AtuartigukQeqertarsuup Tunuani paggatassiissutinik qaleralinniarnermi akuersissuteqartarnerit unitsikkallarnerat
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Aalisarneq qulakkeerniarlugu aamma umiatsiaararsorlutik paggatassiissutinik aalisartooreersut isertitassatut tunngaviat illersorniarlugu Naalakkersuisut aalajangerput Qeqertarsuup Tunuani (aqutsiveqarfik 47) piffissami oktobarip aallaqqaataat 2025-imiit januaarip aallaqqaataat 2027 tungaanut qaleralinniarnissamut akuersissutinik nutaanik tunniussisarneq piffissami unitsinneqarallassasoq.
Aalajangerneq Ilulissani aalisartut peqatigiiffiata piumasaqarneratigut aalisarnermut kattuffinnit tapersersorneqarpoq, Qeqertarsuup Tunuani aalisartooreersut inuussutissarsiornermut tunngaviannik illersuinissaq siunertaralugu.
Qeqertarsuup Tunuani umiatsiaararsortunut nutaanut 1. januar 2025-p kingorna akuersissutit 31-t tunniunneqarsimasut nalunaarsorneqarsimapput. Amerliartorneq aalisarnermut kattuffinniit sumiiffimmilu aalisartunit ernummatigineqarsimavoq. Siunnersuut Aalisarneq pillugu Siunnersuisoqatigiinni tusarniutigineqarnikuuvoq.
Inatsisitigut tunngaviusoq nalilersuinerlu
Aalisarsinnaanermut akuersissutit tunniunneqartarnerisa unitsikkallarneqarsinnaanerat tunngaveqarpoq Aalisarsinnaanermut akuersissutit pisassiissutillu pillugit Namminersorlutik Oqartussat nalunaarutaanni nr. 10, 4. februar 2025-imeersumi § 18, imm. 4-mi, Naalakkersuisut akuersissutinik nutaanik tunniussisarneq unitsissinnaavaat, aalisarnermi pineqartumi pisuussutit aalisarsinnaassutsillu akornanni pissutsit tamanna pissutissaqartippassuk.
Piffissaq unitsitsigallarfiusoq naatinnagu nalilersueqqissaartoqassaaq unitsitsigallarneq atorunnaarsinneqassanersoq, sivitsorneqassanersoq naleqqussaaffigineqassanersorluunniit.
Aalajangiineq Qeqertarsuup tunuani aqutsiveqarfimmi najugalinnut atuuppoq, ukununnga postnormulinnut 3950, 3951, 3952 aamma 3953.
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl
Aalajangerneq Ilulissani aalisartut peqatigiiffiata piumasaqarneratigut aalisarnermut kattuffinnit tapersersorneqarpoq, Qeqertarsuup Tunuani aalisartooreersut inuussutissarsiornermut tunngaviannik illersuinissaq siunertaralugu.
Qeqertarsuup Tunuani umiatsiaararsortunut nutaanut 1. januar 2025-p kingorna akuersissutit 31-t tunniunneqarsimasut nalunaarsorneqarsimapput. Amerliartorneq aalisarnermut kattuffinniit sumiiffimmilu aalisartunit ernummatigineqarsimavoq. Siunnersuut Aalisarneq pillugu Siunnersuisoqatigiinni tusarniutigineqarnikuuvoq.
Inatsisitigut tunngaviusoq nalilersuinerlu
Aalisarsinnaanermut akuersissutit tunniunneqartarnerisa unitsikkallarneqarsinnaanerat tunngaveqarpoq Aalisarsinnaanermut akuersissutit pisassiissutillu pillugit Namminersorlutik Oqartussat nalunaarutaanni nr. 10, 4. februar 2025-imeersumi § 18, imm. 4-mi, Naalakkersuisut akuersissutinik nutaanik tunniussisarneq unitsissinnaavaat, aalisarnermi pineqartumi pisuussutit aalisarsinnaassutsillu akornanni pissutsit tamanna pissutissaqartippassuk.
Piffissaq unitsitsigallarfiusoq naatinnagu nalilersueqqissaartoqassaaq unitsitsigallarneq atorunnaarsinneqassanersoq, sivitsorneqassanersoq naleqqussaaffigineqassanersorluunniit.
Aalajangiineq Qeqertarsuup tunuani aqutsiveqarfimmi najugalinnut atuuppoq, ukununnga postnormulinnut 3950, 3951, 3952 aamma 3953.
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl