AtuartigukUlloq 14. Junip New Yorkip Nuullu akornanni United Airlines atorlugu ammaaneq
Nassiussisuuvoq:
Ulloq 14. juni 2025 tassaavoq amerikamiut timmisartuutileqatigiiffiata United Airlinesip USAp Kalaallit Nunaatalu akornanni niuerneq tunngavigalugu timmisartuussineq siulleq. United Airlines Nunarsuaq tamakkerlugu niuerneq tunngavigalugu timmisartuutileqatigiiffiit anginersaasa ilagaat aqqummillu ammaanermi Kalaallit Nunaat nunanit tamalaanit orniginarnerutilissavaa. Newark Liberty International Airport USA-mi mittarfissuarni ulapaarfiunerpaat ilagaat, siornalu timmisartortunit 145,9 millioninit aqqusaarneqarsimalluni.
Kalaallit Nunaat New York Timesimit 2025-mi angalaffissatut soqutiginarluinnartutut nunat 52-it ilaattut saqqummiunneqarpoq.
Ammaanersiornermut atatillugu Washington D.C.-mi sinniisoqarfimmi pisortaq Jacob Isbosethsen New Yorkimut qaaqquneqarsimavoq United Airlinesimilu aqqutip ammaanersiorneqarnerani Newark Liberty International Airportimi ikiartortarfimmi persuarsiornermi, ilaatigut ima oqarpoq:
”Kalaallit Nunaat Amerika Avannarlerlu imminut ilisarisimalluarput. Siulivut Alaskap Canadallu issittuini angalasarnikuupput sikukkullu pinertussusertik, anorimik silamillu ilisimasartik atorlugu kiisalu qunutitassaanngitsumik tarneqarnertik kinguaaminnut ingerlateqqissimavaat tamannalu inuiaqatigiinni ulloq manna tikillugu suli pigaarput. Aqqut oqaluttuarisaanermi siullerpaamik aqqutigineqalertussaq New Yorkimi aallartissaaq akunnerillu tallimat affaanit amerlanerunngitsunik ingerlaarfigineqareerluni Nuummut apissiffigineqartussaalluni, akunnerisa takutippaat piffissami sivikilluinnartumi inuiaqatigiit akornanni tikeraartoqarsinnaanera periarfissanillu ammaassisoqarsinnaanera. Kalaallit Nunaannut soqutiginninneq politikkikkuinnaanngilaq, inuussutissarsiornikkut kulturikkulli aamma soqutiginnittoqarpoq. United Airlinesip ingerlalluarnissaannik kissaapparput takornarissanillu amerikameersunit tikinneqarnissarput nunaqqatittalu Nunarsuup Kitaanut angalasinnaalernissaat qilanaarilluinnarlugu.”
Ammaanersiorluni pingaartorsiornermi Jon Gooda, Newark Liberty International Airportip Vice-præsidentia, Patrick Quayle, United Airlines Global Network Planning and Alliancesip Senior Vice-præsidentia, kiisalu Washington D.C.-imi sinniisoqarfimmi pisortaq peqataapput. Jacob Isbosethsenip nal. 10.30 sumiiffimmi nalunaaqutaq malillugu qalersamik qiorsivoq taamaasillunilu timmisartumut Boeing 737-max 8, UA80, USA-mit Kalaallit Nunaanut angalasussamik ulikkaaqqasumit oqaluttuarisaanermilu niuerneq tunngavigalugu New Yorkip Nuullu akornanni angallanneq aallarnerlugu.
Paasissutissanik annertunerusunik pissarsiaqarusukkuit Washington DC Sinniisoqarfiani pisortap tullersortaa Rebecca Lynge + 299 590432 rejl@nanoq.gl attavigiuk.
Kalaallit Nunaat New York Timesimit 2025-mi angalaffissatut soqutiginarluinnartutut nunat 52-it ilaattut saqqummiunneqarpoq.
Ammaanersiornermut atatillugu Washington D.C.-mi sinniisoqarfimmi pisortaq Jacob Isbosethsen New Yorkimut qaaqquneqarsimavoq United Airlinesimilu aqqutip ammaanersiorneqarnerani Newark Liberty International Airportimi ikiartortarfimmi persuarsiornermi, ilaatigut ima oqarpoq:
”Kalaallit Nunaat Amerika Avannarlerlu imminut ilisarisimalluarput. Siulivut Alaskap Canadallu issittuini angalasarnikuupput sikukkullu pinertussusertik, anorimik silamillu ilisimasartik atorlugu kiisalu qunutitassaanngitsumik tarneqarnertik kinguaaminnut ingerlateqqissimavaat tamannalu inuiaqatigiinni ulloq manna tikillugu suli pigaarput. Aqqut oqaluttuarisaanermi siullerpaamik aqqutigineqalertussaq New Yorkimi aallartissaaq akunnerillu tallimat affaanit amerlanerunngitsunik ingerlaarfigineqareerluni Nuummut apissiffigineqartussaalluni, akunnerisa takutippaat piffissami sivikilluinnartumi inuiaqatigiit akornanni tikeraartoqarsinnaanera periarfissanillu ammaassisoqarsinnaanera. Kalaallit Nunaannut soqutiginninneq politikkikkuinnaanngilaq, inuussutissarsiornikkut kulturikkulli aamma soqutiginnittoqarpoq. United Airlinesip ingerlalluarnissaannik kissaapparput takornarissanillu amerikameersunit tikinneqarnissarput nunaqqatittalu Nunarsuup Kitaanut angalasinnaalernissaat qilanaarilluinnarlugu.”
Ammaanersiorluni pingaartorsiornermi Jon Gooda, Newark Liberty International Airportip Vice-præsidentia, Patrick Quayle, United Airlines Global Network Planning and Alliancesip Senior Vice-præsidentia, kiisalu Washington D.C.-imi sinniisoqarfimmi pisortaq peqataapput. Jacob Isbosethsenip nal. 10.30 sumiiffimmi nalunaaqutaq malillugu qalersamik qiorsivoq taamaasillunilu timmisartumut Boeing 737-max 8, UA80, USA-mit Kalaallit Nunaanut angalasussamik ulikkaaqqasumit oqaluttuarisaanermilu niuerneq tunngavigalugu New Yorkip Nuullu akornanni angallanneq aallarnerlugu.
Paasissutissanik annertunerusunik pissarsiaqarusukkuit Washington DC Sinniisoqarfiani pisortap tullersortaa Rebecca Lynge + 299 590432 rejl@nanoq.gl attavigiuk.