AtuartigukKalaallit Nunaanni ullut erfalasulisaarfissat pillugit nalunaarut nutaaq atuutilissaaq
Nassiussisuuvoq: Naalakkersuisut Siulittaasuata Naalakkersuisoqarfia
Kalaallit Nunaanni ullut erfalasulisaarfissat pillugit nalunaarut nutartigaq 1. august 2025-mi atuutsilissaaq.
Pisortat illuutaanni suliffiutaannilu ullut erfalasulertarfissat nalunaarummi aalajangersarneqarput.
Nalunaarummi pisortatigoortumik ullut erfalasulertarfissat nalunaarsorneqarput erfalasullu qiteqquttarnissaanut maleruagassiortoqarluni. Allannguinikkut nuna tamakkerlugu erfalasulertarnermi periutsit ersarissarneqarlutillu assigiissaarneqarnissaat siunertaavoq.
Nalunaarut tamakkerlugu uani atuarneqarsinnaavoq
Sukumiisumik paasisaqarusukkuit Maja S. Bourup e-mailikkut masbr@nanoq.gl imaluunniit oqarasuaatikkut: +299 34 67 98 attavigiuk.