AtuartigukNaalakkersuisut timmisartortartup ajutoornerani qanigisaasut misiginneqatigingaarpaat oqartussaasullu annertuumik suliniuteqarnerat pillugu qutsavigalugit
Nassiussisuuvoq:
Naalakkersuisut timmisartup aquttuata ajunaartup qanigisai misiginneqatigingaarpaat, aammalu oqartussaasut suliaqarnermi akuusut tamaasa pissutsit ajornakusoortut atorlugit annertuumik piginnaaneqarluarlutillu suliniuteqarnerannut qutsavigalugit.
Timmisartoq arfininngormalli ualikkut Nuup avataani ujaarineqartoq nassaarineqarpoq.
Inuk ataaseq timmisartumiissimavoq, taannalu alianaraluartumik toqukkut qimagussimavoq. Qanigisaasut ilisimatinneqareerput. Ujaasineq arfininngormat ualikkut Naviair-ip aallartippaa, Air Greenland, Kalaallit Nunaanni Politiit, Issittumi Sakkutooqarfik, kiisalu najukkami upalungaarsimasut ikiortigalugit, tassanilu Sermitsiaq eqqaalu silaannakkut imaatigullu ujaasiffigineqarput. Sila unerisimanngilaq ersernerlulluni pitsaanngimmat timmisartumut inuttaanullu ujaasineq ajornakusoortinneqarpoq, taamaakkaluartoq aamma sapaammi ingerlateqqinneqarpoq, taamatullu ataasinngornermi 27. oktober 2025-mi nangeqqinneqarluni, tassanilu timmisartoq Sermitsiap qaqqaaniittoq nassaarineqarpoq.
”Naalakkersuisut sinnerlugit timmisartup aquttuata ajunaartup qanigisai misiginneqatigingaarpakka. Pisoq tamatsinnut itisuumik attuisoq alianarpoq artornarlunilu”, Isumaginninnermut, Suliffeqarnermut, Nunamut Namminermut Avatangiisinullu Naalakkersuisoq Bentiaraq Ottosen oqarpoq nangillunilu:
”Naalakkersuisut sinnerlugit suliamut tunngatillugu ujaaseqataasut suliaqartullu tamassi – Naviair, Air Greenland, Kalaallit Nunaanni Politiit, Issittumi Sakkutooqarfik najukkamilu upalungaarsimasut – pissutsit ajornakusoortorujussuit atorlugit annertuunik suliniuteqarnersi pillugu qutsavigerusuppassi. Taamatuttaaq Kalaallit Nunaanni Rigsombudi ujaasinermi nunagisaasunut paasissutissiisarluni suliniuteqarsimaneranut qutsavigerusuppara. Pisup ingerlanera tamakkerlugu Naalakkersuisut aamma Kalaallit Nunaanni Upalungaarsimanermut Ataatsimiititaliarsuup paasissutissat iluarisimaarnartorujussuarmik ingerlanerat oqartussaasullu, pisumi piginnaaneqarluarlutik suliassanik isumaginnittuusimasut akunnerminni suleqatigiilluarnerat misigaat. Kalaallit Nunaanni Upalungaarsimanermut Ataatsimiititaliarsuaq pisariaqartitsisoqalerneranik naliliisoqarnissaanut sulinerminik aallartitsinissamut piareersimasimavoq”, Naalakkersuisoq Bentiaraq Ottosen naggasiivoq.
Timmisartoq arfininngormalli ualikkut Nuup avataani ujaarineqartoq nassaarineqarpoq.
Inuk ataaseq timmisartumiissimavoq, taannalu alianaraluartumik toqukkut qimagussimavoq. Qanigisaasut ilisimatinneqareerput. Ujaasineq arfininngormat ualikkut Naviair-ip aallartippaa, Air Greenland, Kalaallit Nunaanni Politiit, Issittumi Sakkutooqarfik, kiisalu najukkami upalungaarsimasut ikiortigalugit, tassanilu Sermitsiaq eqqaalu silaannakkut imaatigullu ujaasiffigineqarput. Sila unerisimanngilaq ersernerlulluni pitsaanngimmat timmisartumut inuttaanullu ujaasineq ajornakusoortinneqarpoq, taamaakkaluartoq aamma sapaammi ingerlateqqinneqarpoq, taamatullu ataasinngornermi 27. oktober 2025-mi nangeqqinneqarluni, tassanilu timmisartoq Sermitsiap qaqqaaniittoq nassaarineqarpoq.
”Naalakkersuisut sinnerlugit timmisartup aquttuata ajunaartup qanigisai misiginneqatigingaarpakka. Pisoq tamatsinnut itisuumik attuisoq alianarpoq artornarlunilu”, Isumaginninnermut, Suliffeqarnermut, Nunamut Namminermut Avatangiisinullu Naalakkersuisoq Bentiaraq Ottosen oqarpoq nangillunilu:
”Naalakkersuisut sinnerlugit suliamut tunngatillugu ujaaseqataasut suliaqartullu tamassi – Naviair, Air Greenland, Kalaallit Nunaanni Politiit, Issittumi Sakkutooqarfik najukkamilu upalungaarsimasut – pissutsit ajornakusoortorujussuit atorlugit annertuunik suliniuteqarnersi pillugu qutsavigerusuppassi. Taamatuttaaq Kalaallit Nunaanni Rigsombudi ujaasinermi nunagisaasunut paasissutissiisarluni suliniuteqarsimaneranut qutsavigerusuppara. Pisup ingerlanera tamakkerlugu Naalakkersuisut aamma Kalaallit Nunaanni Upalungaarsimanermut Ataatsimiititaliarsuup paasissutissat iluarisimaarnartorujussuarmik ingerlanerat oqartussaasullu, pisumi piginnaaneqarluarlutik suliassanik isumaginnittuusimasut akunnerminni suleqatigiilluarnerat misigaat. Kalaallit Nunaanni Upalungaarsimanermut Ataatsimiititaliarsuaq pisariaqartitsisoqalerneranik naliliisoqarnissaanut sulinerminik aallartitsinissamut piareersimasimavoq”, Naalakkersuisoq Bentiaraq Ottosen naggasiivoq.