AtuartigukKalaallit Nunaanni aalisarnermi piginnittut pillugit nalunaarusiaq nutaaq
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoq
Aalisarnermut, Piniarnermut, Nunalerinermut Imminullu Pilersornermut Naalakkersuisoqarfiup nalunaarusiaq "Kalaallit Nunaanni aalisarneq - Piginnittut pillugit takussutissiaq” saqqummiuteqammerpaa, tassani aalisarnermi nunatsinni aningaasarsiorfiusup pingaarnersaasa ilaanni piginnittut takuneqarsinnaalerlutik.
Aalisarneq pillugu Inatsisartut inatsisaanni nr. 29, 23. maj 2024-meersumi kapitali 12 § 52 naapertorlugu kalaallit aalisariutaanik piginnittut nalunaarsorsimaffiat Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmit ingerlaavartumik nutarterneqartartussanngorlugu suliarineqarpoq. Pisuussutit aalisarnermit pissarsiarineqartartut inuiaqatigiinnit tamanit iluaqutaanissaanik politikikkut innuttaasullu soqutiginnikkiartornerisa malitsigisaanik nalunaarusiaq tamanut saqqummiunneqarpoq.
Nalunaarusiaq tamarmiusoq linki una aqqutigalugu atuarneqarsinnaavoq
Nalunaarusiamut naqqiissutissaateqarpit? APN@nanoq.gl atorlugu allaffigisinnaavatsigut
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl