AtuartigukEuropaparlamentip Aalisarnermut Komitea tikeraarpoq
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Europaparlamentip Aalisarnermut Komitea Kalaallit Nunaanni paasisassarsiorluni angalaarpoq, tassungalu atatillugu Aalisarnermut, Piniarnermut, Nunalerinermut Imminullu Pilersornermut Naalakkersuisoq Peter Borg ulloq 16. septembari 2025 naapippaat.
Ataatsimiinnermi sammisat tassaapput nungusaataanngitsumik Aalisarneq pillugu peqatigiinneq pillugu isumaqatigiissut aamma Aalisarneq pillugu isumaqatigiissummut tapiliussap 2025-2030-p nutaap atuutilersinneqarnera, ammali aalisarnermi suleqatigiinneq ataatsimut isigalugu. Aalisarnermut, Piniarnermut, Nunalerinermut Imminullu Pilersornermut Naalakkersuisoq aalisarnermi aningaasaqarneq, inuit atugarisaat aammalu suliffeqarnerup, Kalaallit Nunaanni inuiaqatigiinnut pingaaruteqassusia aammalu Aalisarnermut Inatsisip atuutilersinneqarnera pillugu ilisimatitsivoq.
Peter Borgip Aalisarnermi peqatigiinneq pillugu isumaqatigiissutip Kalaallit Nunaata EU-llu suleqatigiinnerannut piffissap ingerlanerani pingaaruteqassusia erseqqissarpaa, EU-llu Kalaallit Nunaannut piffissap ingerlanerani piffissamilu kingullermi tapersiisarnera qujassutigalugu. Aammali erseqqissarpaa ”Aalisarnermi EU-mut suleqatigiinnerup ingerlaannarnissaa Kalaallit Nunaata kissaatigaa, kisianni aalisarnerup Kalaallit Nunaanni aningaasaqarnermut suliffissaqartitsinermullu annertuumik pingaaruteqarnera eqqarsaatigalugu Kalaallit Nunaanni aalisarnermik inuussutissarsiutip ineriartornera siuariartorneralu tunngavigalugit pissutsinik ingerlaavartumik naleqqussaasarnissarput pingaaruteqarpoq. Anguniagaq tassaavoq sapinngisamik aalisagartassat amerlanerpaat nunatsinnit nammineq aalisarneqartarnissaat.
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl
Ataatsimiinnermi sammisat tassaapput nungusaataanngitsumik Aalisarneq pillugu peqatigiinneq pillugu isumaqatigiissut aamma Aalisarneq pillugu isumaqatigiissummut tapiliussap 2025-2030-p nutaap atuutilersinneqarnera, ammali aalisarnermi suleqatigiinneq ataatsimut isigalugu. Aalisarnermut, Piniarnermut, Nunalerinermut Imminullu Pilersornermut Naalakkersuisoq aalisarnermi aningaasaqarneq, inuit atugarisaat aammalu suliffeqarnerup, Kalaallit Nunaanni inuiaqatigiinnut pingaaruteqassusia aammalu Aalisarnermut Inatsisip atuutilersinneqarnera pillugu ilisimatitsivoq.
Peter Borgip Aalisarnermi peqatigiinneq pillugu isumaqatigiissutip Kalaallit Nunaata EU-llu suleqatigiinnerannut piffissap ingerlanerani pingaaruteqassusia erseqqissarpaa, EU-llu Kalaallit Nunaannut piffissap ingerlanerani piffissamilu kingullermi tapersiisarnera qujassutigalugu. Aammali erseqqissarpaa ”Aalisarnermi EU-mut suleqatigiinnerup ingerlaannarnissaa Kalaallit Nunaata kissaatigaa, kisianni aalisarnerup Kalaallit Nunaanni aningaasaqarnermut suliffissaqartitsinermullu annertuumik pingaaruteqarnera eqqarsaatigalugu Kalaallit Nunaanni aalisarnermik inuussutissarsiutip ineriartornera siuariartorneralu tunngavigalugit pissutsinik ingerlaavartumik naleqqussaasarnissarput pingaaruteqarpoq. Anguniagaq tassaavoq sapinngisamik aalisagartassat amerlanerpaat nunatsinnit nammineq aalisarneqartarnissaat.
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl