AtuartigukTarnikkut atugarissaarnissaq pillugu suliniuteqarneq nuna tamakkerlugu sullissiviup nutaap pitsaanerulersissavaa
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Oktobarip aallaqqaataani Nuna Tamakkerlugu Tarnikkut Piginnaanngorsaavik Siunnersuisarfillu, Inulerivik ammassaaq innuttaasullu tarnimikkut atugarliuutillit assigiimmik siunnersorsinnaanissaannik katsorsarsinnaanissaannillu qulakkeerinnissalluni.
Nunami maani, pingaartumik inuusuttut akornanni, tarnikkut atugarliuuteqarneq ilungersunarlunilu siammaassimavoq. Angutini inuusuttuni 20-24-t akornannik ukiulinni arnanilu inuusuttuaqqani 15-19-it akornannik ukiulinni imminut toquttarnerit amerlassusaat suli annertuvoq. Nunap innuttaasuinit tarnikkut ajornartorsiutit imminullu toqunnissamik eqqarsaateqarnerit pillugit saaffiginnissutit amerlassusii qaffariangaatsiarsimasut, Tusaanngamit kisitsisit takutippaat.
Tamanna uteqattaartuartunngorsimavoq siunnersorneqarnissamut neqeroorummik pitsaasumik angujuminartumillu pisariaqartitsisoqarneranik naqissusiisoq, tamannalu Nuna Tamakkerlugu Tarnikkut Piginnaanngorsaaviup Siunnersuisarfiullu, Inuleriviup neqeroorutaatigaa.
”Ajornartorsiummik paasinniinnarsinnaanngitsugut kisitsisit ersarissumik takutitsipput. Alloriarneq tulleq massakkut tigussavarput kikkullu tamarmik ikiorneqarnissamik pisariaqartitsisut ikiornissaannik qulakkeerinnilluta. Ataqatigiissakkamik angujuminartumillu suliniuteqarnikkut pingaarutilimmik alloriassaagut. Ullumikkummi angusarput annertoqaaq. Innuttaasut kikkulluunniit, sumi najugaqarneq apeqqutaatinnagu, ikiorneqarnissaminnut neqeroorfigineqarsinnaalermata. Neriuppungalu periarfissaq tamanna atorluartarumaaraat”, taama oqarpoq Meeqqanut, Inuusuttunut Ilaqutariinnullu Naalakkersuisoq, Mads Pedersen.
Aggusti 2024-mi Naalakkersuisut nuna tamakkerlugu Tarnikkut Piginnaanngorsaavimmik Siunnersuisarfimmillu pilersitsinissaq pillugu sulissuteqarnissartik aallartinniarlugu aalajangerput. Tamatuminnga suliaqarnerup Inulerivik inernerivaa. Nuna tamakkerlugu suliniutit Inulerivimmi ataatsimoortinneqalerlutillu pitsaanerulersinneqassapput, taamaalilluni innuttaasut, ukioq sumilu najugaqarneq apeqqutaatinnagu, ikiorneqarnissamik ajornannginnerusumik anguneqarsinnaasumik periarfissaqalissapput eqqortumillu ikiorneqarnissaq pisariaqartileraangassuk aamma ikiorneqartassallutik.
Inulerivikerivik Nuummi, Ilulissani, Aasiaanni, Sisimiuni Qaqortumilu sumiiffinni immikkoortortaqalerluni pilersinneqassaaq. Inulerivimmi aammattaaq qarasaasiaq atorlugu siunnersuineq katsorsaanerlu neqeroorutigineqassaaq, taamaalilluni innuttaasut illoqarfiit taaneqartut avataanni najugallit sulianut ilisimasalinnik attaveqarsinnaallutillu ikiorneqarnissaq pisariaqartoq pisinnaalissavaat.
Inuleriviup nittartagaa uani takuneqarsinnaavoq.
Sukumiisumik paasisaqarusukkuit naalakkersuisup allattaa Eqaluk Høegh e-mailikkut eqho@nanoq.gl imaluunniit oqarasuaatikkut: +299 34 50 00 attavigiuk.
Nunami maani, pingaartumik inuusuttut akornanni, tarnikkut atugarliuuteqarneq ilungersunarlunilu siammaassimavoq. Angutini inuusuttuni 20-24-t akornannik ukiulinni arnanilu inuusuttuaqqani 15-19-it akornannik ukiulinni imminut toquttarnerit amerlassusaat suli annertuvoq. Nunap innuttaasuinit tarnikkut ajornartorsiutit imminullu toqunnissamik eqqarsaateqarnerit pillugit saaffiginnissutit amerlassusii qaffariangaatsiarsimasut, Tusaanngamit kisitsisit takutippaat.
Tamanna uteqattaartuartunngorsimavoq siunnersorneqarnissamut neqeroorummik pitsaasumik angujuminartumillu pisariaqartitsisoqarneranik naqissusiisoq, tamannalu Nuna Tamakkerlugu Tarnikkut Piginnaanngorsaaviup Siunnersuisarfiullu, Inuleriviup neqeroorutaatigaa.
”Ajornartorsiummik paasinniinnarsinnaanngitsugut kisitsisit ersarissumik takutitsipput. Alloriarneq tulleq massakkut tigussavarput kikkullu tamarmik ikiorneqarnissamik pisariaqartitsisut ikiornissaannik qulakkeerinnilluta. Ataqatigiissakkamik angujuminartumillu suliniuteqarnikkut pingaarutilimmik alloriassaagut. Ullumikkummi angusarput annertoqaaq. Innuttaasut kikkulluunniit, sumi najugaqarneq apeqqutaatinnagu, ikiorneqarnissaminnut neqeroorfigineqarsinnaalermata. Neriuppungalu periarfissaq tamanna atorluartarumaaraat”, taama oqarpoq Meeqqanut, Inuusuttunut Ilaqutariinnullu Naalakkersuisoq, Mads Pedersen.
Aggusti 2024-mi Naalakkersuisut nuna tamakkerlugu Tarnikkut Piginnaanngorsaavimmik Siunnersuisarfimmillu pilersitsinissaq pillugu sulissuteqarnissartik aallartinniarlugu aalajangerput. Tamatuminnga suliaqarnerup Inulerivik inernerivaa. Nuna tamakkerlugu suliniutit Inulerivimmi ataatsimoortinneqalerlutillu pitsaanerulersinneqassapput, taamaalilluni innuttaasut, ukioq sumilu najugaqarneq apeqqutaatinnagu, ikiorneqarnissamik ajornannginnerusumik anguneqarsinnaasumik periarfissaqalissapput eqqortumillu ikiorneqarnissaq pisariaqartileraangassuk aamma ikiorneqartassallutik.
Inulerivikerivik Nuummi, Ilulissani, Aasiaanni, Sisimiuni Qaqortumilu sumiiffinni immikkoortortaqalerluni pilersinneqassaaq. Inulerivimmi aammattaaq qarasaasiaq atorlugu siunnersuineq katsorsaanerlu neqeroorutigineqassaaq, taamaalilluni innuttaasut illoqarfiit taaneqartut avataanni najugallit sulianut ilisimasalinnik attaveqarsinnaallutillu ikiorneqarnissaq pisariaqartoq pisinnaalissavaat.
Inuleriviup nittartagaa uani takuneqarsinnaavoq.
Sukumiisumik paasisaqarusukkuit naalakkersuisup allattaa Eqaluk Høegh e-mailikkut eqho@nanoq.gl imaluunniit oqarasuaatikkut: +299 34 50 00 attavigiuk.