Tusagassiortunik aggersaaneq

Matumuuna tusagassiortunik katersortitsinermut Aningaasaqarnermut Akileraartarnermullu Naalakkersuisoq Múte Bourup Egede sinnerlugu aggersarneqarpusi.

Tusagassiortunik katersortitsineq ataasinngornermi ulloq 10. november 2025 nal. 1000 Naalakkersuisut tusagassiortunut katersortitsivianni pissaaq.

Tusagassiortunut katersortitsinermi 2026-mut Aningaasanut Inatsimmik politikkikkut isumaqatigiissut saqqummiunneqassaaq.

Sukumiinerusunik paasissutissanik pissarsiniarnermi Naalakkersuisup allattaa, Niels Dorph, attavingineqarsinnaavoq oqarasuaatikkut +299 34 52 34 imaluunniit e-mailikkut: ndor@nanoq.gl