AtuartigukKalaallit Nunaat Naalagaaffiit Peqatigiit Nunaviup toqqavia pillugu Ataatsimiititaliarsuani kunngeqarfiup aallartitaani siulittaasuutitaqassaaq
Nassiussisuuvoq: Nunanut Allanut Ilisimatusarnermullu Naalakkersuisoqarfik
Kalaallit Nunaata, Danmarkip Savalimmiullu nunavissuup toqqavianut suliniummik taaneqartoq 2002-mili suleqatigiissutigilerpaat tassuunakkut nunap toqqaviata (immap naqqani) 200 sømilip avataaniittup sumut atanera uppernarsaatissaqartinniarlugu naggataatigullu kunngeqarfiup annertussusaata aalajangersarneqarnissaanut atugassatut.
Kunngeqarfik Savalimmiut eqqaani nunaviit toqqaviinut tunngatillugu marlunnik Kalaallit Nunaata eqqaanut tunngatillugu pingasunik piumasaqaateqarpoq. Apeqqutit Kalaallit Nunaata kujataani immap naqqanut tunngasut ukiut 13-it utaqqereerlugit FN-ip nunap toqqavii pillugit ataatsimiititaliaani (tuluttut ”The Commission on the Limits of the Continental Shelf-imi (CLCS)” suliarineqartussanngorput. Ataatsimiinneq siulleq 31. juli ingerlanneqassaaq.
Kunngeqarfiup aallartitai GEUS-imit Nunanut Allanut Ministeeriaqarfimmittaaq peqataaffigineqartussat Nunanut Allanut Ilisimatusarnermullu Naalakkersuisoqarfimmeersumit siulersorneqassapput.
Annertunerusumik paasitinneqarnissamik kissaateqartoqarpat uunga saaffiginnittoqarsinnaavoq:
Mininnguaq Kleist
Tlf: +299 34 51 48
Email: mikl@nanoq.gl
Nanna Nivi Pedersen
Tlf: +299 34 54 14
Email: nanp@nanoq.gl
Nunanut Allanut, Ilisimatusarnermullu Naalakkersuisoqarfik.