Naalakkersuisoq Nivi Olsen Islandimi ministerit marluk ataatsimeeqatigai

Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Nivi Olsen, Islandimi tikeraarnermi atatillugu ministerit marluk ataatsimeeqatigai: Logi Einarsson – Kulturimut, Qaffasissumik Ilinniarnermut – kiisalu Guðmundur Ingi Kristinsson – Ilinniartitaanermut, Meeqqanut Timersornermullu ministeri.

Logi Einarsson peqatigalugu suleqatigiinneq – immikkut ilinniartitaanermut, kulturimut timersornermullu tunngatillugu – sammineqarpoq. Ministerit isumaqatigiissutigaat suleqatigiinneq ingerlaannarnissaa kiisalu nutaanik, inuusuttunut aammalu ilinniartoqarfinnut iluaqutaasussanik suliniuteqartoqarnissaa aallartisarniarlugu.

Guðmundur Ingi Kristinsson-ip peqatigalugu atuarfimmit uniinnartartut amerliartuinnarnerat, aammalu meeqqat inuusuttullu tamarmik atuartitaanermut ingerlaqqissinnaanissaat qulakkeerneqarnissaa sammineqarput. Ataatsimiinnermi aaqqiissutissatut periarfissat, misilittakkat paasisallu ataatsimiinnermi isummersuutigineqarput.

Aamma timersorneq pillugu oqaloqatigiittoqarpoq – meeqqat inuusuttullu timersornikkut periarfissinneqarnissaat pingaaruteqarpoq. Tamatuma iluani Islandip misilittagaasa, soorlu anorimut silaannarmilu allanngorarfiusumi atorneqarsinnaasunik, Kalaallit Nunaanni timersortarfiliornissamut suliniutinut isumassarsiorfiulluni.

Annertunerusumik paasisaqarniaraanni Naalakkersuisup allattaa Kresten Lennert oqarasuaammut attavigineqarsinnaavoq: +299 34 56 75 imaluunniit e-mailikkut: krlt@nanoq.gl