AtuartigukTasiilami erngup nukinganik nukissiorfiup allissutissaa taamaatiinnarneqarallartoq
Nassiussisuuvoq: Inuutissarsiornermut, Nukissiutinut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Naalakkersuisut taamatut aalajangerput suliassamut aningaasartuutissat katillutik naatsorsuutigisamit qaffasinnerujussuummata aamma ullumikkut pisinnaasat Tasiilami pisariaqartitsineq killissinnaammassuk aamma pisariaqartitsineq annerulissagaluarpat
2023-mi Tasiilami erngup nukinganik nukissiorfiup allineqarnissaa aalajangiunneqarmat naatsorsuutigineqarsimavoq piffissap ingerlanerani pilersuinermi uuliamik pisisarneq sipaarutigineqalerumaartoq, illoqarfiup annersaata erngup nukinganik nukissiorfimmit pilersorneqarnissaa pisariaqartinneqarpat. Taamanikkut inuiaqatigiit aningaasaqarnerannik misissuinerup takutippaa suliassaq imminut akilersinnaassasoq. Pissutsilli allanngorsimapput. Suliassaq malunnaatilimmik akitsoriarsimaqaaq taamalu imminut akilersinnaajunnaarluni. Tamatuma saniatigut misissuinerup takutippaa maanna pilersuisinnaassutsip illoqarfiup pisariaqartitaa kiisalu illoqarfimmi suliassat annertunerulernissaat, soorlu inissiat amerlanerulerlupata aamma inuussutissarsiorneq suliffissaqartitsinerulerpat, killissinnaagai.
Inuussutissarsiornermut, Aatsitassanut, Nukissiutinut, Inatsisit Atuutsitsineqarnerannut Naligiissitaanermullu naalakkersuisoq Naaja. H. Nathanielsen oqarpoq: Ugguaraakka suliassamut aningaasartuutissat qaffasinneri akuersaarparali maanna suliassaq ingerlaqqissinnaanngimmat – pingaartumik aningaasaqarniarnikkut unamminartorsiornerujussuup atuuttup nalaani. Suliassaq ingerlatiinnaraluarutsigu tamatuma kinguneranik akinik qaffaaneq innuttaasunut tuttussaq pissagaluarpoq, tamannalu maanna innaallagissamik pisariaqartitsineq pisariaqartitsinerulernissarlu eqqarsaatigalugit illersorneqarsinnaanngilaq. Naalakkersuisut ineriartorneq malinnaaffigissavaat ataavartumillu naliliiffigisassallugu nukissamik pisariaqartitsinerulerneq ineriartortitsinissaagaluamik pakkersimaartitsinersoq. Pisariaqassappat dieselimik atuineq piaartumik qaffassinnaassavarput.”
Naaja. H. Nathanielsenip maluginiarpaa Tasiilami innaallagissamik pilersuinermut allissutissaq pisariaqanngitsoq, maanna innaallagissamik pilersuineq Tasiilami pisariaqartinneqartumut naapertuummat, maanna siunissamilu.
Naalakkersuisut tapersersorpaat inuiaqatigiit kalaallit piujuaannartitsinissamik tunngaveqarlutik ingerlanissaannik kissaateqarneq, aningaasaqarniarnerli maannakkutut itsillugu suliassat silaannaap pissusaanut naapertuunnerpaasut aningaasaliiffigineqarnissaat pingaartinneqarpoq.
Siunissami Tasiilami nukissiutitigut pisariaqartitsineq qaffariassagaluarpat oqaluuserisaq uterfigeqqinneqarumaartoq Naalakkersuisut nalunaarutigaat.
Paasissutissat sukumiinerusut pillugit paasissutissiisartoq Bibi Nathansen attavigineqarsinnaavoq mailianut: bina@nanoq.gl -mut allaffigalugu imaluunniit 342871-imut sianerfigalugu.
2023-mi Tasiilami erngup nukinganik nukissiorfiup allineqarnissaa aalajangiunneqarmat naatsorsuutigineqarsimavoq piffissap ingerlanerani pilersuinermi uuliamik pisisarneq sipaarutigineqalerumaartoq, illoqarfiup annersaata erngup nukinganik nukissiorfimmit pilersorneqarnissaa pisariaqartinneqarpat. Taamanikkut inuiaqatigiit aningaasaqarnerannik misissuinerup takutippaa suliassaq imminut akilersinnaassasoq. Pissutsilli allanngorsimapput. Suliassaq malunnaatilimmik akitsoriarsimaqaaq taamalu imminut akilersinnaajunnaarluni. Tamatuma saniatigut misissuinerup takutippaa maanna pilersuisinnaassutsip illoqarfiup pisariaqartitaa kiisalu illoqarfimmi suliassat annertunerulernissaat, soorlu inissiat amerlanerulerlupata aamma inuussutissarsiorneq suliffissaqartitsinerulerpat, killissinnaagai.
Inuussutissarsiornermut, Aatsitassanut, Nukissiutinut, Inatsisit Atuutsitsineqarnerannut Naligiissitaanermullu naalakkersuisoq Naaja. H. Nathanielsen oqarpoq: Ugguaraakka suliassamut aningaasartuutissat qaffasinneri akuersaarparali maanna suliassaq ingerlaqqissinnaanngimmat – pingaartumik aningaasaqarniarnikkut unamminartorsiornerujussuup atuuttup nalaani. Suliassaq ingerlatiinnaraluarutsigu tamatuma kinguneranik akinik qaffaaneq innuttaasunut tuttussaq pissagaluarpoq, tamannalu maanna innaallagissamik pisariaqartitsineq pisariaqartitsinerulernissarlu eqqarsaatigalugit illersorneqarsinnaanngilaq. Naalakkersuisut ineriartorneq malinnaaffigissavaat ataavartumillu naliliiffigisassallugu nukissamik pisariaqartitsinerulerneq ineriartortitsinissaagaluamik pakkersimaartitsinersoq. Pisariaqassappat dieselimik atuineq piaartumik qaffassinnaassavarput.”
Naaja. H. Nathanielsenip maluginiarpaa Tasiilami innaallagissamik pilersuinermut allissutissaq pisariaqanngitsoq, maanna innaallagissamik pilersuineq Tasiilami pisariaqartinneqartumut naapertuummat, maanna siunissamilu.
Naalakkersuisut tapersersorpaat inuiaqatigiit kalaallit piujuaannartitsinissamik tunngaveqarlutik ingerlanissaannik kissaateqarneq, aningaasaqarniarnerli maannakkutut itsillugu suliassat silaannaap pissusaanut naapertuunnerpaasut aningaasaliiffigineqarnissaat pingaartinneqarpoq.
Siunissami Tasiilami nukissiutitigut pisariaqartitsineq qaffariassagaluarpat oqaluuserisaq uterfigeqqinneqarumaartoq Naalakkersuisut nalunaarutigaat.
Paasissutissat sukumiinerusut pillugit paasissutissiisartoq Bibi Nathansen attavigineqarsinnaavoq mailianut: bina@nanoq.gl -mut allaffigalugu imaluunniit 342871-imut sianerfigalugu.