AtuartigukAtualernermiilli kalaallisoortitsineq ukkatarineqassaaq
Nassiussisuuvoq: Ilinniartitaanermut, Kulturemut, Timersornermut Ilageeqarnermullu Naalakkersuisoqarfik
Naalakkersuisup Nivi Olsenip meeqqat atuarfianni kalaallisoortitsineq pingaartillugu ukkatarineqartussanngortippaa, taamaammat faginik ikilisaanissamik kalaallisoortitsinerullu pingaartinneqarnerulernissaanik suliamik aallartitsivoq.
”Kalaallisut kinaassutsitsinnut tunngatillugu kalaallisut oqaatsigut pingaaruteqartorujuupput. Meeqqagut allanik oqaatsinik ilinnialertinnatik ilitsoqqussaralugu oqaatsiminnik ilinniarnissaminnut periarfissinneqartariaqarput” Nivi Olsen taama oqarpoq.
”Ilitsoqqussaralugu oqaatsit ilinniarnermi attaveqarnermilu pingaaruteqarnerpaat ilaattut inissisimapput, aamma meeqqat inuusuttullu allanik oqaatsinik atuisinnaanngornissaminnut ilinniarneranni. Taamaattumik meeqqagut kalaallisut oqaatsigut pillugit toqqammaveqarluarnerutittariaqarpagut. Ilitsoqqussaralugu oqaatsitik sapertussaanngilaat allattariarsornikkut oqaluttariarsornikkullu , taamaaliornikkut kalaallisut oqaatsigut atorlugit inuiattut kinaassuserput kulturerpullu aamma ilisimallualissammassuk.
Naalakkersuisup oqaatsit sorliit takornartat oqaasiisut siullertut inissisimalernissaannut oqallinneq tikilluaqquaa.
”Maanna inuiaqatigiinni politikkikkullu sulinermi tuluit oqaasiisa takornartat oqaasiisut siullertut meeqqat atuarfianni inissisimalernissaat pillugu oqallinneq ingerlavoq. Tamanna oqallinneq nuannaarutigaara, tassami allat assigalugit kalaallit meerartagut inuusuttagullu tuluit oqaasiinik atuinerulernerat misigigakku. Taamaattumik oqallisigisassanngortinnera pingaaruteqarpoq, kisianni aamma meeqqat atuarfianni kalaallisoortitsinerup ukkatarineqarluarnissaa pingaaruteqartupilussuuvoq inuiattut oqaatsigut puigussanngikkutsigit oqaatsigummi inuiattut kinaassutsitsinni pingaaruteqarluartut ilagimmassuk”.
Naalakkersuisoq
Nivi Olsen