AtuartigukTuttunut umimmannullu nalunaarutit nutaat marluk Naalakkersuisunit akuerineqarput
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Tuttut piniagaanerat illersugaanerallu pillugit Namminersorlutik Oqartussat nalunaarutaat aamma Umimmaat piniagaanerat illersugaanerallu pillugit Namminersorlutik Oqartussat nalunaarutaat Naalakkersuisunit akuerineqarput ullorlu 27. juuli taamatullu 1. aggusti atulertussaallutik. Taamaalillutik nalunaarutit 2013-imeersut maannamut atuussimasut atorunnaassapput.
Nalunaarutit nutartikkat taakku marluk, tuttunik aamma umimmannik piniarnermut illersuinermullu inatsisitigut sinaakkutaasut, imminnut assigiissuseqarput. Allannguutit pingaarnerit tassaapput maanna pisassiissutit atunngitsuukkat ukiumut tullermut nuunneqarsinnaanngornerat kiisalu www.sullissivik.gl aqqutigalugu tuttuttanik umimmattanillu pisanik nalunaartoqarsinnaanngornera.
Pingaarnertut aamma maluginiaqquneqarpoq tuttuttanik umimmattanillu nalunaartarnissaq piumasaqaataammat, tamannalu www.sullissivik.gl aqqutigalugu digitaalikkut pisanik nalunaarnikkut imaluunniit kommunini kiffartuussivinnut akuersissutip immersukkap utertinneratigut pisanik nalunaarnikkut pisinnaavoq. Ukioq manna 2025-mi pisanik nalunaarsimanngikkaanni 2026-mi tuttunik umimmannilluunniit pisaqarsinnaanermut akuersissummik pissarsisoqarsinnaassanngilaq.
Akiliisitsilluni piniartitsinermut tunngatillugu inuussutissarsiutigalugu aamma sunngiffimmi piniarnissamut piffissanik aalajangersaasinnaanermut sinaakkutit iluanni taamaallaat akiliisitsilluni piniartitsinermut piffissanik aalajangersaasoqarsinnaalerpoq.
Nalunaarutit nutaat marluk saqqummiussineqarnerat linkimi uani nassaarisinnaavat:
https://nalunaarutit.gl/announcements?sc_lang=kl-GL
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut uunga saaffiginnittoqarsinnaavoq: apn@nanoq.gl imaluunniit AC-Fuldmægtig Nuka Møller Lund, e-mail: numl@nanoq.gl
Nalunaarutit nutartikkat taakku marluk, tuttunik aamma umimmannik piniarnermut illersuinermullu inatsisitigut sinaakkutaasut, imminnut assigiissuseqarput. Allannguutit pingaarnerit tassaapput maanna pisassiissutit atunngitsuukkat ukiumut tullermut nuunneqarsinnaanngornerat kiisalu www.sullissivik.gl aqqutigalugu tuttuttanik umimmattanillu pisanik nalunaartoqarsinnaanngornera.
Pingaarnertut aamma maluginiaqquneqarpoq tuttuttanik umimmattanillu nalunaartarnissaq piumasaqaataammat, tamannalu www.sullissivik.gl aqqutigalugu digitaalikkut pisanik nalunaarnikkut imaluunniit kommunini kiffartuussivinnut akuersissutip immersukkap utertinneratigut pisanik nalunaarnikkut pisinnaavoq. Ukioq manna 2025-mi pisanik nalunaarsimanngikkaanni 2026-mi tuttunik umimmannilluunniit pisaqarsinnaanermut akuersissummik pissarsisoqarsinnaassanngilaq.
Akiliisitsilluni piniartitsinermut tunngatillugu inuussutissarsiutigalugu aamma sunngiffimmi piniarnissamut piffissanik aalajangersaasinnaanermut sinaakkutit iluanni taamaallaat akiliisitsilluni piniartitsinermut piffissanik aalajangersaasoqarsinnaalerpoq.
Nalunaarutit nutaat marluk saqqummiussineqarnerat linkimi uani nassaarisinnaavat:
https://nalunaarutit.gl/announcements?sc_lang=kl-GL
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut uunga saaffiginnittoqarsinnaavoq: apn@nanoq.gl imaluunniit AC-Fuldmægtig Nuka Møller Lund, e-mail: numl@nanoq.gl