AtuartigukNaalakkersuisut Lars Nielsen Nunalerineq pillugu Siunnersuisooqatigiinnut siulittaasussatut toqqarpaat.
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Naalakkersuisut Inatsisartunut qinersinerup kingorna Nunalerineq pillugu Siunnersuisooqatigiit nutaat pilersippaat siunnersuisooqatigiillu kattuffinnit assigiinngitsuniit nunalerinermik inuussutissarsiuutinik soqutigisartunit assigiinngitsunit ilaasortaqarput. Nunalerineq pillugu Siunnersuisooqatigiit nutaat ima isikkoqarput:
| Lars Nielsen Suulut Hansen Siiku Bjerge Stine Egede Malik Frederiksen Henrik Frederiksen Ole Vestergaard Katrine Raundrup Tina Werner Bennedsgaard |
Siulittaasoq Savaatilliit Pegatigiit Suleqatigiissut Savaatilliit Pegatigiit Suleqatigiissut Kommune Kujalleq Kommune Kujalleq Nunalerinermi Siunnersorteqarfik Neqi A/S Pinngortitaleriffik Kalaallit Nunaanni Uumasunut Nakorsaqarfik Inuussutissalerinermullu Oqartussaqarfik |
Nunalerinermut Siunnersuisooqatigiinni siulittaasup nutaap, Lars Nielsenip, siornatigut savaatiliusimavoq ukiorpassuarnilu savaateqarfik Kangerluarsorujuk ingerlassimallugulu inerisarsimavaa. Suliaq Larsip ernerata Kunuk Nielsenip 2024-mi tiguaa. Naalakkersuisut Lars Nielsen siulittaasutut toqqarpaat, Larsip nunalerinermit inuussutissarsiornermut suli sullisserusummat ulluinnarnilu ingerlatsinermik ilisimasaqarluarmat kalaallillu nunalerinermik suli ineriartortitsinerannut tunniussassaqarluarluni.
” Nunalerineq pillugu Siunnersuisooqatigiinni sulilernissara qilanaaraara inuussutissarsiummillu pitsaasumik ineriartortinnissaanut suleqataaniarlunga. Pitsaasumik ineriartorfiusumillu suleqatigiittoqarnissaa neriuutigaara – siunnersuisooqatigiit iluini aamma Naalakkersuisunik suleqateqarneq eqqarsaatigalugu,” Lars Nielsen toqqagaanermini taama oqaaseqarpoq.
Naalakkersuisut Nunalerineq pillugu Siunnersuisooqatigiit Nunalerineq pillugu periusissiap 2021-2030-p atuutsilernissaanut aamma nunalerinermik inuussutissarsiornerup ineriartornera ataatsimut aamma isigalugu pingaaruteqartutut isigaat. Nunalerineq pillugu Siunnersuisooqatigiit Naalakkersuisunut siunnersuisartuupput, namminneq suliniuteqarnermikkut imaluunniit Naalakkersuisunit peqquneqarnermikkut apeqqutinik inassuteqaatinilluunniit suliaqarsinnaasarlutik.
Nunalerineq pillugu Siunnersuisooqatigiinni nutaamik siulittaasumik Lars Nielsenimik toqqaanerup malitsigisaanik inuussutissarsiorfimmi tassani najukkami ilisimasaqarluartumik siulittaasoqalersitsisoqassaaq, inuussutissarsiortunik ataatsimoortitsisinnaasumik toqqaannartumillu attaveqarnissamik qulakkeerinnittoqarmat.
Attavissaq
Paasissutissanik allanik pisariaqartitsiguit uunga attaveqarit apn@nanoq.gl.