AtuartigukInunnut innarluutilinnut sapaatip akunneritinneqartumi 41-mi Ersinngitsumik innarluutillit qulequtaralugu sammisaqartitsinerit amerlasuut
Nassiussisuuvoq:
Ukiumoortumik inunnut innarluutilinnut sapaatip akunneritinneqartumi 41-mi 2025-mi qulequtarineqarpoq “Ersinngitsumik innarluutit ilaqutariinni tamanut sunniuteqartarput – meeqqamut innarluutilimmut, qatanngutaasunut aamma angajoqqaanut”
Inunnut innarluutilinnut sapaatip akunneritinneqartumi 41-mi peqatigiiffiit aamma inuit ataasiakkaat amerlasuut aaqqissuussinernut tapiissutinut qinnuteqarput, ersinngitsumik innarluutit aamma meeraq ersinngitsumik innarluuteqratillugu ilaqutariinni tamarmiusut sunnerneqartarnerat qitiutinniarlugit. Qinnuteqaatinut 17-inut tapiissuteqartoqarpoq, katillugit 161.611 kr. aningaasaliissutigineqarlutik.
Kommunini tamani nunaqarfippassuarnilu aaqqissuussinernut tapiissuteqartoqarpoq. Aaqqissuussinerit annerusumik minnerusumillu ataatsimut sammisaqarfiupput, oqalugiartoqarpoq, oqaloqatigiilluni ataatsimiittoqarpoq, nipilersortoqarpoq, aliikkusiarneq, timersorneq, nerisassioqatigiinneq, assassoqatigiinneq il.il. Aaqqissuussinerit ilaat sapaatip akunnerani 41-mi ullormi ataatsimi ingerlanneqarput, aaqqissuussinernili allani sapaatip akunnera 41 tamaat sammisaqartitsisoqarluni.
”Peqatigiiffippassuit inuppassuillu aaqqissuussinernut tapiissutinik qinnuteqarsimanerat nuannerpoq. Ersinngitsut ersarinnerulernissaannik aamma ilaqutariinnut ersinngitsumik innarluutilimmik meerartalinnut tapersersuinissamut assut soqutiginnittoqarneranik takussutissiivoq”, Peqqissutsimut inunnullu Innarluutilinnut Naalakkersuisoq, Anna Wangenheim, taama oqarpoq.
”Inuit innarluutillit pisinnaatitaaffii pillugit Naalagaaffiit Peqatigiit isumaqatigiissutaata malinneqarnissaanut sapaatip akunnerani 41-mi inunnut innarluutilinnut sapaatip akunneritinneqartumik aaqqissuussinikkut tamatta tapersiivugut,” Peqqissutsimut inunnullu Innarluutilinnut Naalakkersuisoq, Anna Wangenheim, nangilluni oqarpoq.
Innarluutillit pillugit Naalagaaffiit Peqatigiit isumaqatigiissutaanni innarluuteqarnerup ilisimaneqalernissaa pineqarpoq, tassunga ilanngullugit inuiaqatigiinni tamani ilisimasaqarnermik annertusaanissaq, aamma inuit innarluutillit pisinnaatitaaffiinik ataqqinassusaannillu ataqqinninnissaq. Taamatuttaaq kulturikkut peqataanissaq aamma inunnut innarluutilinnut pitsaasumik isummertarnissaq inuiaqatigiillu inuit innarluutillit pillugit ilisimasaqarnerulernissaat isumaqatigiissummi pineqarput.
Sapaatip akunnerani 41-mi inunnut innarluutilinnut sapaatip akunneritinneqartumi inunnut innarluutilinnut attaveqaataasut qaninnerpaat qitiutinneqarput.
Sukumiisumik paasisaqarusukkuit naalakkersuisup allattaa Nivé Lynge Biilmann, e-mailimut uunga attavigisinnaavat: nilb@nanoq.gl
Peqqissutsimut inunnullu Innarluutilinnut Naalakkersuisoqarfik. E-mail: pn@nanoq.gl, oqarasuaat +299 34 50 00.
Inunnut innarluutilinnut sapaatip akunneritinneqartumi 41-mi peqatigiiffiit aamma inuit ataasiakkaat amerlasuut aaqqissuussinernut tapiissutinut qinnuteqarput, ersinngitsumik innarluutit aamma meeraq ersinngitsumik innarluuteqratillugu ilaqutariinni tamarmiusut sunnerneqartarnerat qitiutinniarlugit. Qinnuteqaatinut 17-inut tapiissuteqartoqarpoq, katillugit 161.611 kr. aningaasaliissutigineqarlutik.
Kommunini tamani nunaqarfippassuarnilu aaqqissuussinernut tapiissuteqartoqarpoq. Aaqqissuussinerit annerusumik minnerusumillu ataatsimut sammisaqarfiupput, oqalugiartoqarpoq, oqaloqatigiilluni ataatsimiittoqarpoq, nipilersortoqarpoq, aliikkusiarneq, timersorneq, nerisassioqatigiinneq, assassoqatigiinneq il.il. Aaqqissuussinerit ilaat sapaatip akunnerani 41-mi ullormi ataatsimi ingerlanneqarput, aaqqissuussinernili allani sapaatip akunnera 41 tamaat sammisaqartitsisoqarluni.
”Peqatigiiffippassuit inuppassuillu aaqqissuussinernut tapiissutinik qinnuteqarsimanerat nuannerpoq. Ersinngitsut ersarinnerulernissaannik aamma ilaqutariinnut ersinngitsumik innarluutilimmik meerartalinnut tapersersuinissamut assut soqutiginnittoqarneranik takussutissiivoq”, Peqqissutsimut inunnullu Innarluutilinnut Naalakkersuisoq, Anna Wangenheim, taama oqarpoq.
”Inuit innarluutillit pisinnaatitaaffii pillugit Naalagaaffiit Peqatigiit isumaqatigiissutaata malinneqarnissaanut sapaatip akunnerani 41-mi inunnut innarluutilinnut sapaatip akunneritinneqartumik aaqqissuussinikkut tamatta tapersiivugut,” Peqqissutsimut inunnullu Innarluutilinnut Naalakkersuisoq, Anna Wangenheim, nangilluni oqarpoq.
Innarluutillit pillugit Naalagaaffiit Peqatigiit isumaqatigiissutaanni innarluuteqarnerup ilisimaneqalernissaa pineqarpoq, tassunga ilanngullugit inuiaqatigiinni tamani ilisimasaqarnermik annertusaanissaq, aamma inuit innarluutillit pisinnaatitaaffiinik ataqqinassusaannillu ataqqinninnissaq. Taamatuttaaq kulturikkut peqataanissaq aamma inunnut innarluutilinnut pitsaasumik isummertarnissaq inuiaqatigiillu inuit innarluutillit pillugit ilisimasaqarnerulernissaat isumaqatigiissummi pineqarput.
Sapaatip akunnerani 41-mi inunnut innarluutilinnut sapaatip akunneritinneqartumi inunnut innarluutilinnut attaveqaataasut qaninnerpaat qitiutinneqarput.
Sukumiisumik paasisaqarusukkuit naalakkersuisup allattaa Nivé Lynge Biilmann, e-mailimut uunga attavigisinnaavat: nilb@nanoq.gl
Peqqissutsimut inunnullu Innarluutilinnut Naalakkersuisoqarfik. E-mail: pn@nanoq.gl, oqarasuaat +299 34 50 00.