AtuartigukFrankrigip Nunanut allanut ministeriat Kalaallit Nunaannut pisortatigoortumik tikeraarpoq
Nassiussisuuvoq: Nunanut Allanut Ilisimatusarnermullu Naalakkersuisoqarfik
Frankrigip Nunanut alllanut ministeriat Jean-Noël Barrot augustip 30-31, 2025 Kalaallit Nunaannut tikeraassaaq.
Nunanut Allanut Ilisimatusarnermullu Naalakkersuisup Vivian Motzfeldtip sapaatip akunnerata naanerani Frankrigip Nunanut Allanut ministeria Nuummi tikeraartoraa.
Franskit nunanut allanut ministeriata angalaqataasalu tikeraarnerminnut atatillugu Nunanut Allanut Ilisimatusarnermullu Naalakkersuisup Vivian Motzfeldt Naalakkersuisullu Siulittaasuat Jens-Frederik Nielsen ataatsimeeqatigissavaat.
Vivian Motzfeldtip upernaaq majimi Frankrigimi Jean-Noël Barrotimik ataatsimeeqateqarnerata malitsigisaanik franskit naalakkersuisuisa sinniissaannik tikeraartoqarpoq. Naapinnermi tassani Barrot Kalaallit Nunaannut tikeraarsarneqarpoq.
Franskit angalaqatigiivinik naapitsinissami Kalaallit Nunaata Frankrigillu illugiillutik attaveqaqatigiinnerisa ineriartortinnissaat nukittorsarnissaallu siunertaavoq.
Annertunerusumik paasissutissanik pissarserusukkussi attavigissavarsi Lærke Schmidt Fallesen tlf. +299567051 imaluunnit e-mail lasf@nanoq.gl