AtuartigukBiilinik misissuinissamut piareersaatitut Nuummi Sisimiunilu qamutit assakaasullit misissorneqarput
Nassiussisuuvoq: Ineqarnermut, Attaveqaatersuutinut, Isorliunerusunullu Naalakkersuisoqarfik
Kalaallit Nunaanni kingullermik 1999-imi biilinik misissuisoqarpoq. Biilinik misissuisarnerup atulerseqqinnissaanut atatillugu, qamutit assakaasullit qanoq-issusaat pillugit Færdselsstyrelsi ilisimasanik katersiniarluni juunip 24-ani Nuummiippoq, juunillu 25-ani aamma 26-ani Sisimiuniilluni.
Ineqarnermut, Attaveqaasersuutinut Isorliunerusunullu Naalakkersuisoq Aqqaluaq B. Egede imak oqaaseqarpoq:
”Transportministeri Thomas Danielsen isumaqatigiissusiorfigaara, aqquserngup sinaanut unitsitsisarnikkut biilinik misissuisarneq atulersinneqassasoq. Qamutit assakaasullit isumannaatsuunissaat qulakkeersinnaaniassagatsigu, naammagisimaarnangaartumik kiisami suliaq ingerlariaqqippoq.”
Qamutinut assakaasulinnut Færdselsstyrelsimi immikkut ilisimasallit qamutit assakaasullit qanoq issusiinik misissuisinnaaniassammata, misissuinermi Kalaallit Nunaanni Politiit qamutinik assakaasulinnik aqquserngup sinaanut unitsitsisaqattaarput. Pisortatigoortumik biilinik misissuisoqanngilaq, politiilli misissuisinnaajuaannarnerisituulli qamutinik assakaasulinnik misissuisoqarluni.
Qamutit motoorillit assigiinngitsut tamarmik misissorneqarput, ajoqutillu nalinginnaanerusut tassaallutik qulliit ajoquteqarnerat, saavani igalaat ajoquteqarnerat, assakaasut nungullarsimanerat, singarnerillu inngigissut.
Færdselsstyrelsermiut allaffimminnut maanna utersimalerput, biilinillu misissuinermi suut pingaarnerpaassanersut nalilersuleruttorlugu. Nalilersuillutik naammassereerpata Kalaallit Nunaanni biilinik misissuinermut malittarisassiortoqassaaq, tamannalu naammassineqareerpata Færdselsstyrelsi qamutinik assakaasulinnik aqquserngup sinaanukartitseriarluni qanoq issusiinik nammineq misissuisinnaatitaalissalluni.
Annertunerusumik paasisaqarusunnermi Ineqarnermut, Attaveqaasersuutinut, Isorliunerusunullu Naalakkersuisoqarfik attavigineqassaaq uunga box909@nanoq.gl
Ineqarnermut, Attaveqaasersuutinut Isorliunerusunullu Naalakkersuisoq Aqqaluaq B. Egede imak oqaaseqarpoq:
”Transportministeri Thomas Danielsen isumaqatigiissusiorfigaara, aqquserngup sinaanut unitsitsisarnikkut biilinik misissuisarneq atulersinneqassasoq. Qamutit assakaasullit isumannaatsuunissaat qulakkeersinnaaniassagatsigu, naammagisimaarnangaartumik kiisami suliaq ingerlariaqqippoq.”
Qamutinut assakaasulinnut Færdselsstyrelsimi immikkut ilisimasallit qamutit assakaasullit qanoq issusiinik misissuisinnaaniassammata, misissuinermi Kalaallit Nunaanni Politiit qamutinik assakaasulinnik aqquserngup sinaanut unitsitsisaqattaarput. Pisortatigoortumik biilinik misissuisoqanngilaq, politiilli misissuisinnaajuaannarnerisituulli qamutinik assakaasulinnik misissuisoqarluni.
Qamutit motoorillit assigiinngitsut tamarmik misissorneqarput, ajoqutillu nalinginnaanerusut tassaallutik qulliit ajoquteqarnerat, saavani igalaat ajoquteqarnerat, assakaasut nungullarsimanerat, singarnerillu inngigissut.
Færdselsstyrelsermiut allaffimminnut maanna utersimalerput, biilinillu misissuinermi suut pingaarnerpaassanersut nalilersuleruttorlugu. Nalilersuillutik naammassereerpata Kalaallit Nunaanni biilinik misissuinermut malittarisassiortoqassaaq, tamannalu naammassineqareerpata Færdselsstyrelsi qamutinik assakaasulinnik aqquserngup sinaanukartitseriarluni qanoq issusiinik nammineq misissuisinnaatitaalissalluni.
Annertunerusumik paasisaqarusunnermi Ineqarnermut, Attaveqaasersuutinut, Isorliunerusunullu Naalakkersuisoqarfik attavigineqassaaq uunga box909@nanoq.gl