AtuartigukNuummi Niuernermik Ilinniarfik nutaamik forstanderertaarpoq
Nassiussisuuvoq: Ilinniartitaanermut, Kulturemut, Timersornermut Ilageeqarnermullu Naalakkersuisoqarfik
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup matumuuna nalunaarutigissavaa Kista Isaksen Niuernermik Ilinniarfik (NI) Nuummi nutaatut forstanderinngortinneqarluni ulloq 1. september 2025-mi atorfinitsinneqarmat.
Kista Isaksen Meeqqanut Inuusuttunullu Naalakkersuisoqarfimmi immikkoortortaqarfimmi pisortatut massakkut atorfimmeersuuvoq, taamaattorli Inuussutissarsiutinik ilinniartitaanermik misilittagaqarluartuuvoq, tassami TNI-mi pisortatut, allaffissornermi pisortatut, ilinniartitaanermut pisortatut aamma Niuernermi Ilinniarfimmi forstanderiugallartutut ukiut ingerlanerini sulisarnikuugami.
Taakkua saniatigut Kista Isaksen allaffissornermik sulialittut misilittagartuujuvoq, kommunini namminersortunilu sulisarnikuugami aamma Naalakkersuisoqarfiup forstanderimik nutaamik suleqateqarnissi qilanaarivaa.
Inussiarnersumik inuulluaqqusillunga
Med venlig hilsen
Nuka Kleemann, Naalakkersuisoqarfimmi pisortaq
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik