AtuartigukAqutsiveqarfik 47-mi sinerissap qanittuani qaleralittassanik nalimmassaaneq
Nassiussisuuvoq: Naalakkersuisut Siulittaasuata Naalakkersuisoqarfia
Naalakkersuisut oktoberip 24-ni 2025 aalajangerput Uummannami umiatsiaararsorlutik aalisartut ukiup sinneranut qaleralinniaannarsinnaanissaat qulakkeerniarlugu umiatsiaararsorluni qaleralinniat paggatassaat 150 tonsit Upernavimmiit Uummannamut nuunneqassasut.
Aqutsiveqarfimmi Uummannami sinerissap qanittuani qalerallit paggatassiissutinik pisassiissutit tamakkerlugit pisarineqarput. Pisassiissutinit pisat naapertorlugit Uummannami paggatassiissutinik aalisarnermi ulloq 14/10-mi pisassiissutinit 6 tonsit sinnerupput. Upernavimmi umiatsiaararsorlutik paggatassanik qaleralinniat ulloq 14. oktober 2025 pisassami 60%-tii pisarisimavaat tamaanilu aalisarnikkut pisamasoqannginnerulluni. Tamanna tunngavigalugu naliliisoqarpoq qaleralittassat 150 tonsit Uummannamut nuunneqarpata Upernavimmut pitsaanngitsumik sunniuteqarnavianngitsoq.
Pisarineqartut uani quppernermi malinnaaffigineqarsinnaapput www.gfjk.gl
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl