AtuartigukKommune Qeqertalimmi ammaannartumik ikuallaasarnissamut immikkut ittumik akuersissutaagallartoq
Nassiussisuuvoq: Avatangiisinut Pinngortitamullu Naalakkersuisoqarfik
Naalakkersuisut aalajangerput, Kommune Qeqertalik 31. decembari 2025-p tungaanut ammaannartumik ikuallaasarnissamut akuersissummik immikkut ittumik tuniniarlugu. Eqqakkanik ammaannartumik ikuallaasarnissamut immikkut ittumik akuersissutaagallartup atuuffii tassaassapput Qasigiannguit, Kangaatsiaq, Attu, Ikerasaarsuk, Iginniarfik, Niaqornaarsuk, Kitsissuarsuit, Ikamiut, Akunnaaq aamma Qeqertarsuaq.
Kommune Qeqertalik 1. aggusti 2025-mi eqqakkanik nakkutigisamik ammaannartumi ikuallaanissamut immikkut ittumik akuersissutaagallartumik tunineqarnissamut qinnuteqaammik nassiussivoq. Tamanna tunuliaqutigalugu Naalakkersuisut naliliipput, Kommune Qeqertalimmi eqqagassaqarnikkut killiffik nukinginnartoq iluarsiiffigineqarnissaannut pisariaqartoq. Tassalu Naalakkersuisut Kommune Qeqertalimmi 31. decembari 2025 tikillugu nakkutigisamik ammaannartumi ikuallaasarnissamut immikkut ittumik akuersissutaagallartumik akuersillutik nalunaaruteqarput.
Kommune Qeqertalimmi Qasigiannguani, Kangaatsiami, Attumi, Ikerasaarsummi, Iginniarfimmi, Niaqornaarsummi, Kitsissuarsunni, Ikamiuni, Akunnaami aamma Qeqertarsuarmi ammaannartumik ikuallaasarnissamut akuersissutaagallartoq immikkut ittoq nalunaarutigineqarpoq.
”Eqqagassalerinermi unammilligassanut aaqqiissutissat pitsaanerpaat attanneqarsinnaanerpaallu tamatta peqqinnitsinnut avatangiisitsinnullu iluaqutaasumik pilersinniarlugit, Naalakkersuisuniit kommunit qanillugit pilersitsiviusumillu oqaloqatigineqarput. Naalakkersuisuni isumaqarpugut, ammaannartumi ikuallaasarnerit sapinngisamik pinngitsoortinniarneqartassasut. Nuummi Sisimiunilu nuna tamakkerlugu ikuallaaviit, marluullutik maanna ingerlasut sananerisigut siumut eqqortumik alloriarpugut. Kisiannili najukkani suli eqqagassalerinerup unammillernartoqartinneqarnera paasisinnaavarput, taamaattumillu Naalakkersuisut nakkutigisamik ammaannartumik ikuallaasarnissamut immikkut ittumik akuersissuteqarallarsinnaanermut periarfissaqarput, tamannalu maanna Kommune Qeqertalimmut nalunaarutigineqarpoq. Naalakkersuisuniit eqqagassalerinermi aaqqiissutissanik piujuartitsiffiusinnaasunik siunissamullu ungasissumut atorneqarsinnaasunik nassaarniarluta, kommuninik siunnerfeqartumik suleqateqarnerput, taamaalillutalu ammaannartumi ikuallaasarnermik atuiunnaarnissarput ingerlatiinnassavarput”, Isumaginninnermut, Suliffeqarnermut, Nunamut Namminermut Avatangiisinullu Naalakkersuisoq Bentiaraq Ottosen oqarpoq.
Eqqagassalerineq eqqakkanillu piiaaneq kommunit akisussaaffigaat
Eqqagassalerineq kommunit suliassaraat. Eqqakkanik ikuallanneqarsinnaasunik ikuallaanermi ikuallaaviit avatangiisinut akuerisat atorneqassapput. Kisiannili Naalakkersuisut kommunalbestyrelsit qinnuteqarnerisigut 31. decembari 2025-p tungaanut eqqakkanik ikuallanneqarsinnaasunik ammaannartumi ikuallaasarnissamut immikkut ittumik akuersissuteqarallarsinnaapput.
Eqqagassalerinermi suliassaqarfik Naalakkersuisut aamma kommunit akornanni avitaavoq. Tassalu kommunit eqqakkanik passussinissamut piiaanissamullu pingaarnertut akisussaasuupput. Naalakkersuisut inatsisitigut pisariaqartunik tunngavissaqarnissamik qulakkeerinissaq, kiisalu kommunit qanittumik suleqatigalugit eqqagassalerinermi ineriartortitsinermut malinnaanissaq – peqataanissarlu - akisussaaffigaat.
Eqqagassalerinermut pilersaarut 2020-2031
Eqqagassalerinermut pilersaarut 2020-2031-mi ikuallaaviit nuna tamakkerlugu atuuttut nutaaliaasullu qanoq iliorlutik nuna tamakkerlugu eqqakkanik isumaginnissanersut allaaserineqarpoq.
Eqqagassalerinermut pilersaarut 2020-2031 atuaruk, uani .
Annertunerusumik paasisaqarusunnermi Naalakkersuisup allattaa Anders Samuelsen tlf.: 34 56 11/27 02 36-mut imaluunniit e-mail: pan@nanoq.gl aqqutigalugu attaveqarfigineqassaaq.
Kommune Qeqertalik 1. aggusti 2025-mi eqqakkanik nakkutigisamik ammaannartumi ikuallaanissamut immikkut ittumik akuersissutaagallartumik tunineqarnissamut qinnuteqaammik nassiussivoq. Tamanna tunuliaqutigalugu Naalakkersuisut naliliipput, Kommune Qeqertalimmi eqqagassaqarnikkut killiffik nukinginnartoq iluarsiiffigineqarnissaannut pisariaqartoq. Tassalu Naalakkersuisut Kommune Qeqertalimmi 31. decembari 2025 tikillugu nakkutigisamik ammaannartumi ikuallaasarnissamut immikkut ittumik akuersissutaagallartumik akuersillutik nalunaaruteqarput.
Kommune Qeqertalimmi Qasigiannguani, Kangaatsiami, Attumi, Ikerasaarsummi, Iginniarfimmi, Niaqornaarsummi, Kitsissuarsunni, Ikamiuni, Akunnaami aamma Qeqertarsuarmi ammaannartumik ikuallaasarnissamut akuersissutaagallartoq immikkut ittoq nalunaarutigineqarpoq.
”Eqqagassalerinermi unammilligassanut aaqqiissutissat pitsaanerpaat attanneqarsinnaanerpaallu tamatta peqqinnitsinnut avatangiisitsinnullu iluaqutaasumik pilersinniarlugit, Naalakkersuisuniit kommunit qanillugit pilersitsiviusumillu oqaloqatigineqarput. Naalakkersuisuni isumaqarpugut, ammaannartumi ikuallaasarnerit sapinngisamik pinngitsoortinniarneqartassasut. Nuummi Sisimiunilu nuna tamakkerlugu ikuallaaviit, marluullutik maanna ingerlasut sananerisigut siumut eqqortumik alloriarpugut. Kisiannili najukkani suli eqqagassalerinerup unammillernartoqartinneqarnera paasisinnaavarput, taamaattumillu Naalakkersuisut nakkutigisamik ammaannartumik ikuallaasarnissamut immikkut ittumik akuersissuteqarallarsinnaanermut periarfissaqarput, tamannalu maanna Kommune Qeqertalimmut nalunaarutigineqarpoq. Naalakkersuisuniit eqqagassalerinermi aaqqiissutissanik piujuartitsiffiusinnaasunik siunissamullu ungasissumut atorneqarsinnaasunik nassaarniarluta, kommuninik siunnerfeqartumik suleqateqarnerput, taamaalillutalu ammaannartumi ikuallaasarnermik atuiunnaarnissarput ingerlatiinnassavarput”, Isumaginninnermut, Suliffeqarnermut, Nunamut Namminermut Avatangiisinullu Naalakkersuisoq Bentiaraq Ottosen oqarpoq.
Eqqagassalerineq eqqakkanillu piiaaneq kommunit akisussaaffigaat
Eqqagassalerineq kommunit suliassaraat. Eqqakkanik ikuallanneqarsinnaasunik ikuallaanermi ikuallaaviit avatangiisinut akuerisat atorneqassapput. Kisiannili Naalakkersuisut kommunalbestyrelsit qinnuteqarnerisigut 31. decembari 2025-p tungaanut eqqakkanik ikuallanneqarsinnaasunik ammaannartumi ikuallaasarnissamut immikkut ittumik akuersissuteqarallarsinnaapput.
Eqqagassalerinermi suliassaqarfik Naalakkersuisut aamma kommunit akornanni avitaavoq. Tassalu kommunit eqqakkanik passussinissamut piiaanissamullu pingaarnertut akisussaasuupput. Naalakkersuisut inatsisitigut pisariaqartunik tunngavissaqarnissamik qulakkeerinissaq, kiisalu kommunit qanittumik suleqatigalugit eqqagassalerinermi ineriartortitsinermut malinnaanissaq – peqataanissarlu - akisussaaffigaat.
Eqqagassalerinermut pilersaarut 2020-2031
Eqqagassalerinermut pilersaarut 2020-2031-mi ikuallaaviit nuna tamakkerlugu atuuttut nutaaliaasullu qanoq iliorlutik nuna tamakkerlugu eqqakkanik isumaginnissanersut allaaserineqarpoq.
Eqqagassalerinermut pilersaarut 2020-2031 atuaruk, uani .
Annertunerusumik paasisaqarusunnermi Naalakkersuisup allattaa Anders Samuelsen tlf.: 34 56 11/27 02 36-mut imaluunniit e-mail: pan@nanoq.gl aqqutigalugu attaveqarfigineqassaaq.