AtuartigukIsumaginninnermut, Suliffeqarnermut, Nunamut Namminermut Avatangiisinullu Naalakkersuisoq Ilulissanut angalassaaq
Nassiussisuuvoq: Isumaginninnermut, Suliffeqarnermut Nunamullu Namminermut Naalakkersuisoqarfik
Bentiaraq Ottosen ulloq 18. juni nal. 19-21-mi utoqqarnut suliassaqarfik, atugarissaarneq, suliffissarsiortut killilersimaarnissaannik inatsisip allannguutai, soraarnerussutisiaqartitsinermik aaqqissuusseqqinnissaq eqqagassalerinerlu pillugit innuttaasunik ataatsimiisitsiniarpoq. Innuttaasunik ataatsimiisitsineq kulturikkut illorsuarmi Sermermiuni ingerlanneqassaaq.
Isumaginninnermut, Suliffeqarnermut, Nunamut Namminermut Avatangiisinullu Naalakkersuisoq, Bentiaraq Ottosen, Ilulissanut ulluni 17-19. junimi angalassaaq, ilaatigut innuttaasunik ataatsimiisitsissalluni, innuttaasullu soqutiginnittut tamarmik peqataanissaannik kaammattorneqarlutik.
”Naalakkersuisunut pingaaruteqarpoq innuttaasut isumaat tusarnaassallugit aamma sunik oqariartuuteqarnersut tusassallugit. Innuttaasunik ataatsimiisitsinermi eqqartorneqassapput atugarissaarneq, utoqqarnut suliassaqarfik eqqagassalerinerlu. Qanimut oqartussaaqataaneq naalakkersuinikkut ingerlatsinitsinni qitiulluinnarpoq, taamaattumillu Naalakkersuisunut pingaaruteqarpoq, innuttaasut naligalugit naapinnissaat aamma innuttaasut naalakkersuinermik ingerlataqartugut toqqaannartumik oqaloqatigiinnissamut periarfissinnissaat. Tamatuma saniatigut utoqqaat illuat pulaassavara utoqqaat sulisullu oqaloqatiginiarlugit”, Isumaginninnermut, Suliffeqarnermut, Nunamut Namminermut Avatangiisinullu Naalakkersuisoq, Bentiaraq Ottosen oqaaseqarpoq.
Borgmesterimik, Lars Erik Gabrielsenimik, ataatsimeeqateqarnissaq pilersaarutaavoq.
”Borgmesterimik ataatsimeeqateqarnissaq uannut pingaaruteqarpoq, kommunimmi tassaapput atugarissaarnermut atatillugu innuttaasunut iliuuseqartussat. Suliassaqarfik pillugu borgmesterip takorluugai tusassallugit qilanaarivara, aamma kommunalbestyrelsi nutaaq peqatigalugu innuttaasugut sapinngisamik pitsaanerpaamik sullinneqarnissaat qanoq ilillutik qulakkiissaneraat” Isumaginninnermut, Suliffeqarnermut, Nunamut Namminermut Avatangiisinullu Naalakkersuisoq Bentiaraq Ottosen oqaaseqarpoq.
Naalakkersuisup Majoriaq Ilulissat aamma Perorsaanermik Ilinniarfik pulaassagai aamma naatsorsuutaavoq.
Annertunerusumik paasisaqarusunnermi naalakkersuisup allattaa Anders Samuelsen e-mail: ansa@nanoq.gl imaluunniit tlf.: +299 27 02 36 aqqutigalugu attaveqarfigineqassaaq
Isumaginninnermut, Suliffeqarnermut, Nunamut Namminermut Avatangiisinullu Naalakkersuisoq, Bentiaraq Ottosen, Ilulissanut ulluni 17-19. junimi angalassaaq, ilaatigut innuttaasunik ataatsimiisitsissalluni, innuttaasullu soqutiginnittut tamarmik peqataanissaannik kaammattorneqarlutik.
”Naalakkersuisunut pingaaruteqarpoq innuttaasut isumaat tusarnaassallugit aamma sunik oqariartuuteqarnersut tusassallugit. Innuttaasunik ataatsimiisitsinermi eqqartorneqassapput atugarissaarneq, utoqqarnut suliassaqarfik eqqagassalerinerlu. Qanimut oqartussaaqataaneq naalakkersuinikkut ingerlatsinitsinni qitiulluinnarpoq, taamaattumillu Naalakkersuisunut pingaaruteqarpoq, innuttaasut naligalugit naapinnissaat aamma innuttaasut naalakkersuinermik ingerlataqartugut toqqaannartumik oqaloqatigiinnissamut periarfissinnissaat. Tamatuma saniatigut utoqqaat illuat pulaassavara utoqqaat sulisullu oqaloqatiginiarlugit”, Isumaginninnermut, Suliffeqarnermut, Nunamut Namminermut Avatangiisinullu Naalakkersuisoq, Bentiaraq Ottosen oqaaseqarpoq.
Borgmesterimik, Lars Erik Gabrielsenimik, ataatsimeeqateqarnissaq pilersaarutaavoq.
”Borgmesterimik ataatsimeeqateqarnissaq uannut pingaaruteqarpoq, kommunimmi tassaapput atugarissaarnermut atatillugu innuttaasunut iliuuseqartussat. Suliassaqarfik pillugu borgmesterip takorluugai tusassallugit qilanaarivara, aamma kommunalbestyrelsi nutaaq peqatigalugu innuttaasugut sapinngisamik pitsaanerpaamik sullinneqarnissaat qanoq ilillutik qulakkiissaneraat” Isumaginninnermut, Suliffeqarnermut, Nunamut Namminermut Avatangiisinullu Naalakkersuisoq Bentiaraq Ottosen oqaaseqarpoq.
Naalakkersuisup Majoriaq Ilulissat aamma Perorsaanermik Ilinniarfik pulaassagai aamma naatsorsuutaavoq.
Annertunerusumik paasisaqarusunnermi naalakkersuisup allattaa Anders Samuelsen e-mail: ansa@nanoq.gl imaluunniit tlf.: +299 27 02 36 aqqutigalugu attaveqarfigineqassaaq