AtuartigukAasianni Ilulissanilu innuttaasut nunami namminermi silap pissusia pillugu periusissiassamut silap pissusia pillugu sammisaqartitsinissamut peqataatsinneqassapput
Nassiussisuuvoq: Pinngortitamut Avatangiisinullu Naalakkersuisoqarfik
Pinngortitamut Avatangiisinullu Naalakkersuisoqarfik qaaqqusivoq
Isumaginninnermut, Suliffeqarnermut, Nunami Namminermut Avatangiisinullu Naalakkersuisoq, Bentiaraq Ottosen sinnerlugu, Aasianni ulloq 22. oktober 2025-mi aamma Ilulissani ulloq 24. Oktober 2025-mi silap pissusia pillugu sammisaqartitsisoqassaaq.
Silap pissusia pillugu periusissiassamut peqataatitsinissaq aallaaviuvoq
Naalakkersuisoq Bentiaraq Ottosen sinnerlugu Pinngortitamut Avatangiisinullu Naalakkersuisoqarfimmit aallartitat sapaatit akunneranni aggersumi Aasiannut Ilulissanullu angalassapput. Aasiannut Ilulissanullu angalanissamut siusinnerusukkut silap pissusia pillugu sammisaqaqatigeeqqinneruvoq, tassani innuttaasut nunami namminermi silap pissusia pillugu periusissiassamut tusarnaarneqarnissaat ilusilersueqataanissaanullu siunertaavoq.
”Suliassaqarfigisanni aalajangiinerit inummut ataasiakkaamut, ataatsimooqatigiinnermut nunarpullu ataatsimut isigalugu ineriartornissamut periarfissanik nutaanik pilersitsisinnaanissaat pingaartippara. Tamannalu iluatsissappat innuttaasut tusarnaarneqartussaapput. Silallu pissusia pillugu sammisaqartitsinikkut innuttaasut tusarnaarneqarnissaat qulakkeerusuppara. Ineriartornermik pilersitsinissamut periaatsinut nutaanut inissaqartitsinissap qulakkeerneqarnissaa Naalakkersuisutut ivertinneqarninniit aallaqqaataaniilli sulissutigaara. Aasianni Ilulissanilu silap pissusia pillugu sammisaqaqatigiinnermut pisussami peqataatitsinissaq qulakkeerusuppara innuttaasut tusarnaarlugit isummersuutigisaallu nunami namminermi sila pissusia pillugu periusissiassamut ilusilersueqataatillugit”, Isumaginninnermut, Suliffeqarnermut, Nunamut Namminermut Avatangiisinullu Naalakkersuisoq, Bentiaraq Ottosen, taama oqarpoq.
Silap pissusia pillugu sammisaqartitsinerit Kalaallit Nunaata silap pissusia pillugu anguniagassaanut toqqammaviliissapput
Sila pissusia pillugu nunat tamalaat akornanni isumaqatigiissut, Parisimi isumaqatigiissut, Kalaallit Nunaannit pisortatigoortumik akuerineqarpoq, Inatsisartut 2023-mi Ukiakkut ataatsimiinnerminni aalajangernerisa malitsigisaanik. Naalakkersuisullu tamatumunnga atatillugu nunami namminermi silap pissusianut periusissiamik suliaqarneq aallartippaat, silap pissusianut periusissiaq nunami namminermi silap pissusianut suliniuteqarnitsinni pingaarnertigut siunnerfissanik suliniutissanillu imaqassaaq aammalu nunatsinni ineriartortitsinissamut periarfissat ukkatarineqassallutik.
Taamaattumik nunarput tamakkerlugu nunaqarfinni illoqarfinnilu silap pissusia pillugu sammisaqartitsissaaq innuttaasut peqataatinniarlugit silallu pissusiata allanngoriartornerani nalaattagaat aammalu silap pissusianut aaqqiissutissanut isumaat ukkataralugit. Silap pissusia pillugu sammisaqartitsinissat taamaalillutik innuttaasut, inuiaqatigiit allallu najukkani suliaqartuusut periusissiamut ilassutissaannik katersinissamik siunertaqarput.
Silap pissusia pillugu sammisaqartitsinerni silap pissusiani allannguutit, aammalu Kalaallit Nunaata Parisimi Isumaqatigiissummut ilaalernerani pisussaaffiit suunersut pillugit saqqummiussisoqassaaq.
Silap pissusia pillugu sammisaqartitsinerit ulluni piffissanilu ukunani Aasianni Ilulissanilu ingerlanneqassapput:
• Aasianni silap pissusia pillugu sammisaqartitsineq: 22. oktober 2025 nal. 17:00-20:00 Katersortarfimmi.
• Ilulissani silap pissusia pillugu sammisaqartitsineq: 24. oktober 2025 nal. 17:00-20:00 Sermermiuni.
”Innuttaasut silap pissusiata allannguutaanik nammineerlutik ulluinnarnilu inuunerminni misigisaqartarput, taamaattumik aamma innuttaasut aaqqiissutaasinnaasunut peqataatinneqarnissaat pingaaruteqarpoq. Taamaattumik nunami namminermi silap pissusianut periusissiap siulliup suliarinerani innuttaasut annilaangassutaasa, isumassarsiaasa isumaasalu sukumiisumik tusarnaarnissaat uannut Naalakkersuisunullu pingaaruteqarluinnarpoq.”, Isumaginninnermut, Suliffeqarnermut, Nunamut Namminermut Avatangiisinullu Naalakkersuisoq, Bentiaraq Ottosen, taama naggasiivoq.
Attaveqarfissaq
Paasissutissat sukumiinerusut pillugit naalakkersuisup allattaa Anders Samuelsen oqarasuaatikkut 34 56 11/27 02 36-mut imaluunniit e-mailikkut pan@nanoq.gl-imut attavigineqarsinnaavoq
Isumaginninnermut, Suliffeqarnermut, Nunami Namminermut Avatangiisinullu Naalakkersuisoq, Bentiaraq Ottosen sinnerlugu, Aasianni ulloq 22. oktober 2025-mi aamma Ilulissani ulloq 24. Oktober 2025-mi silap pissusia pillugu sammisaqartitsisoqassaaq.
Silap pissusia pillugu periusissiassamut peqataatitsinissaq aallaaviuvoq
Naalakkersuisoq Bentiaraq Ottosen sinnerlugu Pinngortitamut Avatangiisinullu Naalakkersuisoqarfimmit aallartitat sapaatit akunneranni aggersumi Aasiannut Ilulissanullu angalassapput. Aasiannut Ilulissanullu angalanissamut siusinnerusukkut silap pissusia pillugu sammisaqaqatigeeqqinneruvoq, tassani innuttaasut nunami namminermi silap pissusia pillugu periusissiassamut tusarnaarneqarnissaat ilusilersueqataanissaanullu siunertaavoq.
”Suliassaqarfigisanni aalajangiinerit inummut ataasiakkaamut, ataatsimooqatigiinnermut nunarpullu ataatsimut isigalugu ineriartornissamut periarfissanik nutaanik pilersitsisinnaanissaat pingaartippara. Tamannalu iluatsissappat innuttaasut tusarnaarneqartussaapput. Silallu pissusia pillugu sammisaqartitsinikkut innuttaasut tusarnaarneqarnissaat qulakkeerusuppara. Ineriartornermik pilersitsinissamut periaatsinut nutaanut inissaqartitsinissap qulakkeerneqarnissaa Naalakkersuisutut ivertinneqarninniit aallaqqaataaniilli sulissutigaara. Aasianni Ilulissanilu silap pissusia pillugu sammisaqaqatigiinnermut pisussami peqataatitsinissaq qulakkeerusuppara innuttaasut tusarnaarlugit isummersuutigisaallu nunami namminermi sila pissusia pillugu periusissiassamut ilusilersueqataatillugit”, Isumaginninnermut, Suliffeqarnermut, Nunamut Namminermut Avatangiisinullu Naalakkersuisoq, Bentiaraq Ottosen, taama oqarpoq.
Silap pissusia pillugu sammisaqartitsinerit Kalaallit Nunaata silap pissusia pillugu anguniagassaanut toqqammaviliissapput
Sila pissusia pillugu nunat tamalaat akornanni isumaqatigiissut, Parisimi isumaqatigiissut, Kalaallit Nunaannit pisortatigoortumik akuerineqarpoq, Inatsisartut 2023-mi Ukiakkut ataatsimiinnerminni aalajangernerisa malitsigisaanik. Naalakkersuisullu tamatumunnga atatillugu nunami namminermi silap pissusianut periusissiamik suliaqarneq aallartippaat, silap pissusianut periusissiaq nunami namminermi silap pissusianut suliniuteqarnitsinni pingaarnertigut siunnerfissanik suliniutissanillu imaqassaaq aammalu nunatsinni ineriartortitsinissamut periarfissat ukkatarineqassallutik.
Taamaattumik nunarput tamakkerlugu nunaqarfinni illoqarfinnilu silap pissusia pillugu sammisaqartitsissaaq innuttaasut peqataatinniarlugit silallu pissusiata allanngoriartornerani nalaattagaat aammalu silap pissusianut aaqqiissutissanut isumaat ukkataralugit. Silap pissusia pillugu sammisaqartitsinissat taamaalillutik innuttaasut, inuiaqatigiit allallu najukkani suliaqartuusut periusissiamut ilassutissaannik katersinissamik siunertaqarput.
Silap pissusia pillugu sammisaqartitsinerni silap pissusiani allannguutit, aammalu Kalaallit Nunaata Parisimi Isumaqatigiissummut ilaalernerani pisussaaffiit suunersut pillugit saqqummiussisoqassaaq.
Silap pissusia pillugu sammisaqartitsinerit ulluni piffissanilu ukunani Aasianni Ilulissanilu ingerlanneqassapput:
• Aasianni silap pissusia pillugu sammisaqartitsineq: 22. oktober 2025 nal. 17:00-20:00 Katersortarfimmi.
• Ilulissani silap pissusia pillugu sammisaqartitsineq: 24. oktober 2025 nal. 17:00-20:00 Sermermiuni.
”Innuttaasut silap pissusiata allannguutaanik nammineerlutik ulluinnarnilu inuunerminni misigisaqartarput, taamaattumik aamma innuttaasut aaqqiissutaasinnaasunut peqataatinneqarnissaat pingaaruteqarpoq. Taamaattumik nunami namminermi silap pissusianut periusissiap siulliup suliarinerani innuttaasut annilaangassutaasa, isumassarsiaasa isumaasalu sukumiisumik tusarnaarnissaat uannut Naalakkersuisunullu pingaaruteqarluinnarpoq.”, Isumaginninnermut, Suliffeqarnermut, Nunamut Namminermut Avatangiisinullu Naalakkersuisoq, Bentiaraq Ottosen, taama naggasiivoq.
Attaveqarfissaq
Paasissutissat sukumiinerusut pillugit naalakkersuisup allattaa Anders Samuelsen oqarasuaatikkut 34 56 11/27 02 36-mut imaluunniit e-mailikkut pan@nanoq.gl-imut attavigineqarsinnaavoq