakkersuisup allataa Kresten Lennert, krlt@nanoq.gl