AtuartigukTuttunik umimmannillu pisanik nalunaaruteqarnissaq inatsisitigut piumasaqaataavoq
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Tuttut aamma umimmaat piniagaanerat illersugaanerallu pillugit nalunaarutit nutaat malillugit inuussutissarsiutigalugu piniartunut aamma sunngiffimmi pinialuttartunut ukiumi tulliuttumi akuersissutinik qinnuteqarsinnaanissamut pisanik nalunaaruteqarnissaq inatsisitigut piumasaqaataalernikuuvoq.
Tamanna isumaqarpoq inuussutissarsiutigalugu piniartut aamma sunngiffimmi pinialuttartut 2025-mi pisanik nalunaaruteqarsimasut kisimik 2026-mi akuersissutinik qinnuteqarsinnaassasut. Taamaammat tuttunik umimmannillu pisanik nalunaaruteqarnissaq pingaaruteqartorujussuuvoq.
Tuttunik umimmannillu pisanik nalunaaruteqarneq akuersissutit najoqqutaralugit qassinik pisaqarsimanermik, sumi pisaqarsimanermik, pisat utoqqaassusaannik, pisat suiaassusaannik kiisalu tunnoqassusaannik imaqassaaq. Paasissutissat pineqartut biologit aamma aqutsinermik suliaqartut ilaatigut uumasoqatigiit qanoq innerannik naliliinissamut atortarpaat.
Tuttunik umimmannillu pisanik nalunaaruteqarneq nittartakkakkut www.sullissivik.gl aqqutigalugu pisinnaavoq imaluunniit akuersissummik pisanik nalunaaruteqarnertalimmik kommunimut utertitsinikkut. Pisanik nalunaaruteqarnissamut periarfissat taamaalillutik marluupput. Pisaqarsimanngikkaanni susaarsimanertut nalunaarutigineqassaaq.
Tuttunik umimmannillu inuussutissarsiutigalugu piniarneq aamma sunngiffimmi pinialunneq 1. aggustimi 2025 aallartippoq, Piniarfik 1-imilu Naternami sunngiffimmi tuttunniarneq Septembarip 30-at 2025 ilanngullugu ingerlassaaq taamaalilluni siulliulluni naassaaq. Piffissaliussap piniarfiusup naareerneranit nittartakkakkut www.sullissivik.gl aqqutigalugu imaluunniit akuersissummik pisanik nalunaaruteqarnertalimmik kommunimut utertitsinikkut pisanik nalunaaruteqarnissamut ullut 14-it periarfissaapput.
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut uunga saaffiginnittoqarsinnaavoq: apn@nanoq.gl imaluunniit AC-Fuldmægtig Nuka Møller Lund, e-mail: numl@nanoq.gl
Tamanna isumaqarpoq inuussutissarsiutigalugu piniartut aamma sunngiffimmi pinialuttartut 2025-mi pisanik nalunaaruteqarsimasut kisimik 2026-mi akuersissutinik qinnuteqarsinnaassasut. Taamaammat tuttunik umimmannillu pisanik nalunaaruteqarnissaq pingaaruteqartorujussuuvoq.
Tuttunik umimmannillu pisanik nalunaaruteqarneq akuersissutit najoqqutaralugit qassinik pisaqarsimanermik, sumi pisaqarsimanermik, pisat utoqqaassusaannik, pisat suiaassusaannik kiisalu tunnoqassusaannik imaqassaaq. Paasissutissat pineqartut biologit aamma aqutsinermik suliaqartut ilaatigut uumasoqatigiit qanoq innerannik naliliinissamut atortarpaat.
Tuttunik umimmannillu pisanik nalunaaruteqarneq nittartakkakkut www.sullissivik.gl aqqutigalugu pisinnaavoq imaluunniit akuersissummik pisanik nalunaaruteqarnertalimmik kommunimut utertitsinikkut. Pisanik nalunaaruteqarnissamut periarfissat taamaalillutik marluupput. Pisaqarsimanngikkaanni susaarsimanertut nalunaarutigineqassaaq.
Tuttunik umimmannillu inuussutissarsiutigalugu piniarneq aamma sunngiffimmi pinialunneq 1. aggustimi 2025 aallartippoq, Piniarfik 1-imilu Naternami sunngiffimmi tuttunniarneq Septembarip 30-at 2025 ilanngullugu ingerlassaaq taamaalilluni siulliulluni naassaaq. Piffissaliussap piniarfiusup naareerneranit nittartakkakkut www.sullissivik.gl aqqutigalugu imaluunniit akuersissummik pisanik nalunaaruteqarnertalimmik kommunimut utertitsinikkut pisanik nalunaaruteqarnissamut ullut 14-it periarfissaapput.
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut uunga saaffiginnittoqarsinnaavoq: apn@nanoq.gl imaluunniit AC-Fuldmægtig Nuka Møller Lund, e-mail: numl@nanoq.gl