Atuartiguk2026-mi misileraalluni aalisarnissamut siunnersuummik nassiussigit
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Naalakkersuisut 2026-mi misileraalluni aalisarnissaq pillugu qanittukkut aalajangertussaavaat.
Tamatumunnga atatillugu Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik misileraalluni aalisarnissamut siunnersuummik nassiusseqqusilluni qinnuiginnippoq. Naalakkersuisut pingaartippaat nunatta imartaani aalisagaqatigiinnik misileraalluni aalisarneq tamaviaarunneqassasoq. Taannaavorlu timitalerlugu piviusunngortinniarneqartoq.
Inuussutissarsiutigalugu aalisartuuguit nunattalu imartaani nutaanik aalisarfigineqarsinnaasunik periarfissarsiuilluni misissuerusuttoq, misileraalluni aalisarnissamut kissaateqartoq, taava taamaappat siunnersuutit Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut nassiutissavat. Qinnuigissavatsigit immersugassaq piffissaliussaq naapertorlugu APN@-nanoq.gl-imut nassiutissagakku. Siunnersuutitut nassiussimasat Naalakkersuisoqarfimmi nalilersorneqarluni suliarineqassaaq.
Misileraalluni aalisarneq tassaavoq aalisarfiusinnaasunik nutaanik misissuinissamut periarfissiisoq, aalisakkanik nutaanik aalisarneqanngitsunik imaluunniit aalisarfioreersuni aalisaatit nutaat atorlugit periarfissiilluni. (Tamanna Sullissivimmi uani atuarneqarsinnaavoq: Misileraalluni aalisarnissamut qinnuteqaat (sullissivik.gl)
Erseqqissaassutigineqassaaq misileraalluni aalisarnissat Naalakkersuisunit pilersinneqartut tunngaviatigut pisortatigoortumik qinnutigineqarsinnaammata.
Erseqqissarneqassaaq siunnersuummik nassitsineq imaanngimmat misileraalluni aalisarnissamut qinnuteqaat. Siunnersuutigineqartoq 2026-mi misileraalluni aalisarnissamut ilanngunneqarpat, misileraalluni aalisarneqartussanut ilanngunneqarnera tusagassiuutinut ukiup nutaap aallartissimalernerani nalunaarutigineqartumut ilanngunneqassaaq. Tamannalu piffissaavoq qinnuteqarnissamut periarfissaq.
Misileraalluni aalisarnissamut siunnersuutit nassiunnissaat kingusinnerpaamik 22/09/2025-mi pissaaq.
Attavigineqarsinnaavoq Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik. E-mail: apn@nanoq.gl