AtuartigukNaalakkersuisoq Peter Borg aalisarnermut imartanullu EU-kommissæri Costas Kadis Finlandimi ataatsimeeqatigaa
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoq
Kittilämi Finlandimiittumi EU Issittoq pillugu Forumertoqarneranut atatillugu Aalisarnermut, Piniarnermut, Nunalerinermut Imminullu Pilersornermut Naalakkersuisup Peter Borgip aalisarnermut imartanullu EU-kommissæri Costas Kadis 26. juni 2025-mi ataatsimeeqatigaa.
Taakku marluullutik Kalaallit Nunaata EU-llu nunat marluk akornanni tunngaviusumik suleqatigiinneq eqqartorpaat, tassani Naalakkersuisup EU Kommissionip Kalaallit Nunaannut piffissami unammillernarfiusumi ikorfartuilluarsimaneranut qujassuteqarfigaa. EU-p Kalaallit Nunaannut tapersersuinera EU-kommissærip Costas Kadisip uteqqippaa kiisalu EU-p Kalaallillu Nunaata suleqatigiilluarnerisa pingaarutaa illuatungeriinnullu tamanut iluaqutaasumik annertunerusumillu ineriartortumik suleqatigiinnerulernissaq oqaatigalugu. Aammattaaq Kalaallit Nunaata EU-llu Aalisarneq pillugu suleqatigiinnissamik isumaqatigiissutaat, puisit amii pillugit Inuit immikkut pineqarnissaannut tunngasoq kiisalu aatsitassarsiornermi ataavartumillu nukissiuuteqarneq pillugu suleqatigiinnerup ineriartortinneqarnissaa eqqartorpaat.
”EU Kalaallit Nunaannut oqaluttuarisaanermi suleqataalluarsimavoq, aamma aalisarnermut oqartussaaffimmi ukiut 40-t matuma siorna akisussaaffigilersimasatsinni. Suliassaqarfinni illuatungiusut tamarmik pissarsiffigilluartagaanni EU-mik suleqateqarnerup inerisaqqinnissaa Naalakkersuisut kissaatigaat. Aalisarnerli Kalaallit Nunaanni inuussutissarsiutaavoq pingaarnerpaaq sulilu ukiorpassuarni taamaattuartussaalluni, taamaammallu ineriartornermut tassunga aalisarnermik suleqatigiinnerup kiisalu Kalaallit Nunaanni siuariartornermut nalimmassartuartarnissaanut pingaaruteqarluni. Taamaammat EU-mik tamanna pillugu siunnerfeqarluartumik oqaloqatigiittarnissarput qilanaaraarput,” Aalisarnermut, Piniarnermut, Nunalerinermut Imminullu Pilersornermut Naalakkersuisup ataatsimiinnermi ilaatigut oqaatigaa.
Peter Borg Naalakkersuisut sinnerlugit EU Arctic Forumimi peqataavoq, tassani ilaatigut oqaloqatigiinnerup ammarnerani oqalugiarluni kiisalu EU-kommissæri Finlandimit Savalimmiunillu ministerit nuimasut allat aamma Sami Parlamentimi Norgemeersumi præsidenti ullueqqasioqatigalugit.
Paasisaqarnerorusukkuit Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik attavigiuk apn@nanoq.gl
Taakku marluullutik Kalaallit Nunaata EU-llu nunat marluk akornanni tunngaviusumik suleqatigiinneq eqqartorpaat, tassani Naalakkersuisup EU Kommissionip Kalaallit Nunaannut piffissami unammillernarfiusumi ikorfartuilluarsimaneranut qujassuteqarfigaa. EU-p Kalaallit Nunaannut tapersersuinera EU-kommissærip Costas Kadisip uteqqippaa kiisalu EU-p Kalaallillu Nunaata suleqatigiilluarnerisa pingaarutaa illuatungeriinnullu tamanut iluaqutaasumik annertunerusumillu ineriartortumik suleqatigiinnerulernissaq oqaatigalugu. Aammattaaq Kalaallit Nunaata EU-llu Aalisarneq pillugu suleqatigiinnissamik isumaqatigiissutaat, puisit amii pillugit Inuit immikkut pineqarnissaannut tunngasoq kiisalu aatsitassarsiornermi ataavartumillu nukissiuuteqarneq pillugu suleqatigiinnerup ineriartortinneqarnissaa eqqartorpaat.
”EU Kalaallit Nunaannut oqaluttuarisaanermi suleqataalluarsimavoq, aamma aalisarnermut oqartussaaffimmi ukiut 40-t matuma siorna akisussaaffigilersimasatsinni. Suliassaqarfinni illuatungiusut tamarmik pissarsiffigilluartagaanni EU-mik suleqateqarnerup inerisaqqinnissaa Naalakkersuisut kissaatigaat. Aalisarnerli Kalaallit Nunaanni inuussutissarsiutaavoq pingaarnerpaaq sulilu ukiorpassuarni taamaattuartussaalluni, taamaammallu ineriartornermut tassunga aalisarnermik suleqatigiinnerup kiisalu Kalaallit Nunaanni siuariartornermut nalimmassartuartarnissaanut pingaaruteqarluni. Taamaammat EU-mik tamanna pillugu siunnerfeqarluartumik oqaloqatigiittarnissarput qilanaaraarput,” Aalisarnermut, Piniarnermut, Nunalerinermut Imminullu Pilersornermut Naalakkersuisup ataatsimiinnermi ilaatigut oqaatigaa.
Peter Borg Naalakkersuisut sinnerlugit EU Arctic Forumimi peqataavoq, tassani ilaatigut oqaloqatigiinnerup ammarnerani oqalugiarluni kiisalu EU-kommissæri Finlandimit Savalimmiunillu ministerit nuimasut allat aamma Sami Parlamentimi Norgemeersumi præsidenti ullueqqasioqatigalugit.
Paasisaqarnerorusukkuit Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik attavigiuk apn@nanoq.gl