AtuartigukNuummi kaffisoqatigiilluni oqaloqatigiinnissamut qaaqqusissut: Innuttaasut misigisaat Peqqinnissaqarfimmik pitsaanerulersitseqataassapput
Nassiussisuuvoq: Peqqissutsimut inunnullu Innarluutilinnut Naalakkersuisoqarfik
Peqqissutsimut Inunnullu Innarluutilinnut Naalakkersuisoq Nuummi innuttaasunik oqaloqatigiinnissamut kaffisoqatigiinnissamullu qaaqqusivoq, sisamanngorneq ulloq juunip 26-ani nal. 16:30 – 18:30 Nuup katersortarfiani, tassanilu peqqinnissaqarfimmik soqutiginnittutpeqataanissamut kajumissaarpavut. .
Katsorsaanermut neqeroorutit ineriartortinnissaannut pitsanngorsarnissaannullu innuttaasut Peqqinnissaqarfimmi misigisaat misilittagaallu pingaaruteqarluinnarput. . Taamaattumik Naalakkersuisut ataatsimeeriaaseq nutaaq ammanerusorlu misilikkumavaat, tassani peqataasut isumassarsiaminnik, pisariaqartitaminnik kissaatiminnillu ilanngussaqassapput.
Ataatsimiinneq Open-Spaceminik taaneqartartumik ingerlanneqassaaq, taanna Sisimiuni juunip 17-anni iluatsilluartumik misilinneqarpoq. Innuttaasut tassani Peqqinnissaqarfiup iluani qulequttat sisamat qitiusut pillugit oqallinnernut uummaarissunut atorluarneqarsinnaasunullu peqataapput. Periuserineqartoq ammasumik aamma peqataatitsisumik toqqissisimanartumik inissaqartitsimmat nersualaarneqarpoq, Naalakkersuisullu periuseq taanna Nuummi misilikkumavaa.
Nuummi peqataasussat sammisat sisamat ukuusut oqaluuserinissaannut qaaqquneqarput:
1. Peqqissutsimut Inunnullu Innarluutilinnut Naalakkersuisumut politikikkullu aqutsisunut naatsorsuutit.
2. Nuummi nakorsami aamma ajoqusersimasunut nakorsiartarfimmi sullinneqarneq.
3. Peqqinnissaqarfiup utoqqarnik aamma inunnik timikkut tarnikkullu innarluutilinnik sullissinera.
4. Peqqinnissaqarfiup meeqqanut inuusuttunullu sullissinera, aamma inersimasutut inuunermut ikaarsaariarnermut
Innuttaasut oqariartuutaat sunniuteqassapput, politikkikkullu sulinermi ingerlateqqinneqassallutik. Ataatsimiinnermi oqariartuutit pingaartumik Peqqinnissaq pillugu isumaqatigiissutip annertusarneqarnissaata imarisaanut ilusilersueqataassapput, taanna innuttaasut, suliamik suliarinnittut aamma partiit qanimut oqaloqatigalugit Naalakkersuisut ineriartortippaat.
Peqqissutsimut Inunnullu Innarluutilinnut Naalakkersuisoq ataatsimiinnissamut atatillugu ima oqaaseqarpoq:
“Peqqinnissaqarfimmik inuit pisariaqartitaannik naapertuisumik pilersitsissagutta, innuttaasut oqariartuutaat pinngitsoorneqarsinnaanngillat. Tusarnaarnissannut, ilinniarnissannut oqallisiginninnissamullu qilanaarpunga – neriuppungalu amerlasuut ornigullutik oqaloqatigiinnermut peqataassasut. Ataatsimeeriaatsimik matuminnga inuit ataasiakkaat sunniuteqarsinnaanerat aamma peqqinnissaqarfimmi neqeroorutit ineriartortinneqarnerinut innuttaasut akisussaaqataanerat pitsanngorsarusuppagut, tamatumalu peqatigisaanik illuatungeriit naatsorsuutaat oqaloqatigiissutigineqassapput.”
Ataatsimiinneq kalaallisut qallunaatullu ingerlanneqassaaq, peqataasunullu kaffeqassaaq, teqarlunilu imeqarumaarpoq.
Sisamanngorneq ulloq 26. Juni nal. 16:30 – 18:30 Nuummi Katersortarfimmut aggialluarisi – oqaloqatigiinnissamut, sassaalliuteqarnissamut aamma ataatsimut aaqqiissuteqarnissamut qilanaarpugut.
Annertunerusumik paasisaqarusunnermi immikkoortortaqarfimmi pisortaq Laila Skydsbjerg Skytte, e-mail: Liss@nanoq.gl imaluunniit tlf: +299 34 65 81
Katsorsaanermut neqeroorutit ineriartortinnissaannut pitsanngorsarnissaannullu innuttaasut Peqqinnissaqarfimmi misigisaat misilittagaallu pingaaruteqarluinnarput. . Taamaattumik Naalakkersuisut ataatsimeeriaaseq nutaaq ammanerusorlu misilikkumavaat, tassani peqataasut isumassarsiaminnik, pisariaqartitaminnik kissaatiminnillu ilanngussaqassapput.
Ataatsimiinneq Open-Spaceminik taaneqartartumik ingerlanneqassaaq, taanna Sisimiuni juunip 17-anni iluatsilluartumik misilinneqarpoq. Innuttaasut tassani Peqqinnissaqarfiup iluani qulequttat sisamat qitiusut pillugit oqallinnernut uummaarissunut atorluarneqarsinnaasunullu peqataapput. Periuserineqartoq ammasumik aamma peqataatitsisumik toqqissisimanartumik inissaqartitsimmat nersualaarneqarpoq, Naalakkersuisullu periuseq taanna Nuummi misilikkumavaa.
Nuummi peqataasussat sammisat sisamat ukuusut oqaluuserinissaannut qaaqquneqarput:
1. Peqqissutsimut Inunnullu Innarluutilinnut Naalakkersuisumut politikikkullu aqutsisunut naatsorsuutit.
2. Nuummi nakorsami aamma ajoqusersimasunut nakorsiartarfimmi sullinneqarneq.
3. Peqqinnissaqarfiup utoqqarnik aamma inunnik timikkut tarnikkullu innarluutilinnik sullissinera.
4. Peqqinnissaqarfiup meeqqanut inuusuttunullu sullissinera, aamma inersimasutut inuunermut ikaarsaariarnermut
Innuttaasut oqariartuutaat sunniuteqassapput, politikkikkullu sulinermi ingerlateqqinneqassallutik. Ataatsimiinnermi oqariartuutit pingaartumik Peqqinnissaq pillugu isumaqatigiissutip annertusarneqarnissaata imarisaanut ilusilersueqataassapput, taanna innuttaasut, suliamik suliarinnittut aamma partiit qanimut oqaloqatigalugit Naalakkersuisut ineriartortippaat.
Peqqissutsimut Inunnullu Innarluutilinnut Naalakkersuisoq ataatsimiinnissamut atatillugu ima oqaaseqarpoq:
“Peqqinnissaqarfimmik inuit pisariaqartitaannik naapertuisumik pilersitsissagutta, innuttaasut oqariartuutaat pinngitsoorneqarsinnaanngillat. Tusarnaarnissannut, ilinniarnissannut oqallisiginninnissamullu qilanaarpunga – neriuppungalu amerlasuut ornigullutik oqaloqatigiinnermut peqataassasut. Ataatsimeeriaatsimik matuminnga inuit ataasiakkaat sunniuteqarsinnaanerat aamma peqqinnissaqarfimmi neqeroorutit ineriartortinneqarnerinut innuttaasut akisussaaqataanerat pitsanngorsarusuppagut, tamatumalu peqatigisaanik illuatungeriit naatsorsuutaat oqaloqatigiissutigineqassapput.”
Ataatsimiinneq kalaallisut qallunaatullu ingerlanneqassaaq, peqataasunullu kaffeqassaaq, teqarlunilu imeqarumaarpoq.
Sisamanngorneq ulloq 26. Juni nal. 16:30 – 18:30 Nuummi Katersortarfimmut aggialluarisi – oqaloqatigiinnissamut, sassaalliuteqarnissamut aamma ataatsimut aaqqiissuteqarnissamut qilanaarpugut.
Annertunerusumik paasisaqarusunnermi immikkoortortaqarfimmi pisortaq Laila Skydsbjerg Skytte, e-mail: Liss@nanoq.gl imaluunniit tlf: +299 34 65 81