Atuartiguk"ATAATSIMOORTUMIK NALUNAARUT" Kalaallit Nunaata Nunavullu aalisarnermut ataatsimiititaliaanni ataatsimeeqqaarneq
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Nuuk, Kalaallit Nunaata Nunavullu aalisarnermut ataatsimiititaliaat ataatsimeeqqaarnissaanut Kalaallit Nunaanni Namminersorlutik Oqartussat, Nunavummi Naalakkersuisut, Nunavut Tunngavik Incorporated aamma Qikiqtani Inuit Association Nuummi aggustip aappaanni 2025-mi katersuupput. Issittumi aalisarnerup tungaatigut suleqatigiinnissami oqaluttuarisaanikkut malunnaatilimmik angusaqarlutik.
Issittumi suleqatigiinneq nukittorsarlugu
Ataatsimiititaliaq Kalaallit Nunaanni Nunavummilu aalisarnermi susassaqartut ingerlaavartumik suleqatigiinnissaannut tunngavissanik pilersitsivoq. Ingerlatseqatigiinnit sisamaasunit sinniisut aalisarnermi aalisarnermullu attuumassuteqartuni tamaviaarutassat periarfissallu pillugit itisilerlugit aalisartoqarfimminni pissutsit pillugit sukumiisumik avitseqatigiipput.
Angusat pingaarnerit
Ataatsimiititaliami suliassat allaaserinerat akuersissutigineqarput: Ataatsimiititaliap suliassat allaaserineqarnerat naammassillugillu akuerai, taakkulu siunissami suleqatigiinnermut aalajangiisarnernullu tunngaviussallutik.
Suleqatigiissutigineqartussat suussuserneqarput: Peqataasut tulleriiaarinermik tunngavilimmik suleqatigiissutigineqarsinnaasut arlallit suussusersivaat, ilisimasanik avitseqatigiinneq, ilisimatusarneq nakkutilliinerlu, nutaaliornikkullu niueqatigiissutissanik periarfissarsiornissat. Aalisarneq pillugu ataatsimiititaliap aammattaaq aalisarnermi aqutsinermi atorfilittanik avitseqatigiinnissamut pilersaarusiorniarput.
Piujuartitsinermik tunngavilimmik aalisarnermut pisussaaffik
Illuatungeriit tamarmik uppernarsaqqippaat piujuartitsineq tunngavigalugu aalisarnikkut aqutsinissaq pisussaaffiliisoq, nunat inoqqaavisa piginnaatitaaffii, nunaqavissut ilisimasaat avatangiisinillu aqutsinermut tunngasunik. Piujuartitsineq tunngavigalugu issittup imartaani oqimaaqatigiissumik aningaasaqarnikkut periarfissat pingaaruteqarnerat ataatsimiititaliamit naqissuserneqarpoq.
Suliat ingerlateqqinnissai
Ingerlaavartumik suleqatigiinnissamut nalunaarusiortarnissamut piffissaliinermullu malittarisassanik erseqqissunik ataatsimiititaliaq pilersitsivoq.
Taamatut ataatsimeeqqaarneq Issittumi suleqatigiinnermi alloriarneruvoq pingaarutilik, Kalaallit Nunaanni Nunavummilu Issittumi avatangiisit allanngorarfiusut aalisarnermi ilungersuussagut periarfissavullu pillugit immikkut ilisimasallit ataatsimoorlutik aqutsivigeqatigiiffigisassaat.
Attavigineqarsinnaapput:
Tanessa Boutin
Manager of Communications
Department of Community Services
Government of Nunavut
cs@gov.nu.ca
Katrine Kærgaard
Immikkoortortaqarfimmi pisortaq
Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Namminersorlutik Oqartussat
apn@nanoq.gl
Ivaluarjuk Merritt
Director of Communications
Nunavut Tunngavik Inc.
media@tunngavik.com
Karen Flaherty
Director, Strategic Communications
Qikiqtani Inuit Association
kflaherty@qia.ca
(867) 975 - 8398