AtuartigukPisassiissutinik Niuerutigineqarsinnaasunik Nammineq Pigisanik (PNNP) aalisarneq
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Aalisartorpassuit aalisarnermut inatsisip nutaap atuutilernerata kingorna pisassiissutinik niuerutigineqarsinnaasunik nammineq pigisanik (PNNP) aaqqissuussinermut ikaarsaarsimapput. Tamatuma saniatigut aalisartunut inatsit nutaaq sioqqullugu PNNP-qarsimasunut nutaanik arlalinnik PNNP pillugu malittarisassaqalerpoq. Taamaattumik Aalisarnermut, Piniarnermut, Nunalerinermut Imminullu Pilersornermut Naalakkersuisoqarfiup PNNP pillugu paasititsiniaaneq, augustimili inuit attaveqaqatigiittarfianni KNR-imilu ingerlaarsimasoq malitseqartissavaa.
Akuersissutinik tunniussisarneq
PNNP-mut ikaarsaarsimaguit aalisagaqatigiinnut aalajangersimasunut PNNP-qarfigisannut akuersissutinik ukiut tamaasa qinnuteqartarunnaassaatit. Naalakkersuisut ukiup tullianut pisassiissutinik aalajangersaareeraangata, pisassiissutinit pigisatit tunngavigalugit pisassatit naatsorsorneqassapput. Kingorna ukiumut pisassiissutinit pigisannut pisassannullu ukiup tullianut akuersissummik nutaamik ingerlaannartumik nassiussisoqassaaq. Ukioq naatinnagu 2026-mut akuersissummik pissarsinissat naatsorsuutigisinnaavat.
Pisassiissutinik nuussineq
2025-mi pisassanit pisarinngitsuugaqarsimaguit Aalisarnermut, Piniarnermut, Nunalerinermut Imminullu Pilersornermut Naalakkersuisoqarfiup 2025-mut pisassanit pisarineqartut januarip ingerlanerani tamakkiisumik takusinnaalerunigit, pisassanit pisarinngitsuukkat 25%-ii 2026-mut nuussavai. Taassumap kingorna akuersissut pisassanik 2025-miit nuunneqartunik nutartersimasoq nassiunneqassaaq. 31. december 2026-p tungaanut pisassat taakku pisarinissaanut periarfissaqarputit.
Ukiumut pisassavit annerpaamik 25%-ii ukiup tullianut nuussinnaavatit. Pisassanit pisarinngitsuukkatit 25%-init amerlaneruppata pisassat sinneruttut 25%-init amerlanerusut ukiumut nutaamut nuunneqartunut ilaatinneqassanngillat. Taamaattumik 31. december nallertinnagu pisassat 75%-ii aalisarsimassanagit takusinnaagaanni, pisassat ilaasa tuniniarnissaat isumassarsiatsialaasinnaavoq.
MALUGIUK tamanna aalisartunut 2025-mi PNNP-qarsimasunut taamaallaat atuummat, aatsaat 1. januar 2026-mi PNNP-mut ikaarsaaruit, pisassiissutit nuunneqarsinnaasut pisarinngitsuukkat 2026-mi januarimi nuussinnaanngilatit. Aatsaat 2027-mi januarimi.
Paasissutissat uani atuakkit: Pisassiissutinik nuussineq
Pisassanik pisassanillu pigisanik pisineq tuniniaanerlu
Ukiumi pisassanik amigaateqaruit, pisassat amerlinissaannut marlunnik periarfissaqarputit: pisassanik (ukiumut pisassiissutinik) amerlanerusunik, ukiumi pisarineqarfiini taamaallaat aalisarneqarsinnaasunik pisisinnaavutit - pisassiissutinit pigisannut allannguissanngilaq. Aappaattut periarfissaraat Aalisartumit allamit pisassiissutinit pigisanik pisinissat. Pisassiissutinit pigisanut taakkununnga ukiumut pisassiissutit ilaassapput taakkulu siunissami atorsinnaavatit. Pisassiissutinit pigisat ukiumi pisiarineranni aalisarsinnaanerannut tuniniaasup ukiumut pisassiissutit aalisareersimanerai apeqqutaavoq.
Paarlattuanik soorlu assersuutigalugu napparsimasimaguit, umiiarsimaguit allatulluunniit pisassavit tamakkerlugit aalisarsimannginnerannut pissuteqarsimaguit ukiut tamaasa ukiumut pisassavit 10%-ii tuniniarsinnaavatit.
Immikkulli ittumik pisuni, soorlu teknikikkut, aningaasaqarnikkut niuernikkulluunniit tunngasunik pissuteqarluni ukiumi pisassarisat 10%-ii sinnerlugit tuniniarnissaannut immikkut akuersissuteqartoqarsinnaavoq. Immikkut akuerineqarusukkuit uunga allassaatit APN@nanoq.gl.
Soorlu aamma assersuutigalugu aalisarsinnaasatit sipporlugit pisassaqaruit taamaattumillu 75%-inik atuisussaatitaanermik naammassinnissinnaanngikkuit imaluunniit soraarninngorusunnerit pissutigalugu pisassiissutinit pigisavit ilai tamakkerlugilluunniit tuniniarusussinnaavatit. Taamaappat pisassiissutinit pigisavit ilai tamakkerlugilluunniit aamma tuniniarsinnaavatit. Pisassiissutinit pigisanik taamatut tunisaqarneq siunissami pisassannut sunniuteqassaaq, tassami tunisat uterteqqinneqarsinnaassanngillat.
Pisassiissutinut niueqatigiittarfeqarpoq; pisassiissutinit pigisallit tamarmik, pisaasa amerlassusaat procentinngorlugillu amerlassusaat aamma pisassat sinneruttut raajanut aamma assagiarsunnut uani: Aalisarsinnaanermut akuersissutit – Kalaallit Nunaani Aalisarnermut- aamma Piniarnermut Nakkutilliisut.
KUNUAPNA´p sapaatip akunneri tamaasa nassiuttarpaa sinerissamut qanittumi qaleralinnut Pisassiissutinut Niueqatigiiffiup allattorsimaffia, tamanna ingerlassaaq hjemmesidep naammassinissaata tungaanut.
Paasissutissat uani atuakkit: Pisassiissutinit pigisanik pisinissamut tunisinissamullu qinnuteqarit
75%-inik atuisussaatitaaneq
Pisassiissutinik peqaruit atornissaannut aamma pisussaaffeqarputit. Aalisakkanik pisuussutit kalaallinit inuiaqatigiinnit pigineqarput taamaattumillu aalisartumut inuiaqatigiinnullu iluaqutaasumik ukiut tamaasa sapinngisamik atorneqartariaqarput.
Taamaattumik PNNP-mik aalisarnernut 75%-inik atuisussaatitaaneq eqqunneqarsimavoq, tamatumalu kingunerisaanik ukiut tamaasa ukiumut pisassavit minnerpaamik 75%-ii atortussaavatit. Pisassat 75%-ii ukiut pingajussaannik atorsinnaanagit ilimasuuteqaraanni pisassiissutinit pigisat naleqqussarneqassapput - naleqqusaasoqanngippat Naalakkersuisut pisassiissutinit pigisat atorsinnaanngisat utertitussaassavaat allanullu atuisinnaasumut neqeroorutigalugit. Aalisarnikkut pisinnaasanut pisassiissutinit pigisanik naleqqussaanissaq malittarisassami uani siunertarineqarpoq, taamaalilluni pisassaqarpallaartut pisassaminnik amigaatilinnut tuniniaasartussaapput. Taamaalilluni pisassiissutit ukiut tamaasa sapinngisamik atorneqartassapput.
Ukiunili tulleriinni pingasuni 75%-it atorneqarsimanngikkaangata, tamanna aatsaat atuutilertarnmat erseqqissassallugu pingaaruteqarpoq. Soorlu ukiuni tulleriinni marlunni 75%-it atorneqarsinnaasimanngippata ukiulli pingajuanni 75%-it amerlanerusulluunniit atorsimagaanni pisassarisimasat utertinneqarsinnaassanngillat.
Taamatuttaaq soorlu napparsimaneq, umiiarsimaneq sivisuumilluunniit amutsivimmiisitsisimaneq pissutigalugit ukiuni tulleriinni pingasuni 75%-inik aalisarsinnaasimanngikkaanni inatsit pisassiissutinik annaasaqannginnissamik qulakkeerinnittumik naleqqussaasinnaanermut periarfissaqartitsivoq.
Malittarisassat nalornissutigigaanni imaluunniit immikkut akuerineqarnissamut piginnaatitaagaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqartuaannarsinnaavoq uunga APN@nanoq.gl
Malittarisassat taakku pillugit paasissutissat PNNP-mut akuersissutinut tamanut 1.1.2026-miit ilanngunneqartalissapput. Tamatuma saniatigut PNNP pillugu paasititsiniaaneq aalisartunut PNNP-mik aalisarneq pillugu pitsaasunik paasissutissaqarnissaat qulakkeerniarlugu 2026-mi naleqqussarlugu aallartinneqaqqissaaq.
Paasisaqarnerorusukkuit Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik attavigiuk apn@nanoq.gl
Akuersissutinik tunniussisarneq
PNNP-mut ikaarsaarsimaguit aalisagaqatigiinnut aalajangersimasunut PNNP-qarfigisannut akuersissutinik ukiut tamaasa qinnuteqartarunnaassaatit. Naalakkersuisut ukiup tullianut pisassiissutinik aalajangersaareeraangata, pisassiissutinit pigisatit tunngavigalugit pisassatit naatsorsorneqassapput. Kingorna ukiumut pisassiissutinit pigisannut pisassannullu ukiup tullianut akuersissummik nutaamik ingerlaannartumik nassiussisoqassaaq. Ukioq naatinnagu 2026-mut akuersissummik pissarsinissat naatsorsuutigisinnaavat.
Pisassiissutinik nuussineq
2025-mi pisassanit pisarinngitsuugaqarsimaguit Aalisarnermut, Piniarnermut, Nunalerinermut Imminullu Pilersornermut Naalakkersuisoqarfiup 2025-mut pisassanit pisarineqartut januarip ingerlanerani tamakkiisumik takusinnaalerunigit, pisassanit pisarinngitsuukkat 25%-ii 2026-mut nuussavai. Taassumap kingorna akuersissut pisassanik 2025-miit nuunneqartunik nutartersimasoq nassiunneqassaaq. 31. december 2026-p tungaanut pisassat taakku pisarinissaanut periarfissaqarputit.
Ukiumut pisassavit annerpaamik 25%-ii ukiup tullianut nuussinnaavatit. Pisassanit pisarinngitsuukkatit 25%-init amerlaneruppata pisassat sinneruttut 25%-init amerlanerusut ukiumut nutaamut nuunneqartunut ilaatinneqassanngillat. Taamaattumik 31. december nallertinnagu pisassat 75%-ii aalisarsimassanagit takusinnaagaanni, pisassat ilaasa tuniniarnissaat isumassarsiatsialaasinnaavoq.
MALUGIUK tamanna aalisartunut 2025-mi PNNP-qarsimasunut taamaallaat atuummat, aatsaat 1. januar 2026-mi PNNP-mut ikaarsaaruit, pisassiissutit nuunneqarsinnaasut pisarinngitsuukkat 2026-mi januarimi nuussinnaanngilatit. Aatsaat 2027-mi januarimi.
Paasissutissat uani atuakkit: Pisassiissutinik nuussineq
Pisassanik pisassanillu pigisanik pisineq tuniniaanerlu
Ukiumi pisassanik amigaateqaruit, pisassat amerlinissaannut marlunnik periarfissaqarputit: pisassanik (ukiumut pisassiissutinik) amerlanerusunik, ukiumi pisarineqarfiini taamaallaat aalisarneqarsinnaasunik pisisinnaavutit - pisassiissutinit pigisannut allannguissanngilaq. Aappaattut periarfissaraat Aalisartumit allamit pisassiissutinit pigisanik pisinissat. Pisassiissutinit pigisanut taakkununnga ukiumut pisassiissutit ilaassapput taakkulu siunissami atorsinnaavatit. Pisassiissutinit pigisat ukiumi pisiarineranni aalisarsinnaanerannut tuniniaasup ukiumut pisassiissutit aalisareersimanerai apeqqutaavoq.
Paarlattuanik soorlu assersuutigalugu napparsimasimaguit, umiiarsimaguit allatulluunniit pisassavit tamakkerlugit aalisarsimannginnerannut pissuteqarsimaguit ukiut tamaasa ukiumut pisassavit 10%-ii tuniniarsinnaavatit.
Immikkulli ittumik pisuni, soorlu teknikikkut, aningaasaqarnikkut niuernikkulluunniit tunngasunik pissuteqarluni ukiumi pisassarisat 10%-ii sinnerlugit tuniniarnissaannut immikkut akuersissuteqartoqarsinnaavoq. Immikkut akuerineqarusukkuit uunga allassaatit APN@nanoq.gl.
Soorlu aamma assersuutigalugu aalisarsinnaasatit sipporlugit pisassaqaruit taamaattumillu 75%-inik atuisussaatitaanermik naammassinnissinnaanngikkuit imaluunniit soraarninngorusunnerit pissutigalugu pisassiissutinit pigisavit ilai tamakkerlugilluunniit tuniniarusussinnaavatit. Taamaappat pisassiissutinit pigisavit ilai tamakkerlugilluunniit aamma tuniniarsinnaavatit. Pisassiissutinit pigisanik taamatut tunisaqarneq siunissami pisassannut sunniuteqassaaq, tassami tunisat uterteqqinneqarsinnaassanngillat.
Pisassiissutinut niueqatigiittarfeqarpoq; pisassiissutinit pigisallit tamarmik, pisaasa amerlassusaat procentinngorlugillu amerlassusaat aamma pisassat sinneruttut raajanut aamma assagiarsunnut uani: Aalisarsinnaanermut akuersissutit – Kalaallit Nunaani Aalisarnermut- aamma Piniarnermut Nakkutilliisut.
KUNUAPNA´p sapaatip akunneri tamaasa nassiuttarpaa sinerissamut qanittumi qaleralinnut Pisassiissutinut Niueqatigiiffiup allattorsimaffia, tamanna ingerlassaaq hjemmesidep naammassinissaata tungaanut.
Paasissutissat uani atuakkit: Pisassiissutinit pigisanik pisinissamut tunisinissamullu qinnuteqarit
75%-inik atuisussaatitaaneq
Pisassiissutinik peqaruit atornissaannut aamma pisussaaffeqarputit. Aalisakkanik pisuussutit kalaallinit inuiaqatigiinnit pigineqarput taamaattumillu aalisartumut inuiaqatigiinnullu iluaqutaasumik ukiut tamaasa sapinngisamik atorneqartariaqarput.
Taamaattumik PNNP-mik aalisarnernut 75%-inik atuisussaatitaaneq eqqunneqarsimavoq, tamatumalu kingunerisaanik ukiut tamaasa ukiumut pisassavit minnerpaamik 75%-ii atortussaavatit. Pisassat 75%-ii ukiut pingajussaannik atorsinnaanagit ilimasuuteqaraanni pisassiissutinit pigisat naleqqussarneqassapput - naleqqusaasoqanngippat Naalakkersuisut pisassiissutinit pigisat atorsinnaanngisat utertitussaassavaat allanullu atuisinnaasumut neqeroorutigalugit. Aalisarnikkut pisinnaasanut pisassiissutinit pigisanik naleqqussaanissaq malittarisassami uani siunertarineqarpoq, taamaalilluni pisassaqarpallaartut pisassaminnik amigaatilinnut tuniniaasartussaapput. Taamaalilluni pisassiissutit ukiut tamaasa sapinngisamik atorneqartassapput.
Ukiunili tulleriinni pingasuni 75%-it atorneqarsimanngikkaangata, tamanna aatsaat atuutilertarnmat erseqqissassallugu pingaaruteqarpoq. Soorlu ukiuni tulleriinni marlunni 75%-it atorneqarsinnaasimanngippata ukiulli pingajuanni 75%-it amerlanerusulluunniit atorsimagaanni pisassarisimasat utertinneqarsinnaassanngillat.
Taamatuttaaq soorlu napparsimaneq, umiiarsimaneq sivisuumilluunniit amutsivimmiisitsisimaneq pissutigalugit ukiuni tulleriinni pingasuni 75%-inik aalisarsinnaasimanngikkaanni inatsit pisassiissutinik annaasaqannginnissamik qulakkeerinnittumik naleqqussaasinnaanermut periarfissaqartitsivoq.
Malittarisassat nalornissutigigaanni imaluunniit immikkut akuerineqarnissamut piginnaatitaagaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqartuaannarsinnaavoq uunga APN@nanoq.gl
Malittarisassat taakku pillugit paasissutissat PNNP-mut akuersissutinut tamanut 1.1.2026-miit ilanngunneqartalissapput. Tamatuma saniatigut PNNP pillugu paasititsiniaaneq aalisartunut PNNP-mik aalisarneq pillugu pitsaasunik paasissutissaqarnissaat qulakkeerniarlugu 2026-mi naleqqussarlugu aallartinneqaqqissaaq.
Paasisaqarnerorusukkuit Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik attavigiuk apn@nanoq.gl