AtuartigukNUNAMED-ip peqqinnissaqarfimmi atassuteqaatit, akisussaaffik aamma nutaaliorneq qitiutippai
Nassiussisuuvoq: Peqqissutsimut inunnullu Innarluutilinnut Naalakkersuisoqarfik
Peqataasut aatsaat taama amerlatigalutik inuit 468-it nunanit assigiinngitsunit 14-ineersut peqataaneranni NUNAMED 2025 Kalaallit Nunaanni peqqinnissaq pillugu ataatsimeersuartarnerni nutaamik inissisimalerpoq. Sapaatip akunnerata siuliani Nuuk ulluni pingasunut isumassarsiorfiusunut qitiuvoq, tassani peqqinnissaqarfimmi suliaqartut, ilisimatusartut aamma aalajangiisartut oqaloqatigiittoqarnissaanut naapipput, ilisimasanittaaq avitseqatigiittoqarpoq kiisalu siunissami peqqinnissaqarfiup ineriartortinneqarnissaanik oqaloqatigiinnerit pipput.
Peqqissutsimut inunnullu Innarluutilinnut Naalakkersuisoq, Anna Wangenheim, oqalugiarluni ataatsimeersuarneq aammaanersiorpaa, tassani inuttut suliassaq, akisussaaffik aamma peqqinnissaqarfimmi aaqqissuussaanikkut allannguinissamik pisariaqartitsineq qitiutippai.
Anna Wangenheimip oqalugiaatini ima aallarnerpaa: ”NUNAMED 2025 ammarlugu tulluusimaarnaqaaq. Suliassap piginnaassuseqqortussutsip naapiffianni. Maani ataatsimoornikkut allannguineq periarfissaalerpoq. Maani ataatsimoorluta siunissami Kalaallit Nunaanni peqqinnissaqarfik ilusilersorparput.”
Ammaanersiornermi oqalugiaammini nammineq inuttut Narsami meeraanerminit Naalakkersuisunngornerminut eqqarsaatini oqaluttuarai, tassanilu aaqqissuussaanernik aamma politikkimik peqqinnissaqarfimmi suliaqartunut allannguinissamut periarfissaqalersitsisunik pilersitsinissap pingaaruteqassusaa naqissuserpaa.
Ammaanersiornermi oqalugiaat atuarneqarsinnaavoq uani.
Ataatsimeersuarneq politikkikkut pingaarnersiukkat nutaat pillugit saqqummiisarfiuvoq. Peqqissutsimut inunnullu Innarluutilinnut Naalakkersuisoqarfimmi Innarluutilinnut suliassaqarfimmik namminersortumik pilersitsineq alloriarneq pingaarutilittut erseqqissarneqarpoq inunnut tarnikkut nappaatilinnut, ineriartornikkut innarluutilinnut aamma kingunerlutsitsisunut suliniuteqarnerup ersarinnerulersinneqarnissaanut aamma pitsaanerulernissaanut.
”Tamanut inissaqartitsisoqassaaq, aamma takujuaannanngisatsinnut,” Anna Wangenheim oqarpoq, tarnikkullu napparsimasunut sullissinermut pilersaarutissamut, tamakkiisumik isiginnittumik aamma kulturikkut mianerinnittumik katsorsaanermik ukkatarinniffiusussamut innersuussilluni.
Aammmattaaq aaqqissuussaasumik pinaveersaartitsinermut pisariaqartitsineq oqaatigineqarpoq, imigassaq pillugu politikki sunniuteqarluarnerusoq aamma naarmiut pisinnaatitaaffii pillugit inatsisissaq nutaaq, inuiaqatigiinnut peqqinnerusunut tapertaasussaq ilanngullugit.
Ammaanersiornermi oqalugiaammi Canadami Nunavummi Umingmak Centre pillugu oqaluttuaq immikkuullarippoq, taanna meeqqanut aamma ilaqutariinnut aarlerinartumik inissisimasunut illersuinermut periuusaavoq, umimmammit isumassarsiorfiusoq, tassa sanngiinnerit ungullugit ataatsimoorfigisaramikkit. Periuseq taanna kulturikkut tunngavilinnik periutsinik peqqinnerulernissamut suliniutit qanoq pitsaanerulersinneqarsinnaanerinut assersuutitut erseqqissarneqarpoq.
Naalakkersuisup Anna Wangenheimip aammattaaq Kalaallit Nunaanni napparsimmaveqarfik ilisimatusarfiusumik pilersitsinissamik takorluugaqarneq oqalugiarnermini oqaluuseraa, katsorsaavissamik, ilisimatusarfissamik aamma ilinniarfissamik, najukkami aallaaveqartumik aamma kulturikkut mianerinnittumik periuseqarfiusumik. Inuussutissarsiutigalugu napparsimasunik peqqissaanermik kandidatitut Ilisimatusarfimmi ilinniarfik, kalaallinit peqqissaasunit ineriartortinneqartoq nutaaq peqatigalugu, tamanna peqqinnissaqarfimmi sulisunik nammineq pilersuinermut aamma attassinermut alloriarneq pingaaruteqarpoq.
Paasissutissat sukumiinerusut:
Naalakkersuisup allattaa Nivé Lynge Biilmann, e-mail: nilb@nanoq.gl
Peqqissutsimut inunnullu Innarluutilinnut Naalakkersuisoqarfik. E-mail: pn@nanoq.gl, oqarasuaat +299 34 50 00.
Peqqissutsimut inunnullu Innarluutilinnut Naalakkersuisoq, Anna Wangenheim, oqalugiarluni ataatsimeersuarneq aammaanersiorpaa, tassani inuttut suliassaq, akisussaaffik aamma peqqinnissaqarfimmi aaqqissuussaanikkut allannguinissamik pisariaqartitsineq qitiutippai.
Anna Wangenheimip oqalugiaatini ima aallarnerpaa: ”NUNAMED 2025 ammarlugu tulluusimaarnaqaaq. Suliassap piginnaassuseqqortussutsip naapiffianni. Maani ataatsimoornikkut allannguineq periarfissaalerpoq. Maani ataatsimoorluta siunissami Kalaallit Nunaanni peqqinnissaqarfik ilusilersorparput.”
Ammaanersiornermi oqalugiaammini nammineq inuttut Narsami meeraanerminit Naalakkersuisunngornerminut eqqarsaatini oqaluttuarai, tassanilu aaqqissuussaanernik aamma politikkimik peqqinnissaqarfimmi suliaqartunut allannguinissamut periarfissaqalersitsisunik pilersitsinissap pingaaruteqassusaa naqissuserpaa.
Ammaanersiornermi oqalugiaat atuarneqarsinnaavoq uani.
Ataatsimeersuarneq politikkikkut pingaarnersiukkat nutaat pillugit saqqummiisarfiuvoq. Peqqissutsimut inunnullu Innarluutilinnut Naalakkersuisoqarfimmi Innarluutilinnut suliassaqarfimmik namminersortumik pilersitsineq alloriarneq pingaarutilittut erseqqissarneqarpoq inunnut tarnikkut nappaatilinnut, ineriartornikkut innarluutilinnut aamma kingunerlutsitsisunut suliniuteqarnerup ersarinnerulersinneqarnissaanut aamma pitsaanerulernissaanut.
”Tamanut inissaqartitsisoqassaaq, aamma takujuaannanngisatsinnut,” Anna Wangenheim oqarpoq, tarnikkullu napparsimasunut sullissinermut pilersaarutissamut, tamakkiisumik isiginnittumik aamma kulturikkut mianerinnittumik katsorsaanermik ukkatarinniffiusussamut innersuussilluni.
Aammmattaaq aaqqissuussaasumik pinaveersaartitsinermut pisariaqartitsineq oqaatigineqarpoq, imigassaq pillugu politikki sunniuteqarluarnerusoq aamma naarmiut pisinnaatitaaffii pillugit inatsisissaq nutaaq, inuiaqatigiinnut peqqinnerusunut tapertaasussaq ilanngullugit.
Ammaanersiornermi oqalugiaammi Canadami Nunavummi Umingmak Centre pillugu oqaluttuaq immikkuullarippoq, taanna meeqqanut aamma ilaqutariinnut aarlerinartumik inissisimasunut illersuinermut periuusaavoq, umimmammit isumassarsiorfiusoq, tassa sanngiinnerit ungullugit ataatsimoorfigisaramikkit. Periuseq taanna kulturikkut tunngavilinnik periutsinik peqqinnerulernissamut suliniutit qanoq pitsaanerulersinneqarsinnaanerinut assersuutitut erseqqissarneqarpoq.
Naalakkersuisup Anna Wangenheimip aammattaaq Kalaallit Nunaanni napparsimmaveqarfik ilisimatusarfiusumik pilersitsinissamik takorluugaqarneq oqalugiarnermini oqaluuseraa, katsorsaavissamik, ilisimatusarfissamik aamma ilinniarfissamik, najukkami aallaaveqartumik aamma kulturikkut mianerinnittumik periuseqarfiusumik. Inuussutissarsiutigalugu napparsimasunik peqqissaanermik kandidatitut Ilisimatusarfimmi ilinniarfik, kalaallinit peqqissaasunit ineriartortinneqartoq nutaaq peqatigalugu, tamanna peqqinnissaqarfimmi sulisunik nammineq pilersuinermut aamma attassinermut alloriarneq pingaaruteqarpoq.
Paasissutissat sukumiinerusut:
Naalakkersuisup allattaa Nivé Lynge Biilmann, e-mail: nilb@nanoq.gl
Peqqissutsimut inunnullu Innarluutilinnut Naalakkersuisoqarfik. E-mail: pn@nanoq.gl, oqarasuaat +299 34 50 00.