AtuartigukFrankrigip præsidentia Emmanuel Macron Kalaallit Nunaannut pisortatigoortumik tikeraassaaq.
Nassiussisuuvoq: Naalakkersuisut Siulittaasuata Naalakkersuisoqarfia
Frankrigip præsidentia Emmanuel Macron sapaammi juunip 15-iani nunatsinnut tikeraassaaq. Franskit præsidentiata tikeraarnermini Naalakkersuisut Siulittaasuat Jens-Frederik Nielsen ataatsimeeqatigissavaa danskit ministeriunerat Mette Frederiksen peqatigalugu.
Ataatsimeeqatigiinnermi nunatta inissisimanera aallaavigalugu nunanut allanut sillimaniarnermullu politikki, silap pissusiata allanngoriartornera nukissiuutinillu ataavartunik ineriartortitsineq eqqartorneqartussat ilagaat.
Frankrigip præsidentiata Nuummiinnerani tusagassiorfiit pisunut tusagassiortunullu katersortitsinermi peqataanissartik qinnutiginiarlugu Naalakkersuisut Siulittaasuata allattaa Andreas Poulsen, andp@nanoq.gl saaffigineqassaaq kingusinnerpaamik juunip qulingani nalunaaqutaq qulinut, nunatta nalunaaqutaa malillugu.
Allanik paasisaqarniaruit Naalakkersuisut Siulittaasuata allattaa Andreas Poulsen attaveqarfigiuk e-mailikkut: andp@nanoq.gl oqarasuaatikkulluunniit +299 34 52 80.