AtuartigukKalaallit Nunaani Tusagassiuutit pillugit Aaliangiisartut 2025 - 2029
Nassiussisuuvoq: Ilinniartitaanermut, Kulturemut, Timersornermut Ilageeqarnermullu Naalakkersuisoqarfik
Naalakkersuisut Tusagassiuisarnermi akisussaassuseqarneq pillugu Inatsisartut inatsisaat nr. 17, 19. november 2007-imeersoq (Tusagassiuisarnermi akisussaassuseqarneq pillugu inatsit) naapertorlugu piffissami 2025 - 2029-mi Kalaallit Nunaanni Tusagassiuutit pillugit Aaliangiisartunut ilaasortassat nutaat atuutsilerpaat.
Tusagassiuutit pillugit Aaliangiisartut inatsimmi aalajangersakkat naapertorlugit katitigaapput, inuttaraallu inatsisileritooq ataaseq ilaasortallu arfinillit allattoqarfimmit ikiorserneqartartut. Ilaasortanut tamanut, tassunga ilanngullugu inatsisilerituumut immikkut sinniisussaq ataaseq toqqarneqartassaaq. Aaliangiisartut pingaarnertut suliassarivaat tamanut tusagassiissutigineqartut imarisaat sunniutaallu pillugit naammagittaalliuutigineqartunik suliaqarnissaq, aamma Kalaallit Nunaanni tusagassiorfiit tusagassiornerminni ileqqorissaartuarnissaasa attatiinnarneqarnissaannut suleqataanissaq.
Tusagassiuutit pillugit Aaliangiisartut inatsisitigut pituttuisumik aalajangiinissamut piginnaatinneqanngillat, tusagassiorfiilli saqqummiussaannik isornartorsiuillutik oqaaseqarsinnaapput aamma pisariaqartillugu tusagassiorfiit naqqiissutiminnik saqqummiussinissaannik peqqusisinnaapput.
Kalaallit Nunaanni Tusagassiortut Peqatigiiffianni ilaasortaasunit, tassa Tusagassiuinermi Sulisut Peqatigiiffiat, TP-mit, Tusagassiorfik Sermitsiaq.AG-mi naqitanik tusagassiinermi aaqqissuisunit kiisalu Kalaallit Nunaanni radiukkut tv-kkullu aallakaatitsisartumit KNR-mit, Ilinniartitaanermut, Kultureqarnermut, Timersornermut Ilageeqarnermullu Naalakkersuisumit kiisalu kattuffinnit Kulturikkut ingerlatsineq sunngiffimmilu sammisassaqartitsineq pillugit Inatsisartut inatsisaat naapertorlugu tapiiffigineqarsinnaatitaasunit, tassa Nunatsinni Tusagassiortut Kattuffiannit (NTK) aamma Eqqumiitsuliornikkut Pinngorartitsisut Ingerlatsisullu (EPI) ilaasortassat sinniisussallu inassutigineqartarput. Ukiuni sisamani atuuttussanik toqqaasoqartarpoq.
Tusagassiuutit pillugit Aaliangiisartut nutaat piffissami 1. august 2025 – 30. juni 2029-mi atuutsinneqartussat ukuupput:
| Uannga inassutigineqarpoq: | Ilaasortaq: | Sinniisoq |
| Naalakkersuisoq (Siulittaasumik qinersineq) |
Kirsten Thomassen | Ivik Paulsen |
| Kalaallit Nunaanni Tusagassiortut Peqatigiiffiat: |
Mariia Simonsen | Else Løvstrøm |
| Aaqqissuussinermi aqutsisut: | Dorthe Olsen Irene Jeppson |
Jette Andersen Noah Mølgaard |
| Kattuffiit | Nino Fencker Ane Marie Kristiansen |
Ilannguaq Petrussen Martin Mørch |
Paasissutissat allat pissarsiarineqassappata naalakkersuisup allattaa attavigiuk: Kresten Lennert, oqa. +299 345675 ð ŠŽ-mail: krlt@nanoq.gl