AtuartigukIsumaqatigiissut nutaaq: Kalaallit Nunaata Danmarkillu peqqinnissamik suliassaqarfiup iluani suleqatigiinneq nukittorsarnissaannut
Nassiussisuuvoq: Peqqissutsimut inunnullu Innarluutilinnut Naalakkersuisoqarfik
Danmarkimi peqqinnissakkut neqeroorutit kalaallit napparsimasunut iseruminarnerilissapput, aamma nunatsinni peqqinnissaqarfimmi peqqinnissakkut sullissisoqarnissaanut tulluunnerusumik aaqqiisoqarnissaa qulakkeerisoqasaaq. Kalaallit Nunaata Danmarkillu akornanni peqqinnissamik suliassaqarfik nukittorsarneqarnissaanik siunertalimmik, Peqqissutsimut inunnullu Innarluutilinnut Naalakkersuisup Anna Wangenheimip aamma nunami namminermi peqqinnissamullu Naalakkersuisoq Sophie Løhdelu ullumi isumaqatigipput.
Isumaqatigiinnermi ataqqinninneq naligiinnerlu qitiutinneqarput, tamanna Peqqissutsimut inunnullu Innarluutilinnut Naalakkersuisoq, Anna Wangenheim, aamma nunami namminermi peqqinnissamullu Naalakkersuisoq Sophie Løhde Nuummi ullumi peqqissutsimut naalakkersuisut akornanni nunatsinni ataatsimeeqattaareerlutik atsioqatigiipput.
Peqqinnissamik suliassaqarfiup iluani suleqatigiinnerup nukittorsarneqarnissaa pillugu isumaqatigiissut Kalaallit Nunaanni peqqinnissaqarfiup ineriartortinnissaanut toqqissisimanarnerusumik tunngavissanik qulakkeerinnittussatut siunertaavoq. Isumaqatigiissut ilaatigut nunatsinni peqqinnissaqarfiup danskit nunap immikkoortuisa akornanni nunatsinni peqqinnissaqarfimmi sulisussanik sulisoqarneq piginnaanngorsaanerlu pillugit isumaqatiginninniarnernut isumaqatigiinniarnernut aqqutissiuussissaaq.
Tamanna pisinnaavoq assersuutigalugu danskit napparsimmaviinut immikkoortortaqarfinnut aalajangersimasunut tamatigoortumik isumaqatiginninniarnerit aqqutigalugit nunatsinni sulisoqarneq pillugu nakorsanik ataavartumik ingerlaavartumik atorfinitsitsisoqartarluni. Ilutigalugulu nunatsinni immikkut ilisimasallit nakorsat amigaatigineqarmata, ilinniartutut atorfinnik ammaasoqarsinnaanersoq misissorneqassaaq Taamaaliornikkut nakorsatut ilinniartut akornanni nunatsinnut attaveqarnera ilisimaneqarneralu annertusarneqassaaq.
Isumaqatigiissut kalaallit napparsimasut Danmarkimi katsorsarneqartartut pitsaanerusumik oqimaaqatigiinnerusumillu katsorsarneqarnissaannut tapersersuissaaq.
Peqqissutsimut inunnullu Innarluutilinnut Naalakkersuisoq, Anna Wangenheim oqarpoq:
”Taamatut isumaqatigiissuteqarnermi nunatsinni peqqinnissaqarfiup toqqissisimanarnerunissaanut pingaarutilimmik alloriarpugut. Peqqinnissaqarfitsinni sulisoqarnerup nukittorsarnissaanut pitsaanerusumik periarfissaqalersimagatta immikkut nuannaarutigaara, ilutigalugu kalaallinut napparsimasunut Danmarkimi immikkut ittumik katsorsarneqartussanut misilittagaq pitsanngorsassavarput.
Suleqatigiinnerit immikkut ittut isumaqatigiissutip ammarpai aamma peqqinnissamut isumaqatigiinniarnermi aggersumi eqqarsaatigineqassapput, taamaalilluni siunissami peqqinnissaqarfimmi ineriartortitsisussamut periusissiamut politikkikkut siammasissumik tapersersuineq qulakkeerlugu.”
Nunami namminermi peqqinnissamullu Naalakkersuisoq, Sophie Løhde ima oqarpoq:
”Kalaallit peqqinnissaqarfiata nukittorsarneqarnissaa ataatsimut kissaatigaarput, taamaaliornikkut Kalaallit Nunaanni innuttaasut pitsaasunik katsorsarneqarsinnnaalissapput. Isumaqatigiissut aqqutigalugu Kalaallit Nunaata Danmarkillu akornanni peqqinnissaqarfiup iluani suleqatigiinneq nukittorsarparput, taamaalillutalu Kalaallit Nunaanni peqqinnissaqarfiup ullumikkut unammilligassaasa ilaat aamma aaqqinniarlugit. Taamaaliorpugut peqqinnissaqarfimmi sulisunik sulisoqarnissamut periusissianik toqqissisimanarnerusunik siuarsaanikkut aammalu napparsimasut Kalaallit Nunaanneersut ajornannginnerusumik nakorsaatinut pissarsisinnaalernissaannik tapersersuinikkut, aamma danskit napparsimmaviini pissappat.”
Isumaqatigiissut nunami imminermi peqqissutsimullu naalakkersuisoq Sophie Løhde nunatsinnut pulaarneranut atatillugu isumaqatigiissuteqartoqarpoq, tassani nunatsinni peqqinnissaqarfimmi suut unammillernartuunersut takuai.
Nunarput Danmarkilu ukioq manna septembarimi peqqinnissaqarfimmi suleqatigiinnissamut sinaakkutitut isumaqatigiissutit nukittorsarnissaanut isumaqatigiissutaavoq, ilaatigulli nunatsinni atugarissaarnerulernissamut kivitsinissamik taperseeqataassapput
Peqqinnissami suliassaqarfimmi sinaakkutitut isumaqatigiissut ilaatigut ima imaqarpoq, Danmarki 2026-mit kalaallit napparsimasut danskit napparsimmavissuani katsorsartikkiartortunut taperseeqataanerulissaaq. Taassuma saniatigut nunatsinni peqqinnissaqarfiup iluani tapersersuisoqarsinnaanera suleqatigiinnerusinnaaneralu piffissami aggersumi suli misissorneqartariaqarpoq.
Danskit Naalakkersuisui Aningaasanut Inatsisissatut siunnersuutertik aqqutigalugu Kalaallit Nunaanni ukiuni 2026-mit 2029-mut suliniutissanut aningaasaliissutissanullu 2026-imi katillugit 1,6 mia. kr.-nik atugassanngortitsisimapput.
Nunatta Danmarkillu akornanni peqqinnissaqarfimmi sulisut nukittorsarnissai pillugit isumaqatigiissuut uani atuarneqarsinnaavoq.
Erseqqinnerusumik paasitinneqarnissamik pisariaqartitsisut naalakkersuisut allattaanut Nivé Lynge Biilmannimut, e-mail: nilb@nanoq.gl-imut imalluunnit Peqqissutsimut, Inunnullu Innarluutilinnut Naalakkersuisoqarfimmut,. E-mail: pn@nanoq.gl, telefon +299 34 50 00 saaffiginnissinnaapput.
Isumaqatigiinnermi ataqqinninneq naligiinnerlu qitiutinneqarput, tamanna Peqqissutsimut inunnullu Innarluutilinnut Naalakkersuisoq, Anna Wangenheim, aamma nunami namminermi peqqinnissamullu Naalakkersuisoq Sophie Løhde Nuummi ullumi peqqissutsimut naalakkersuisut akornanni nunatsinni ataatsimeeqattaareerlutik atsioqatigiipput.
Peqqinnissamik suliassaqarfiup iluani suleqatigiinnerup nukittorsarneqarnissaa pillugu isumaqatigiissut Kalaallit Nunaanni peqqinnissaqarfiup ineriartortinnissaanut toqqissisimanarnerusumik tunngavissanik qulakkeerinnittussatut siunertaavoq. Isumaqatigiissut ilaatigut nunatsinni peqqinnissaqarfiup danskit nunap immikkoortuisa akornanni nunatsinni peqqinnissaqarfimmi sulisussanik sulisoqarneq piginnaanngorsaanerlu pillugit isumaqatiginninniarnernut isumaqatigiinniarnernut aqqutissiuussissaaq.
Tamanna pisinnaavoq assersuutigalugu danskit napparsimmaviinut immikkoortortaqarfinnut aalajangersimasunut tamatigoortumik isumaqatiginninniarnerit aqqutigalugit nunatsinni sulisoqarneq pillugu nakorsanik ataavartumik ingerlaavartumik atorfinitsitsisoqartarluni. Ilutigalugulu nunatsinni immikkut ilisimasallit nakorsat amigaatigineqarmata, ilinniartutut atorfinnik ammaasoqarsinnaanersoq misissorneqassaaq Taamaaliornikkut nakorsatut ilinniartut akornanni nunatsinnut attaveqarnera ilisimaneqarneralu annertusarneqassaaq.
Isumaqatigiissut kalaallit napparsimasut Danmarkimi katsorsarneqartartut pitsaanerusumik oqimaaqatigiinnerusumillu katsorsarneqarnissaannut tapersersuissaaq.
Peqqissutsimut inunnullu Innarluutilinnut Naalakkersuisoq, Anna Wangenheim oqarpoq:
”Taamatut isumaqatigiissuteqarnermi nunatsinni peqqinnissaqarfiup toqqissisimanarnerunissaanut pingaarutilimmik alloriarpugut. Peqqinnissaqarfitsinni sulisoqarnerup nukittorsarnissaanut pitsaanerusumik periarfissaqalersimagatta immikkut nuannaarutigaara, ilutigalugu kalaallinut napparsimasunut Danmarkimi immikkut ittumik katsorsarneqartussanut misilittagaq pitsanngorsassavarput.
Suleqatigiinnerit immikkut ittut isumaqatigiissutip ammarpai aamma peqqinnissamut isumaqatigiinniarnermi aggersumi eqqarsaatigineqassapput, taamaalilluni siunissami peqqinnissaqarfimmi ineriartortitsisussamut periusissiamut politikkikkut siammasissumik tapersersuineq qulakkeerlugu.”
Nunami namminermi peqqinnissamullu Naalakkersuisoq, Sophie Løhde ima oqarpoq:
”Kalaallit peqqinnissaqarfiata nukittorsarneqarnissaa ataatsimut kissaatigaarput, taamaaliornikkut Kalaallit Nunaanni innuttaasut pitsaasunik katsorsarneqarsinnnaalissapput. Isumaqatigiissut aqqutigalugu Kalaallit Nunaata Danmarkillu akornanni peqqinnissaqarfiup iluani suleqatigiinneq nukittorsarparput, taamaalillutalu Kalaallit Nunaanni peqqinnissaqarfiup ullumikkut unammilligassaasa ilaat aamma aaqqinniarlugit. Taamaaliorpugut peqqinnissaqarfimmi sulisunik sulisoqarnissamut periusissianik toqqissisimanarnerusunik siuarsaanikkut aammalu napparsimasut Kalaallit Nunaanneersut ajornannginnerusumik nakorsaatinut pissarsisinnaalernissaannik tapersersuinikkut, aamma danskit napparsimmaviini pissappat.”
Isumaqatigiissut nunami imminermi peqqissutsimullu naalakkersuisoq Sophie Løhde nunatsinnut pulaarneranut atatillugu isumaqatigiissuteqartoqarpoq, tassani nunatsinni peqqinnissaqarfimmi suut unammillernartuunersut takuai.
Nunarput Danmarkilu ukioq manna septembarimi peqqinnissaqarfimmi suleqatigiinnissamut sinaakkutitut isumaqatigiissutit nukittorsarnissaanut isumaqatigiissutaavoq, ilaatigulli nunatsinni atugarissaarnerulernissamut kivitsinissamik taperseeqataassapput
Peqqinnissami suliassaqarfimmi sinaakkutitut isumaqatigiissut ilaatigut ima imaqarpoq, Danmarki 2026-mit kalaallit napparsimasut danskit napparsimmavissuani katsorsartikkiartortunut taperseeqataanerulissaaq. Taassuma saniatigut nunatsinni peqqinnissaqarfiup iluani tapersersuisoqarsinnaanera suleqatigiinnerusinnaaneralu piffissami aggersumi suli misissorneqartariaqarpoq.
Danskit Naalakkersuisui Aningaasanut Inatsisissatut siunnersuutertik aqqutigalugu Kalaallit Nunaanni ukiuni 2026-mit 2029-mut suliniutissanut aningaasaliissutissanullu 2026-imi katillugit 1,6 mia. kr.-nik atugassanngortitsisimapput.
Nunatta Danmarkillu akornanni peqqinnissaqarfimmi sulisut nukittorsarnissai pillugit isumaqatigiissuut uani atuarneqarsinnaavoq.
Erseqqinnerusumik paasitinneqarnissamik pisariaqartitsisut naalakkersuisut allattaanut Nivé Lynge Biilmannimut, e-mail: nilb@nanoq.gl-imut imalluunnit Peqqissutsimut, Inunnullu Innarluutilinnut Naalakkersuisoqarfimmut,. E-mail: pn@nanoq.gl, telefon +299 34 50 00 saaffiginnissinnaapput.