Atuartiguk2025-mi kapisilinniarneq unitsinneqarpoq
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
2025-mi nuna tamakkerlugu kapisilinniarneq 31. Oktobari 2025 unitsinneqas-saaq.
Kapisilinnut qassutit tamarmik kingusinnerpaamik ulloq aalisarnerup unitsinneqarfiani qaqinneqariissapput nalunaaqutaq 23.59 nallertinnagu.
KANUAANA aammaarluni kaammattuivoq aalisartut aalisariareertillutik pisatik piaarnerpaamik nalunaarutigisassammatigit. Erseqqissaatigineqassaaq akuersissuteqartoq aalisariarsimanngikkaluarluni pisaqarsimanngikkaluarluniluunniit aamma nalunaaruteqartussaammat. Tamanna kingusinnerpaamik 15. novembari 2025 nalunaarutigineqassaaq. Kingusinnerpaamik 15. novembari 2025 nalunaaruteqartoqanngippat, 2026-mi kapisilinniarsinnaanermut akuersissummik tunisisoqarsinnaanngilaq.
Kapisilittat pillugit paasissutissat amerlanerusut nittartakkami Sullissivik.gl-imi “Kapisilittatit nalunaarutigikkit” atuarneqarsinnaapput.
Annerusumik paasisaqarusukkuit attavigiuk Kalaallit Nunaanni Aalisarsinnaanermut Akuersissutinik Nakkutilliisoqarfik oqarasuaat 34 50 00 imaluunniit e-mail gfjk@nanoq.gl
