AtuartigukFKU Kalaallit Nunaanni atorneqanngilaq â inissiinerit tamarmik isumaginninnikkut misissuinernik tunngaveqartarput
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Danmarkimi Nunatsinnilu inissiinermik suliani tarnip pissusaanik misissuinerit atorneqartarnerisa oqallisigineqarnerat Naalakkersuisut erseqqissaateqarfigerusuppaat. Nunatsinni inissiinissamik aalajangiinerit tamarmik isumaginninnikkut misissuinerit kisiisa tunngavigalugit pisarput – FKU misissuissutillu assingusut allat atornagit.
Nunatsinni inissiisarnermik sulianut atatillugu tarnip pissusaanik misissuinerit atorneqartarnerannik piffissami kingullermi tusagassiutitigut oqaatigineqartut eqqarsaatigalugit, erseqqissumik paasissutissanillu tunngaveqartumik nassuiaateqarnissaq Naalakkersuisunit kissaatigineqarpoq.
Pingaaruteqarpoq erseqqissaatigissallugu FKU-mik misissuissutit, tassunga ilanngullugit tarnip pissusaanik misissuinerit, Nunatsinni atorneqartanngimmata. Tamanna aamma misissuissutinut FKU-mut assersuunneqarsinnaasunut atuuppoq. Nunatsinni inissiinerit tamavimmik isumaginninnikkut misissuinerinnarnik tunngaveqartinneqarput. Isumaginninnikkut misissuinermut ilaatinneqarput suliap eqikkarneqarnera misissoqqissaarneralu aammalu suliatigut naliliineq oqartussanit susassaqartunit aamma sulianik suliaqartartunit ingerlanneqartoq.
Danmarkimi angajoqqaat piginnaasaannik misissuinerni tarnip pissusaanik misissuissutit atorneqartarnerat tapersersornagu Naalakkersuisunit arlaleriarlugu erseqqissaatigineqareerpoq, isumaginninnikkut suliani naliliinissamut naleqqunnerusunik suliatigullu illersorneqarsinnaanerusunik periaasissaqartoq nalilerneqarmat. VISO-p ataani immikkoortortap immikkut ittup, FKU-mik misissuinerni Danmarkimi kommuninut siunissami ikiuisussap, periaaserineqartup kulturikkut naleqqussarneqarnissaa qulakkeertussaavaa, sulianik suliaqartartunik kalaallisut oqaasilinnik kulturikkullu paasisimasalinnik atuisoqarnissaa apeqqutaatillugu. Immikkoortortamik tamatuminnga pilersitsisoqarnera Naalakkersuisut annertuumik tapersersorpaat, suliani innuttaasunut kalaallinut tunngasuni suliatigut pitsaassutsip kulturikkullu paasisimasaqassutsip qulakkeerneqartussaanerat pineqarmat.
Isumaginninnikkut sulinermi sakkussanik kulturimut oqaatsinullu attuumassuteqartunik pisariaqartitsisoqarnera Naalakkersuisut eqqumaffigaat suliassaqarfimmilu ineriartortitsisoqarnera ingerlaavartumik malinnaaffigalugu. Periaatsit sakkussallu Nunatsinni Danmarkimilu atorneqartartut inuiaqatigiit eqqarsaatigalugit naleqqussarneqarsimanissaat innuttaasullu pisinnaatitaaffiinik innarligassaannginnerannillu ataqqinninnermik toqqammaveqarnissaat pingaaruteqarluinnarpoq.
Matumani nalunaaruteqarneq paatsuungassutaasinnaasunut erseqqissaanissamik aammalu oqallinnerup tunngavilersorluagaasumik ingerlaqqinnissaanik siunertaqarpoq.
Sukumiisumik paasisaqarusukkuit qullersaqarfimmi allatsi Heidi Dalager e-mailikkut hdlr@nanoq.gl imaluunniit oqarasuaatikkut: +299 34 50 00 attavigiuk.
Nunatsinni inissiisarnermik sulianut atatillugu tarnip pissusaanik misissuinerit atorneqartarnerannik piffissami kingullermi tusagassiutitigut oqaatigineqartut eqqarsaatigalugit, erseqqissumik paasissutissanillu tunngaveqartumik nassuiaateqarnissaq Naalakkersuisunit kissaatigineqarpoq.
Pingaaruteqarpoq erseqqissaatigissallugu FKU-mik misissuissutit, tassunga ilanngullugit tarnip pissusaanik misissuinerit, Nunatsinni atorneqartanngimmata. Tamanna aamma misissuissutinut FKU-mut assersuunneqarsinnaasunut atuuppoq. Nunatsinni inissiinerit tamavimmik isumaginninnikkut misissuinerinnarnik tunngaveqartinneqarput. Isumaginninnikkut misissuinermut ilaatinneqarput suliap eqikkarneqarnera misissoqqissaarneralu aammalu suliatigut naliliineq oqartussanit susassaqartunit aamma sulianik suliaqartartunit ingerlanneqartoq.
Danmarkimi angajoqqaat piginnaasaannik misissuinerni tarnip pissusaanik misissuissutit atorneqartarnerat tapersersornagu Naalakkersuisunit arlaleriarlugu erseqqissaatigineqareerpoq, isumaginninnikkut suliani naliliinissamut naleqqunnerusunik suliatigullu illersorneqarsinnaanerusunik periaasissaqartoq nalilerneqarmat. VISO-p ataani immikkoortortap immikkut ittup, FKU-mik misissuinerni Danmarkimi kommuninut siunissami ikiuisussap, periaaserineqartup kulturikkut naleqqussarneqarnissaa qulakkeertussaavaa, sulianik suliaqartartunik kalaallisut oqaasilinnik kulturikkullu paasisimasalinnik atuisoqarnissaa apeqqutaatillugu. Immikkoortortamik tamatuminnga pilersitsisoqarnera Naalakkersuisut annertuumik tapersersorpaat, suliani innuttaasunut kalaallinut tunngasuni suliatigut pitsaassutsip kulturikkullu paasisimasaqassutsip qulakkeerneqartussaanerat pineqarmat.
Isumaginninnikkut sulinermi sakkussanik kulturimut oqaatsinullu attuumassuteqartunik pisariaqartitsisoqarnera Naalakkersuisut eqqumaffigaat suliassaqarfimmilu ineriartortitsisoqarnera ingerlaavartumik malinnaaffigalugu. Periaatsit sakkussallu Nunatsinni Danmarkimilu atorneqartartut inuiaqatigiit eqqarsaatigalugit naleqqussarneqarsimanissaat innuttaasullu pisinnaatitaaffiinik innarligassaannginnerannillu ataqqinninnermik toqqammaveqarnissaat pingaaruteqarluinnarpoq.
Matumani nalunaaruteqarneq paatsuungassutaasinnaasunut erseqqissaanissamik aammalu oqallinnerup tunngavilersorluagaasumik ingerlaqqinnissaanik siunertaqarpoq.
Sukumiisumik paasisaqarusukkuit qullersaqarfimmi allatsi Heidi Dalager e-mailikkut hdlr@nanoq.gl imaluunniit oqarasuaatikkut: +299 34 50 00 attavigiuk.